الموضوع: فيات باليو 2008

انا فعلا معايا باليو 2006 بس هي مختلفة عن 2008 في انها " اجدد " ( فزورة ؟ :) )

علي العموم انا جمعتلك شوية ردودي من مواضيع مختلفة عن الباليو 2008 :

السيينا/ باليو 2008 هي هي السيارة بترا 2003
ولكن بمحرك مختلف و بعض الالوان الخارجية و الاضافات الخارجية المختلفة .
و هي تفقيل صيني .

مزاياها : اشتراكها في العديد من قطع الغيار مع العديد من موديلات فيات حديثة و قديمة فمش حتحتاج للتوكيل خالص .

سيارة مصنعة خصيصا للطرق المصرية و ان كانت علي حساب راحة الناس الي جوة .

موتورها الجديد 1500 - 85 حصان . طبعا اضعف من ال 1600 الي كانت بتطرح بيها ولكنها اقوى بكثير من ال 1400 ال 65 الي كانت بتطرح بيه ايضا .

عيوبها انها شكلها بقى قديم شويتين من جوة ومن برة و دي طبعا اذواق

سعر اعادة بيعها حيكون ضعيف حاليا . فلو انت ناوي انها تعد معاك فترة اكثر من او 5 سنين مش مشكلة .. لكن لو ناوي تغير علطول حتخسر شوية .

ارجو اني اكون افادتك .

----


بص يا سيدي انا معايا باليو 2006 ال 1300 الشكل الجديد ( اجدد من الحالي ) و هي صناعة برازيلية .

اولا لازم تعرف ان الباليو 1500 الموجودة حاليا صناعة صينية ( تققيل صيني يعني ) فلو عندك حساسيات من هذا الموضوع انساها , معندكش ؟ كمل معايا .

السيارة صنعت لدول العالم النامية و احنا مش اسثتناء و بصراحة من احسن السيارات المناسبة للطرق المصرية و بلدنا المحبوبة ؟

ليه ؟

- عفشة بجد بتستحمل حفر و بلاعات و مطبات
- سيارة عالية جدا ( عيب في الثبات طبعا علي السرعات العالية )
- صاج محمل نسبيا
- قطع غيار متشاركة مع كل موديلات فيات ( الميكانيكا ) السابقة و سهلة العثور عليها حتى برة التوكيل

نيجي بقى للعيوب .

اسعار قطع غير الكماليات الاصلية غالية .. يعني لو عايز الفانوس الاطالي الاصلي مثلا .. حتلاقيه غالي عند التوكيل بس حتلاقيه برة تركي و صيني و تايواني بربع الثمن . و هي دي ميزة و عيب .

التكييف مالوش لازمة علي 1 او 2 في الصباح او لو سايبها في الحر .. لازم 3 او 4 ( 4 اعلي حاجة )


العفشة علي قد ماهي بتنفع جامد جدا و تستحمل بهدلة شوارع مصر علي اد ماهي متعبة شوية للراكبين

الشنطة كبيييييييييييييييييرة جدا علي سيارة هاتشباك و انا كنت افضل اني اخد شنطة اصغر بس مساحة اكبر للركاب الي وراء هي مش ضيقة مثلا زي البيكانتو و لكنها مش واسعة مثلا زي السريون .


ادي تقريبا كل عيوبها و مزياها الاساسية و لو عوزت اي حاجة تانية اسال علطول

=------------------------------


بص ياسيدي الفاضل انا مش حفتي بس حقلك علي معايا .

انا معايا فيات باليو 2006 1242 سي سي برازيلي .

هي سيينا بس هاتشباك و بشكل جديد ( الي في صورة توقيعي )

التكييف جيد جدا في كل حتة الا في حالة واحد .. لو سبت العربية في الشمس .. يعني لما بسيب العربية مركونة كام ساعة في الشمس .. ( في الشغل مثلا ) و انزل الظهر اطلع بيها .

والله لو عملت قرد ! و شغلت التكييف على 4 ! و هويت علي نفسي ! و عملت كل حاجة بتبقى حارة برده لمدة 15 - 20 دقيقة .. بس من سؤال ناس غيري قالولي ان ده طبيعي .

انما لو السيارة مش ساخنة اصلا .. و الله انا بشغله علي 2 او 3 بالكثير في عز الظهر فوق كوبري 6 اكتوبر الواقف على طول و ببقى الحمد الله متكيف و مبسوط .

باليل مش بزود اكتر من 1 او 2 باكتير .

بالنسبة لخنقة الموتور انا عربيتي 1242 سي سي فاكيد بيفرق بس انا الي لاحظته انه بيفرق في السرعة النهائية مش في السرعة الاولية ..

بمعنى اني لو مشعله علي 4 حتى العربية بتتحرك عادي جدا .. بس مثلا لما اكون علي 80 و عايز ازود لحد قول 100 120 .. من غير تكييف سهل جدا .. بالتكييف الوقت بيزيد شوية و دع علي 4 اعلي سرعة في مروحة التكييف .

التوكيل مش حتتحاجه تقريبا نهائي لاني زي ماقلتلك السيارة هي هي البترا .

الحاجة الوحيدة الي عايزك تسال عليها هي قطع غيار الموتور علشان ده موتور مكانش موجود في مصر قبل كدة ..
فممكن تنزل شارع دمشق او شارع شامبليون عند الكيلان في وسط البلد و تسال لو هو هو حاجة السيينا و البترا اتكل علي الله .

و انا اعرف نمرة مهندس في اوماترا يمكن يفيدك لو معرفتش

و ربنا يوفقك .



------------------------------------