-
التحرش في العيد
-
سبب الموضوع دة الافلام المصرية والمسلسلات وعبدة موته ومزاج الخير واغانى اوكا والاغانى الشعبى
بالاضافة طبعا لاصدقاء السوء وعدم وجود دور تربوى سواء من الاسرة او من المدرسة
-
من رأي منكم منكرا فليغيره بيده .
-
التعليم ....التعليم يا ساده هو الحل ...هو الطريق لاخراج جيل متعلم متربي ومتزن نفسيا .... لسه مجاش الرئيس اللى يفهم كده واللى يعرف ان التعليم هو المفتاح للتنميه والنهضه.
-
معلش بس هو من السطحية أننا نلقي اللوم على الأفلام أو غيرها من وسائل الأعلام, و الموضوع ده برضه كان هيحصل حتى لو مكانش في حالة الأسفاف الفني الموجودة دلوقتي..
المسئولية طبعاً تقع على التربية و دور الأب و الأم في المراقبة و التوجيه اللي أصبح شبه منعدم,,
و التعليم دوره يأتي ثانياً, طول ما في حالة نفور موجودة عند الأطفال و الشباب من التعليم طول ما المستوى الفكري هيكون متدني عند الأجيال اللي طالعة دي و يبقى من السهل أوي التلاعب بعقولهم و التأثير عليهم بأي وسيلة..
طبعاً غياب السيطرة الأمنية عن الشارع طلعلنا بلاوي ياما هنشوفها..
-
من أمن العقوبة أساء الادب....والله يذع بالسلطان مالا يذعه القران
-
انا ليا راي بالاضافة الي ماسبق ان احيانا ومش دايما لبس البنت بيكون ليه عامل في الموضوع
امبارح كنت في احد المناطق الشعبية عشان كان عندي مناسبة عائلية لقيت لبس مينفعش اصلا ان بنت تلبسه زي الفيزون وغيره هنا فين دور الاب والام والاسرة وفين الراجل اللي يغير علي محارمه وحاجة بجد زعلتني جدا جدا جدا
لازم ندرس الـظواهر اللي ابتلي بيها المجتمع المصري خاصه في اخر ١٠ سنين ونحاول نعالجها بسرعة علشان نبدا ندخل لدرجة اننا نكون بنقدر ونحترم نفسنا ونحسن اننا بشر وبعدها نبقي نقول نبني او نطور بس لازم الاول نكون بشر
-
لا حول ولا قوة الا بالله دول اطفال !
-
ده نتاج الأعلام الزفت والوضع المنيل اللي خلي رب الأسره مطحون ومش فاضي يربي عيالي والعادات المهببه اللي خلت ربة البيت تشجع بنتها انها تبقي حركه ومدحدحه وتلبس وتتشيك عشان تتجوز بسرعة
اعلام فاشل وسافل
اولاد مش متربيه ومعندهاش نخوه
بنات مش محترمه ولبسها زي الزفت (الله يكرمكم بلاش كلمة ماهو في منتقبات بتتعاكس يبقي الموضوع ملوش علاقه باللبس)
كل ده لازم يبقي في تحرش
يبالمناسبة حملة منع التحرش دي لو فيها واحد ملتحي كان زمان اتعمل عليها فرح :)
-
العيب مش فى الشباب الصغير
العيب فى التعليم الفاشل اللى مش بيهتم بالدين ولا الاخلاق ولا القيم والمبادئ
العيب فينا احنا يا كبار مش بنعلم اطفالنا واخواتنا الصغيرين تعاليم دينا والحلال والحرام والاخلاق
العيب فينا مش بنلبس بناتنا واخواتنا لبس محتشم وكله اصبح بنطلونات وبديهات يعنى لبس تجسيد عورات ومفاتن واصبح طبيعى وعادى
ما انا وانت وهو المجتمع المصرى
لا اتكلم عن شخص معين بل اتكلم على اغلب المصرين للاسف
وبالتدريج هنرجع للستينات والسبعينات عادات وتقاليد منحلة وتقليد اعمى الا لو ربنا رحمنا واحنا رحمنا انفسنا
وانقذنا نفسنا بالتمسك بالدين والاخلاق والقيم الخاصه بنا كمجتمع شرقى مصرى مسلم
Content Relevant URLs by
vBSEO 3.6.0 PL2