محتاج نصيحه من مالكى الكارينز لو سمحتم

**Waleed_zayan** · 10-08-2013 05:04 PM

كل سنه وانتم طيبين ،،،،،، بفكر أجيب الكارينز لأنها عائليه وواسعه وتقضى الأسره ، بس خايف من حاجتين ، التكييف يكون ضعيف وده شىء أساسي عندى يعنى لازم يكون تلااااجه ، زى اليابانى كده ، وتانى حاجه يكون السحب ضعيف وأنا محتاج عربيه قويه لأنى بسافر كتير ،،٫ يا ترى حد عنده فكره وجرب العربيه و يقدر يفيدنا ؟ وبالمناسبة أخبار قطع الغيار ومدى توافرها فى ال توكيل أو بره واسعارها عامله ايه ؟
كمان عايز اعرف ايه الفرق بين التوكيل والخليجي وأعرفهم ازاى وترشحولى موديل ايه ؟ أنا معايا ١٢٥ ألف ،،، وشكرا مقدما

**ahmedalaahosny** · 10-08-2013 05:19 PM

لا اطمن ياباشا لو فيها اى حاجة مكنتش غرقت الشوارع الفرق بين الوكيل قصدك والخليجى الوكيل دى بتاعتنا
الخليجى بتبقى مواصفات اكتر تكيف تاتش جنط اكبرزينون فتحة سقف فرش جلد طبيعى وهكذا بس كله بتمنه

**Ahmed_Adham** · 10-08-2013 05:56 PM

المشاركة الأصلية كتبت بواسطة waleed_zayan

كل سنه وانتم طيبين ،،،،،، بفكر أجيب الكارينز لأنها عائليه وواسعه وتقضى الأسره ، بس خايف من حاجتين ، التكييف يكون ضعيف وده شىء أساسي عندى يعنى لازم يكون تلااااجه ، زى اليابانى كده ، وتانى حاجه يكون السحب ضعيف وأنا محتاج عربيه قويه لأنى بسافر كتير ،،٫ يا ترى حد عنده فكره وجرب العربيه و يقدر يفيدنا ؟ وبالمناسبة أخبار قطع الغيار ومدى توافرها فى ال توكيل أو بره واسعارها عامله ايه ؟
كمان عايز اعرف ايه الفرق بين التوكيل والخليجي وأعرفهم ازاى وترشحولى موديل ايه ؟ أنا معايا ١٢٥ ألف ،،، وشكرا مقدما

هيه من أحسن العربيات العائليه في السوق والسحب متوسط وبيضعف مع التكييف كحال عربيات كتير جدا مغرقه الشوارع. أنا بسافر بيها كتير كل اسبوع مشوار 100 كيلو رايح وزيهم راجع والتكييف تبريده ممتاز وفي أقصى درجات الحر هتشغله على 3 دقيقتين (مع مؤشر تبريد على أقصى تبريد) وبعد كده تعمله على 2 ومؤشر التبريد على النص.

الفرق بين الخليجي والتوكيل ان الخليجي بتزيد تكييف أوتوماتيك ومقابش الابواب الخارجيه من الكروم وخط كروم بعرض الابواب في الجزء الاسفل وفيه حساس مطر يشغل المساحات اوتوماتيك مع المطر وحساس ضوء يشغل النور أوتوماتيك لما الدنيا تضلم او تدخل جراج مثلا. مقابل كده بتخسر الضمان وأي مشكله في العربيه هتصلحها على حسابك بس فيه حاجتين في الموضوع ده وهما انك تشتري ضمان من شركات الضمان في حدود 2000 جنيه وأقل سنويا. تاني حاجه التوكيل بيستقبل العربيات الخليجي عادي بس أي شغل هبقى على حسابك وفيه كلام ان تسعيره صيانه الخليجي في التوكيل اعلى من عربيات التوكيل ب 15-20%

المشاركة الأصلية كتبت بواسطة ahmedalaahosny

لا اطمن ياباشا لو فيها اى حاجة مكنتش غرقت الشوارع الفرق بين الوكيل قصدك والخليجى الوكيل دى بتاعتنا
الخليجى بتبقى مواصفات اكتر تكيف تاتش جنط اكبرزينون فتحة سقف فرش جلد طبيعى وهكذا بس كله بتمنه

