^
فعلا المنوال بتوصل لسرعات اعلي في فديو لواحد وصل 220 بالمنوال
عرض للطباعة
^
فعلا المنوال بتوصل لسرعات اعلي في فديو لواحد وصل 220 بالمنوال
مساء الخير على الجميع وعلى ملاك نيسان قشقاي
انا ناوي اتشري قشقاي 2014 هاي لاين وسعرها طبعاً مش بسيط فياريت من أي حد معاه هذا النوع يحكي عن تجربته معاها من حيث القوة والموتور والتكيف والكهرباء والميكانيكا بتاعتها لأني سامع أن سحبها ضعيف في البداية واخبار التوكيل وقطع الغيار
جزاكم الله خيراً وياريت والنبي بسرعة لأني ناوي خلاص اشتريها اليومين دول
ولو معاك مبلغ في حدود 190 ألف جنية تشتري بيهم ايه بالظبط
كل الشكروالتقدير لكل واحد
انا ناوي اجيب القشقاي برضو اليومين دول وعلي فكره القشقاي مفيش فيها هاي لاين العربيه بتنزل فئه واحده بس ب190.000 بالحجز 6 شهور او تسليم فوري ب 200.000
في وكلاء زي اوتو ايجبت يبعها ب 205.000 ويزود عليها كفر في اشارات في المرايات وفرش جلد ودفندر ويسميها قشقاي بلاس
وفي زي السبع يبعها ب 214.000 ويزود عليها dvd و gps و سنسور و كاميرا وفرش جلد ويقلك ده هاي لاين
وانت وفلوسك بقه لو تقدر ادفع واستلم فوري بكمليتها مش هتقدر احجز واستلم بعد 6 شهور وعلي فكره بيمضيك علي اقرار ان لو السعر اتغير هتدفع الفرق ممكن بعد ال6 شهور يقلك دي وصلت 197.000 يبقي لا استلمت فوري واتبسط بعربيتك ولا وفرت الفلوس
اسف علي الاطاله بس انا لفت اصل كتير علشان ناوي اشتري :)
هو عيب العربية الوحيد إن الطلعة تقيلة لكن مع الوقت حتعود عليه , و ده بسبب إن الفتيس cvt مش عشان الموتور ضعيف , لان زي مانت شايف العربية بوزنها ده كله بتجيب 200 كم/س , و الفتيس حتتعود عليه و حتلاقي فيه مميزات ثانية كتير
العربية ثابته جدا علي الطريق ما شاء الله و مريحة جدا في السفر وداخل المدينة العفشة في نفس الوقت ناعمة و كاوتش عريض و سميك مايخلكش تحس بالتكسير اللي في شوارعنا
معلش يا باشا ,, انا كان عندى تعليق صغير
انت عايز تثبت ايه و لمين ؟
و لو لا قدر الله كان حصلك حاجة , الناس اللى انت عايز تثبتلهم ان القاشقاى بتوصل 200 , مكانوش هينفعوك ف حاجة :7_6_5v[1]:
و حتى لو كنت واخد بالك كويس ,, فا انت مش ضامن سواقة الناس اللى حواليك
و اصلا العربيات دى مش امان ان يتمشى بيها ع 200
و طبعا اقصد بكدة العربيات ال 1600 اللى تحت ال 200 الف لانها بتفتقر لل active safety بالذات و خصوصا كمان ان انت بتتكلم عن SUV
اتمنى ان كلامى ميضايقكش و انا بذكرك و بذكر نفسى لان احيانا الواحد بيحس ب adrenaline rush :36_1_40[1]: لما بيبقى الطريق فاضى
,
,
,
,
,
نسيت اقولك ان صاحبك دا شكله راكب S4 موديل 80
في ألمانيا في آخر حارة في ال autobahn مفيش حد اقصي للسرعة , فكون إن عربية قاشقاي تمشي 200 مش ظاهرة كونية أول مرة تحصل في التاريخ , الدكتور اللي كنت بعمل البحث عنده كان عنده جولف قديمة عادية جدا كان لما بيزهق بيطلع بيها ال autobahn و يجيب اخرها , و دي ناس بتخاف علي نفسها جدا , أكتر مني ومنك لانهم مش مؤمنين بربنا و لا جنة ولا نار
طب سؤال , إيه علاقة إن واحد راكب s4 بيقول إن ثبات ال qashqai كويس بأنه راكب عربية موديل 80 ولا هي تريقة و خلاص
تحياتي لك :)
طيب وليه يا جماعة نمشي على مائتين وانا مش ممكن امشي على مائتين ابداً انا معايا كيا سيراتو 2011 واقصى حاجة مشيت بيها كانت 140 فقط
المهم انا ناوي اغير واشتري قشقاي اشتريها ولا لأ
فعلا ,,
القاشقاى لما تجيب 200 دا مش ظاهرة كونية أول مرة تحصل في التاريخ
و مش دى المشكلة لان فى عربيات اقل من القاشقاى ف الامان و ف الحجم و بتجيب 200 عادى
كله بيعرف يجرى لكن مش كله بيعرف يطلع سليم
المشكلة ان الكلام دا ف مصر
اللى بيموت فيها كل سنة حوالى 12000 شخص كل سنة بسبب حوادث الطرق
و دا كلام ال WHO ,, مش كلامى
دا غير احصائيات و دراسات كتير قالت ان مصر من اعلى الدول عالميا ف وفيات حوادث الطريق
و كان فى خبر ف اليوم السابع على لسان مسئول مبادرة السلامة على الطرق بمنظمة الصحة العالمية بمصر ان "مصر أعلى دولة بـ"شرق الأوسط" فى نسبة حوادث الطرق "
و اظن كلنا متفقين ان مفيش مجال اننا نقارن الطرق ال &%$%$#% اللى عندنا بالاوتوبان
اللى يعتبر من اعلى الطرق امانا ف العالم و اقلها ف ال fatality rate
و ربنا يستر طريقنا كلنا
امين يا سيدي
yasserelshakwe
أنا وقت مشتريت القاشقي كانت ب 185 , و كان قدامي السيراتو الجديده ب 186 هايلاين و كارنز الشكل القديم ب 160 هايلاين و 3008 ب 195 بيزلاين و سبورتج كانت معدية طبعا و اخيرا كانت الاسترا
الاسترا عربية ممتازه لكن كنبتها كانت ضيقة و قولت اغير عن السيدان و اجرب ال suv
حاليا اعتقد في التويوتا كورولا الشكل الجديد معرفش حاجة عنها بس برده دخلها في حساباتك