نفسي ارتاح !

**abdou7000** · 09-08-2013 11:20 PM

السلام عليكم ورحمة الله
اسأل الله أن أجد عندكم اقتراحات وحلول تريح قلبى .. وأتوسم فيكم الرأى السديد إن شاء الله
أنا فى أوائل الأربعينات وأعمل مصورا فوتوغرافيا بأحد الصحف المصرية
الحمد لله التزمت دينيا .. وعلمت من العلماء "الثقات" أن التصوير الفوتوغرفى فيه الحلال وفيه الحرام
الحرام زى تصوير النساء المتبرجات .. المهم إن عملى ما أقدرش أفصل فيه بين الحلال والحرام
يعنى لو جالى موضوع مش هاقولهم .. لأ دى واحدة ست متبرجة مش هاصورها !
عشان كده حاولت إنى أترك شغلى .. بس مش عارف اشتغل ايه خصوصا وإن دراستى هى التصوير
ياترى حد من أهل الخبرة والمشورة عنده اقتراح اتصرف ازاى ؟
خصوصا والموضوع اصبح مؤرق جدا نفسيا واولادى يكبرون ومصارفهم تزيد ، وقرار ترك الشغل والاستقالة أحيانا يلح على بشدة وأحيانا أخرى يضعف وتأخذنى الحياة ؟؟؟؟؟

**mero100** · 09-08-2013 11:31 PM

‫فتوى الشيخ الشعراوي عن العمل في بيع الخمر‬&lrm; - YouTube

و رأيي لو انت مش مرتاح ضميريا او دينيا لشغلك ....يبقي دور علي عمل اخر .

و أرجو تبحث في الموضوع اكثر مع علماء من دار الافتاء علي سبيل المثال .

**abdou7000** · 09-08-2013 11:41 PM

الأخ عمرو إبراهيم .. جزاك الله خيرا ..
أنا قتلت الموضوع بحثا .. وكما وضحت أن الفصل بين الحرام والحلال فى عملى صعب جدا
لكن أنا مش عارف الواحد ممكن يشتغل إيه فى السن دى .. وكما قولت مؤهلى كمان تصوير
يعنى كده كده مش هاشتغل بمؤهلى ..
إيه الشغل اللى ممكن الواحد يبدأه فى الأربعينات ويصرف منه على أسرة من خمس أفراد ؟؟؟؟؟؟؟؟؟

**M.ABDOU** · 10-08-2013 02:09 AM

اعتقد انى قريت فتوه للشيخ او اسحاق يعقوب فيها شبه من حاله سيادتك فأمره انه لا يترك عمله حاليا لان ترك العمل سيسبب ضرر كبير اكبر من ضرر العمل نفسه ولكن فى نفس الوقت امره بالبحث جديا وبسرعه عن عمل اخر فى نفس الوقت وحين العثور على عمل فعليه ان يترك العمل القديم

والله اعلم

**mohammed dodda** · 10-08-2013 02:23 AM

أستشير دار الافتاء المصرية بنفسك...وممكن تبدأ مشروع تجارى بسيط بيع واصلاح الات التصوير مش مهم المشروع يقف على رجله بعد سنتين او تلاتة تاخد فيهم الخبرة المهم يكون عندك النية...ده فى حالة ان المهنة فيها شبهة وربنا يساعدك ويعينك ويرزقك الحلال من حيث لاتدرى ولا تحتسب

**reda elgohary** · 10-08-2013 02:45 AM

الموضوع محير جدا ، بس أنا هنقل لحضرتك تجربتى ، أنا كنت شغال فى مكان وكنت حاسس بالشك فى مرتبى وتركت العمل لآنى غير مرتاح نفسيا وقعدت 3 شهور فى البيت والحمد لله ربنا رزقنى بمكان أفضل وأحسن .

**mohammedgido** · 10-08-2013 10:51 AM

من ترك شيء لله عوضة الله خيرا منه

ضع هذه النصيحه نصب عينيك ثم الهج بالدعاء ان يرزقك الله رزقا حلالا وان يغنيك من فضلة وان يباعد بينك وبين كل شبة حرام .. واتذكر قول بعض السلف ( تركنا سبعين بابا من الحلال مخافة أن نقع في الحرام )

فنصيحتي لك ابتعد عن مجال التصوير جمله وتفصلا سواء لمتبرجات او غير المتبرجات فالامر فيه كلام كثير ونهي ووعيد شديد ويكفيك حديث رسول الله ( إن اشد الناس عذابا يوم القيامة المصورون .. ) فالامر جدا خطير .. فالجأ لله العلي القدير الرزاق ذو القوة المتين واعتصم بحبلة يرزقك من غير حساب

**wawamoha** · 10-08-2013 11:04 AM

انا عارف ان كل الناس عاوزه تساعدك ...ز بس انا خايف انهم ينزلقم للفتوى و ده امر خطير ...
بص حضرتك انت عندك مرحلتين :
1- تستفتي من يطمئن قلبك لعلمه و رجاحته و حكمته و تحكيله الموضوع بالتفصيل و ابعاده - مش هاينفع حكايه الفيديوهات دي و الفتاوي المعممه لانها قد لاتناسب حالتك .
انا كنت خالي شغل و عندي اولاد - و جالي شغل مبرمج في شركه علشان اشرف عل عمليات مراهنات ماتشات الكوره - و استفتيت شيخ فاضل الله يرحمه - مع ان الموضوع واضح بالنسبه ليا - الا انه قعد يفصص و يمصص في طبيعه العمل و شغلي لحد اما تقريبا زهقني و في الاخر ماقدرش يقول انه حرام و امرني بالبحث عن غيره عل ما اتذكر او بالبدا واشوف اعمل ايه بالظبط .....
مش هاكلمكم عن علمه الشيخ الله يرحمه و انه من كبار علماء السلفيه - ما يطلق عليه متشدد
نعي الشيخ عبد الفتاح :
[url=http://www.alsalafway.com/cms/topic.php?action=topic&id=1488]

**wawamoha** · 10-08-2013 11:10 AM

مش عارف ليه البوست مارحش
المهم
المرحله 2
اذا الشيخ افتالك انك تسيب الشغل فورا او بعد فتره تبتدي تدور و دي ربنا يعينك عليها - بس تاكد ان ربك هو اللي بيرزق و دي ناحيه ايمانيه ربنا يرزقهالنا كلنا -
انا اقترح في المرحله دي لو جت انك تشوف موضوع اللغه - يعني مثلا تدعبس هل في شغلك مجال للعه ؟ و لغه ايه يعني مثلا طلع الالماني مطلوب - ممكن تبتدي فيه و تاحد فيه شهادات و تنقل للقسم ده
ربنا يوفقك ان شاء الله

**Zaki Bashkha** · 10-08-2013 02:31 PM

مع احترامي للجميع
عندك دار الافتاء اتصل بيهم وقول مشكلتك وهناك علماء اجلاء حيفتوك , انا بعمل كدا لما بقع فى مشكلة تتعلق بامور ديني

الموضوع: نفسي ارتاح !

LinkBack

أدوات الموضوع

عرض

-

-

-

-

المواضيع المتشابهه

نفسي .. نفسي .. نفسي .. نفسي اروح اسكندرية

شكرا شفيق .... ارتاح بقى

كنت هخبط العربية الاوبل فى عمود نور و ارتاح من قرفها

ضميري تعبني اوي و مش عارف ارتاح افيدوني من فضلكم

نفسى ارتاح من المنتدى ده

الكلمات الدلالية لهذا الموضوع

المفضلات

المفضلات

ضوابط المشاركة