مفيش ولا جنط أكبر ولا زينون ولا فتحه سقف ولا جلد طبيعي في الخليجي. فقط المواصفات اللي أنا قلتها فوق ^^^

**Waleed_zayan** · 10-08-2013 07:08 PM

شكرًا للإهتمام والرد ، طيب الفلوس اللى معايا اقدر أجيب بيهم موديل أيه هاى لاين ، وأخبار الصيانة خارج التوكيل ايه ؟ فيه حد بيفهم فيها ولا لازم كلو يبقى فى التوكيل

**ahmedalaahosny** · 10-08-2013 07:49 PM

المشاركة الأصلية كتبت بواسطة ahmed_adham

هيه من أحسن العربيات العائليه في السوق والسحب متوسط وبيضعف مع التكييف كحال عربيات كتير جدا مغرقه الشوارع. أنا بسافر بيها كتير كل اسبوع مشوار 100 كيلو رايح وزيهم راجع والتكييف تبريده ممتاز وفي أقصى درجات الحر هتشغله على 3 دقيقتين (مع مؤشر تبريد على أقصى تبريد) وبعد كده تعمله على 2 ومؤشر التبريد على النص.

الفرق بين الخليجي والتوكيل ان الخليجي بتزيد تكييف أوتوماتيك ومقابش الابواب الخارجيه من الكروم وخط كروم بعرض الابواب في الجزء الاسفل وفيه حساس مطر يشغل المساحات اوتوماتيك مع المطر وحساس ضوء يشغل النور أوتوماتيك لما الدنيا تضلم او تدخل جراج مثلا. مقابل كده بتخسر الضمان وأي مشكله في العربيه هتصلحها على حسابك بس فيه حاجتين في الموضوع ده وهما انك تشتري ضمان من شركات الضمان في حدود 2000 جنيه وأقل سنويا. تاني حاجه التوكيل بيستقبل العربيات الخليجي عادي بس أي شغل هبقى على حسابك وفيه كلام ان تسعيره صيانه الخليجي في التوكيل اعلى من عربيات التوكيل ب 15-20%

مفيش ولا جنط أكبر ولا زينون ولا فتحه سقف ولا جلد طبيعي في الخليجي. فقط المواصفات اللي أنا قلتها فوق ^^^

ياباشا انا بضرب مثل مش اكتر

**kazamodia** · 11-08-2013 03:30 AM

انا ركبت مع واحد صاحبي الكارينز في السعودية وكل ما اركب معاه اقول له التكييف بايظ يقول لي لا هو كده ! التكييف في الكارينز وحش اوي وعن تجربة يا اما بقى التكييف عنده بايظ ! فرق كبير بينها وبين اللانسر والباجيرو

لكن بصراحة هي عربية حلوة وكبيرة جدا وشنطتها بحر !

**Ahmed_Adham** · 11-08-2013 02:04 PM

المشاركة الأصلية كتبت بواسطة kazamodia

انا ركبت مع واحد صاحبي الكارينز في السعودية وكل ما اركب معاه اقول له التكييف بايظ يقول لي لا هو كده ! التكييف في الكارينز وحش اوي وعن تجربة يا اما بقى التكييف عنده بايظ ! فرق كبير بينها وبين اللانسر والباجيرو

لكن بصراحة هي عربية حلوة وكبيرة جدا وشنطتها بحر !

اللانسر أصغر بكتير عن الكارينز وكمان مساحه شنطه الكارينز داخله في العربيه فطبيعي تحس بالتكييف في اللانسر اكتر. والباجيرو 3600 سي سي تقريبا وكمبريسور التكييف اكيد قوي عن الكارينز.

العيب اللي يتاخد على الكارينز في موضوع التكييف (ونفس العيب في عربيات كتير قوي منتشره في مصر) ان التكييف بياخد من سحب العربيه فسواقتها في الشتا أريح من الصيف بكتير.