لمبة التشيك إنجن نورت و الازاز مش شغال ولا التكييف

**sherif_84** · 09-08-2013 10:18 PM

سلام عليكم .. كل سنة وانتم طيبين و عيد سعيد علينا و عليكم وعلى مصر كلها .
الموضوع باختصار انى امبارح كنت فى مشوار وانا راجع بافتح الازاز عشان أهوى العربية فتح تمام جيت اقفله مش راضى استغربت .. بابص على العدادات لقيت لمبة التشيك انجن منورة و جربت اشغل التكييف فاصل خالص قطع نفس ..
وطبعا امبارح اول يوم العيد كل المحلات قافلة و النهاردة كذلك و دخلت العربية جراج عشان الازاز مفتوح ماينفعش اركنها كده فى الشارع طبعا .
ياترى ده سبب الفيوز ولا أحط العربية على سكان عشان اعرف السبب ؟ العربية نوبيرا 2006

**mero100** · 09-08-2013 11:20 PM

سكانر حيوضح سبب المشكله.

**tefa22m** · 10-08-2013 02:33 AM

لمبه التشيك ملهاش علاقه بالزجاج
شيك على الفيوزات اللى جوه الصالون و التانى اللى فى صدر العربيه

**mero100** · 10-08-2013 11:43 AM

طالما لمبه ال check engine نورت يبقي الكمبيوتر سجل error بسبب خلل في حساس من الحساسات .. لازم يتعمل اسكان للكمبيوتر و يوضح الخلل فين .... ده بالنسبه للمبه ال check engine .

بالنسبه للزجاج و التكييف بص علي الفيوزات بالتأكيد .

**Amr Elshamy** · 10-08-2013 04:58 PM

فى فيوز خاص بالازاز فى صدر العربية بص عليه ممكن يكون اتحرق
ولو اللمبه ماتشالتش اعمل سكان وان شاء الله خير

**a_arazik** · 11-08-2013 03:33 PM

طالما لمبة الشيك انجين نورت يبقي حضرتك تعمل اسكان وبالنسبة للزجاج ممكن يبقي فيوز او ممكن تكون المكنة بتاعت رفع الزجاج باظت

**Sherif Khalifa** · 12-08-2013 01:47 AM

فبرة توصيل الكهرباء الى خلف مفتاح الكونتاكت جوة علبة الدركسيون البلاستك بتكون باظت و الاطراف النحاس مش ملمسة كويس
بتتغير و سعرها 60 جم
و متمشيش بيها كتير لان مراوح التبريد مش هتشتغل معاك

و دا شكلها

و المشكلة بتكون الصوابع النحاس مش بتلمس كويس فى الكويل النحاس علشان توصل الكرباء للعربية و انت بتدور المفتاح

انا صلحتها بانى نضفتها و دقبت شوية على القرص النحاس علشان يقرب من الصوابع شوية و مشيت بيها سنتين لحد ما غيرتها