أنا فى مشكلة مشيت عكس الاتجاة وإتاخدت مخالفة مش عارف أعمل إية ؟؟

**hany_hady** · 03-09-2008 03:03 AM

السلام عليكم ورحمة الله وبركاتة

كل سنة وأنتم طيبيين ورمضان كريم

أنا بتابع المنتدى دة من سنتين بس مش كنت بشارك لأنى ماعنديش لسة عربية

إنهاردة كنت واخد عربية أخويا بعد صلاة التراويح على الساعة 9.30 كدة وماشى فى شارع قديم وطول عمرة إتجاهين ومن حوالى 5 شهور خلوة إتجاة واحد بس بالرعم من كدة الناس ماشية فية عادى برضة إتجاهين ومافيش حد بيقف فية خال مافيش مرور أساسا لأنة حى قديم ويعتبر دة شارع جانبى المهم كنت ماشى فية مخالف مع الناس وفجأة و انا ماشى ومافيش حد قدامى لاقيت ظابط مرور على موتوسيكل قدامى من بعيد روحت مدى إشارة شمال وداخل فى شارع جانبى بس لاحظت أنة شافنى ووقف قدام الشارع ومسك اللاسيلكى بتاعة وإتكلم فية أنا شوفتة فى المرايا ركنت العربية فى شارع جانبى بعيد ونزلت على رجلى أشوف الوضع إية على الشارع الرئيسى لاقيتة ماسك ناس وساحب رخصتهم

طيب دلوقتى على حسب ما عرفت ان فى قانون المرور الجديد مخالفة عكس إتجاة السير غرامة لا تقل عن ألف جنية ولا تزيد عن 3000 جنية !!!

أنا بسأل دلوقتى إية اللى هايحصل ؟؟؟ هل الظابط أخد نمرة العربية وهايجيبو أخويا ؟؟

ولا أخدها مخالفة وهاندفعها لما نجدد ترخيص العربية وهل هاندفع ال 1000 جنية ؟؟؟

مش عارف أعمل إية ياريت حد يفهمنى

**WalidAdel** · 03-09-2008 04:13 AM

شوف ياباشا انا من راي ماتقلقش نفسك فلي الفاضي و متسبقش الاحداث شوف لو يبعتوا لاخوك و مفتكرش انهم حيعملوا كده لان الظابط ممكن مايكونش لحق ياخد النمره و بعدين لو بعتوا شوف الغرامه كام و ادفعها و امرك لله او اعمل تظلم لكن لو كانت علي تجديد الترخيص نفس الحوار تظلم بردوا او كده و ممكن زي ماققوللحضرتتك ماييككونش لحق اخدها و الله اعلم

**salem** · 03-09-2008 04:51 AM

3aks el etegah feeha sa7b ro7'sa
2adam masa7bsh a3tkd mafish 3'rma
we shewaya kda we eb2a shof el mo7'alfat 3al net

**salem** · 03-09-2008 05:02 AM

https://www.egypt.gov.eg/arabic/serv...ction=Citizens

**hany_hady** · 03-09-2008 05:27 AM

المشاركة الأصلية كتبت بواسطة walidadel

شوف ياباشا انا من راي ماتقلقش نفسك فلي الفاضي و متسبقش الاحداث شوف لو يبعتوا لاخوك و مفتكرش انهم حيعملوا كده لان الظابط ممكن مايكونش لحق ياخد النمره و بعدين لو بعتوا شوف الغرامه كام و ادفعها و امرك لله او اعمل تظلم لكن لو كانت علي تجديد الترخيص نفس الحوار تظلم بردوا او كده و ممكن زي ماققوللحضرتتك ماييككونش لحق اخدها و الله اعلم

انا متشكر جدا على ردك بس أنا اعتقد انة للأسف لحد ياخدها

بس مش عارف هوة لية إتكلم فى اللاسيلكى وهوة باصص على النمر ؟؟؟

**hany_hady** · 03-09-2008 05:31 AM

المشاركة الأصلية كتبت بواسطة salem

3aks el etegah feeha sa7b ro7'sa
2adam masa7bsh a3tkd mafish 3'rma
we shewaya kda we eb2a shof el mo7'alfat 3al net

شكرا يا أخ سالم على ردك

بس أنا أعتقد انة لما لاقانى دخلت شارع جانبى مقدرش يخش ورايا لان الموضوع مش مستاهل أو ممكن يحصلة حاجة لو دخل يمكن بستدرجة لمنطقتى مثلا

بس أنا ماعتقدتش انة هايسكت او إن الموضوع هايعدى كدة

**hany_hady** · 03-09-2008 05:32 AM

المشاركة الأصلية كتبت بواسطة salem

https://www.egypt.gov.eg/arabic/serv...ction=Citizens

شكرا على الموقع بس للأسف ترخيص العربية على مرور الشرقية

SS · 04-09-2008 12:21 AM

انت قالق نفسك ليه بموضوع الاسلكى ...هتلاقى كان بيكلم ع حاجة مش متعلقة بيك.....اصل لو الموضع مهم بالنسبة له كده كان كمل وراك...خاصة و انت بتقول انك وقفت بعدشوية...ماتقلقش نفسك واخرها غرامة زى م الرجالة قالو لك...سيبها ع الله و ان شاء الله خير.