اولا كل سنه وانتم طيبين ورمضان كريم...
انا عاوز اشترى عربية صغيرة وبصراحة محتار جدا بين picanto or i10
يا ترى تقولولى رأى عملى يا جماعة لانى هشتريها تقسيط ومحتار جدا بين الاتنين..
عرض للطباعة
اولا كل سنه وانتم طيبين ورمضان كريم...
انا عاوز اشترى عربية صغيرة وبصراحة محتار جدا بين picanto or i10
يا ترى تقولولى رأى عملى يا جماعة لانى هشتريها تقسيط ومحتار جدا بين الاتنين..
i think picanto is better than i10 , the i10 is extention to ATOS.
متشكر على الرد... بس انا عاوز رأى حد جرب الموديلات دى...
يا ريت الردود بسرعة يا جماعة..... أخوكم محتار..!!!!!!!!!!!
أنا ماجربتش أيا منهم
مجرد إنطباع إن البيكانتو أفضل كتير من حيث الشكل والثبات والمتانة (إنطباع فقط) ، غير إسم كيا إسم كبير وتوكيله الجديد توكيل نضيف
من الافضل انك تجيب كيا بيكانتو بيشكروا فيها جدا وعربية نجحت نجاح مذهل فى فترة قصيرة وناس كتيير مجربنها وبيشكروا فيها بالاضافة انك هتبعد عن غبور ودى اكبر ميزة بصراحة انا شايفها
انا في رايي البيكانتو للاسباب الاتية
1 -تقفيل كوري 100 %
2- مجربة وناجحة في السوق المصري من 2004
3- ضمان 5 سنين او 100000 كم
4- سعر اعادة بيع مضمون
5- توكيل محترم جدا
انا اللى اعرفه انك ممكن تفضل عربية عن التانية للآتى:
1- قطع الغيار توفرها وسعرها
2- كفائة العربية واستحمالها لخدمة مصر الشاقة
3- تكلفة التشغيل واستهلاك البنزين
4- قوة التوكيل وكفائته
عندى معلومات ان فى كوريا شركة هونداى وكيا شركة واحدة ، ولكن فى مصر شركتين
لما فتحت غطاء عربيتى الهونداى لقيت بعد فلتر الهواء قطعة مدموغ عليها اسم الشركتين فهم فى قطع الغيار واحد
النتيجة المذهلة ان العربيتين واحد حتى نفس الموتور بقوة 66 حصان زى بعض وعلى نفس الشاسيه
كل حاجة زى بعض بالميللى
انت لك الاختيار فى الاخر مستريح لمين
انا افضل i10 لان متوقع حجم وجودها فى السوق هايكبر قوى فوق ما تتوقع والسبب هاتعرفه بعدين
تم ان قطع غيار هونداى على حد علمى ارخص
ثم ان الاتوس هاتلاقيها بتاخد نفس قطع الغيار وهكذا
فى النهاية فئة i هى تطوير من هونداى ناحية الجودة الزائدة فى العربيات
انا افضل لك i10 بس استنى لحد اول اكتوبر لان فيه كلام تانى فى كل اسعار العربيات بسبب نزول عربية رينو من المغرب من غير جمرك هاتلخبط السوق
تحياتى
انا افضل لك i10 بس استنى لحد اول اكتوبر لان فيه كلام تانى فى كل اسعار العربيات بسبب نزول عربية رينو من المغرب من غير جمرك هاتلخبط السوق.....!!!!!!!!
متشكر جدا للأخ Moh Kamal على الرد....
بس ياترى المعلومة دى معناها ان السعار ممكن تنزل شوية ولا ايه؟؟؟؟؟؟؟؟؟؟
بصراحة انا مستغرب جدا لاننا عمرنا ما شفنا اى حاجة بترخص فى البلد دى
وخصوصا أسعار العربيات.. أرجو من كل الاخوة الافادة..
ولكم ألف شكر......... و رمضان كريم