صوت دق من خلف السياره(دايو2004)

**geli3000** · 10-08-2013 12:14 PM

ارجو المساعده
العربيه دايو 2004 ....اسمع صوت دق متغير (احيانا عالى واحيانا منخفض) يأتى من المنطقه الخلفيه تقريبا الناحيه اليمين للسياره واحيانا اخرى يختفى لفتره كبيره ثم ياتى الصوت مره اخرى مستمر لمده وتاكدت من ربط العجل الخلفى ...مع العلم رومان بلى العجل الخلفى كنت مغيره ناحيه اليمين من 2 سنه بس ده صوت دق مش صرير اكن فى حاجه بتخبط فى الشنطه بدق ...وتأكدت ايضا من الشنطه
هل ممكن يكون من الطنابير ولا فى حاجه مفكوكه......

**mamy20109** · 10-08-2013 07:54 PM

راجع على الشكمان

**mero100** · 10-08-2013 08:25 PM

اكشف علي المساعد الخلفي يمين.

**mhemoo_sale** · 11-08-2013 02:35 AM

اكشف على الخلفية كلها ورسح نفسك

**ahmedmanga** · 11-08-2013 02:50 AM

هتلاقى المساعد هوة اللى بيكون فيه دبه

**esam_refaat** · 11-08-2013 11:09 AM

لاحظ هل الصوت بتسمعه لما تفول بنزين ويكون التانك مليان؟
لو الاجابة نعم يبقى الصوت ده من الكانستر

**geli3000** · 13-08-2013 07:52 PM

المشاركة الأصلية كتبت بواسطة esam_refaat

لاحظ هل الصوت بتسمعه لما تفول بنزين ويكون التانك مليان؟
لو الاجابة نعم يبقى الصوت ده من الكانستر

انا فولت وسافرت اسكندريه ومكنش فيه صوت من فتره فريبه... بس قبل العيد لما فولت ابتده الصوت يجى مش عارف صدفه ولا ممكن يكون السبب والكانستر ده العلبه الى تحت على اليمين قبل التنك وخارج منها خراطيم للتنك؟؟؟ وايه المشكله ممكن تكون فيها

**geli3000** · 13-08-2013 07:56 PM

المشاركة الأصلية كتبت بواسطة ahmedmanga

هتلاقى المساعد هوة اللى بيكون فيه دبه

بس ده صوت دق غير منظم بيزيد ويقل لما اهدى السرعه وعلى الطريق العدل بس هل صوت المساعد الخلفى بيبقى شبه الدق

**geli3000** · 13-08-2013 07:57 PM

المشاركة الأصلية كتبت بواسطة mero100

اكشف علي المساعد الخلفي يمين.

ايه هى مظاهر تلف المساعد من حيث الصوت والاداء بيبقى عامل ازاى؟؟؟

**tarek_2005** · 14-08-2013 10:34 AM

لو كانستر هتلاحظ عدم ثبات مؤشر البنزين في العدادات يعني هتلاقي القراية بتاعته بتقل بصورة ملحوظه بعد سماع صوت الدبة مباشرتا وبعدين يرجع يرفع تاني
لو مساعد هيبان بالضغط علي شنطة السيارة لاسفل بيديك حتي تصل الي اخر مشوار المساعد لو سمعت الدبة يبقي من المساعد