سامسونج اس 3 مينى

ايه رأيكوا فى الموبايل ده : سامسونج اس 3 مينى ؟
حد جربه ؟ وايه انطباعاته عنه . أرجو الافادة و شكرا

في شريحته السعرية ( حوالي 2300 جنيه ) .. في رأيي .. لا منافس .. موبايل متوازن في مزاياه .. مش اعلى بروسيسور بس قوى و سريع .. مش اعلى كاميرا .. بس كاميرا ممتازة .. شاشة 4 بوصة جيدة جدا .. جيلي بين .. فيه خصائص من s3 الكبير .. زي S VOICE و Smart Stay .. نقطة ضعفه زي معظم الاندرويد موبايل .. البطارية .. آخرها يوم مع الاستخدام المتوسط .

شكرا على المعلومات الحلوة دى ياباشا جزاك الله كل خير .

نصحية منى اللى هيخليك تدفع 2200 جنية فى تليفون , خلاص على اول 2014 هيتوقف تصنعية وتم تحديد اخر تحديث لية 4.2.2 , وبعد كدة شكرا

زود شوية وهات S3 لان دة اللى هيعيش معاك اكتر

لكن لو مش من النوع اللى بتحب التغير هاتة وخلاص , هو تليفون كويس , بس يعيبة استهلاك البطارية العالى + تقل فى النظام بعد قفل اى برنامج او لعبة , كاميرا امامية سيئة لو انت من هواة عمل ال chat
صوتة واطى

التليفون على نظام 4.1.1 المفروض انة هتيحدث لل 4.1.2 ,ونزلة فعلا , بس للاسف ضيع القفل المائى اللى فى التليفون , والجهاز فية تقل النظام

دة التليفون فى سطور

برضه ممكن تشوف sony experia l

مسكته في ايدي معجبنيش كانطباع اولي عنه
كنت بعمله سوفت وير لزبون
محسيتش انه طفره يعني ولا اس ثري من اساسه
واول ما شوفته افتكرته جالاكسي ايس ابو 1400 جنيه

لو الموبيل الى معاك شغال كويس ومش مستعجل على الشراء اصبر لبعد العيد الكبير لان كل اسعار الموبيلات تعتبر غاليه على سعرها خصوصا بعد نزول هذا الاسبوع موبيلات جديدة قريبه فى الامكانيات من الموجوده واقل فى السعر مثل :
ace 3 : تقريبا مواصفات الاس 3 ميني فى كل حاجه وسعره 1800 جنيه يعني فرق 500 جنية تقريبا
ودي المقارنه
Samsung I8190 Galaxy S III mini vs. Samsung Galaxy Ace 3 - GSMArena.com

core : وده نازل قريب من الاس 2 ويمتاز عليه انه دوال سم (اتنين شريحه) وسعره 2000 جنية يعني فرق 600 جنية تقريبا
ودي المقارنات :
Samsung I9105 Galaxy S II Plus vs. Samsung Galaxy Core I8260 - GSMArena.com

لو لاحظت فى المقارنات آخرها موجود متوسط السعر بره هتلاقى ان ace 3 أغلى من الاس 3 ميني
والكور أغلى من الاس تو
لكن هنا التجار بيستعبطوا ومش عايزين ينزلو الاسعار قبل انتهاء الموسم ( العيدين ودخول المدارس والكليات ) برغم ان الموبيلات سعرها فعلا نزل

يا جماعة بجد كتر خيركم كلكم على المعلومات دى كلها مع احترامى لكل الكلام بس هو عاجبنى شكله و حجمه و سريع وربنا يكرم .

شوف الاس فور ميني والاس 3
وهتحس بالفرق الكبير
بصراحة فكر فبدائل تانية