ياجمــــاعه ايه رايكم فى توكيل دايموند فرع ابو رواش انا رايح هناك يوم الاتنين وعايز احجز البوما بس مش عارف ايه اخبار الفرع ده وهل التوكيل ده محترم
سؤال كمان هل العربيه البوما يابانى 100*100 وهل التخليص الجمركى مكتوب فيه بلد المنشا وهى اليابان
تحياتى
عرض للطباعة
ياجمــــاعه ايه رايكم فى توكيل دايموند فرع ابو رواش انا رايح هناك يوم الاتنين وعايز احجز البوما بس مش عارف ايه اخبار الفرع ده وهل التوكيل ده محترم
سؤال كمان هل العربيه البوما يابانى 100*100 وهل التخليص الجمركى مكتوب فيه بلد المنشا وهى اليابان
تحياتى
اة ياباني مية مية المفروض دة لو مش مزورين الورق هههه هية فيها عداد ديجيتال جديد و فتيس اتوماتيك ستيب ترونيك و موتور معدل عن البومة القديمة و التوكيل الناس مشتكتش منة بصراحة و بيقولوا احسن من رواس و الدليل انة نزل البومة بتحديثات جديدة و غير موتور الشارك بموتور جديد 1600 يستحمل البودي بتاعها و ربنا يباركلك فيها و يكفيك شرها بس متتسرعش و دور على عربيات تانية في حاجات حلوة كتير البومة برضوا حتى لو موديل 2013 شكلها قديم من 2005
ماتور البومة هو هو بدون تغيير اما ماتور الشارك هو اللى اتغير
ايوة تستحق الفلوس عربية عملية و اعتمادية و سعرها مناسب و موضوع الموتور هو هو بس عملو فية تعديلات عشان تمشي بي بنزين 92 بدل من 95 انا كنت قريت موضوع هنا لعضو محترم معانا عن الكلام دة
خالي معاه بومة و بقالها معاة 6 سنين من اول ما نزلت و شغالة زي الفل مفتحتش بقها
الحمد لله ازيك انت ياباشا
بالنسبة للبومة انت ادرى منى بيها انت كان معاك بومة
العربية معايا بقالها 4 سنين فلة شمعه منورة
بس سعرها بقى اوفر قوى
انا ليا عم بيدور على انه يشترى زيرو ومستقر على البومة لانها من افضل السيارات الموجودة ويابانى 100%
بس لو تعرف تجيب الشارك يبقى احسن
انا شخصيا بتمنى انى اركب الشارك او اعلى حبتين واجيب الهوندا سيفك
والفتيس الاستيبترونك الناس كلها بتشكر فيه محدش قال عنه كلمة وحشة
الحمد لله انا جبت بومه 2013 والحمد لله زي الفل وجبتها من دايموند موتور الصحراوي والعربيه تمام بس التوكيل مش عارف لسه وفي ناس اشتكت منو وانو غالي شويه
ألف مبروك العربية أولا.و ربنا يكفيك شرها و شر العين.التوكيل كويس في أسعار قطع الغيار و الفلاتر و السيور و المصنعية كويسه لحد 10 تلاف كيلو.الوحش جدا هناك السمكرة و الدوكو ( يارب ما تحتاجهم )لان واحد الله يسامحه بقي ركبلي عليها من ورا بعربيه 3/4 و هي لسه ماعملتش 2000 كيلو و جري.يلا الحمد لله.المهم العربيه زي الفل و موفرة في البنزين جدا الحمد لله
مبروك العربيه الجديده ...
بالنسبع للتوكيل مش بطال ... انا عملت صيانه البومه الاولى 1000 كم من حوالى شهر بــ350 جنيه و الصيانه الثانيه عرفت ثمنها بردو بـ555 جنيه و الاسعار دي شامله الضرائب و كل شيء .... العربيه ليس عليها اي ملاحظات محرك رائع و فتيس رياضي وهايل جدا ... انا كنت راكب opel vectra و دي عربيه مش بيهرج .. بس بجد البومه 2013 ادتني معظم اللى اتعوت عليه في الopel بس طبعا حاول تفتح الموتور واحدا واحدا و بلاش الكبس والـ kikdown دلوقتي لحد ما تغير زيت الــ1000 كيلو بتاع الفابريكه ... والورقه البيضه اللى على البربريز فيها الــserial number بتاع عربيتك ... حطو على الموقع بتاع متسوبيشي الرسمي " الياباني مش المصري" و هتعرف قصه حياه العربيه و تاريخ الانتاج و الجهة المصنع لها العربيه "دايموند" و كل شيء حتى اللون و تاريخ شحنها لمصر ...
العربيه رائعه و هتعجبك وثابته بشكل عجيب على السرعات العاليه انا شخصيا جربتها في العيد و جبت بيها 175 و انا راجع من الساحل فتتحت الموتور و جابت 198 لمده دقتين تقريبا ..!! مبروك عليك و ربنا يكفيك شر طريقها ....
مبروك علينا ان شاء الله طيب هروح احمل صيانه ال 10000 وابلغكم ان شاء الله بالجديد وايه رايكم عاوز اركب فوجات الاوكتافيا ليها زي الموضوع اللي منشور هنا اعمل ايه واجيب الكابل منين اللي يدخل للتابلوه
توكل على الله .. البومه زي الفل
يمكن عيبها الوحيد الشكل القديم وقلة الكماليات .. ( بس أنا عن نفسي كان عاجبني الشكل ده من زمان ونفسي فيه ) وبخصوص الكماليات ... ضحيت بكل كماليات الكوري في سبيل اني أركب عربيه ياباني .
الف مبروك و ربنا يملاهالك بالخير ....
بالنسبه للفوجات .... خلي بالك العربيه هتطلع من الضمان ... انا كنت في دبي وجبت طقم زينون كامل من الوكيل بتاعها هناك و اسمو "الحبتور للسيارات" عالى وواطي و حاجه والله رقم 1 ... الحمد لله الواحد في الحجات دي نزيه اوي .. المهم اتصلت اسأل عن تركيبو .. عارف قلولي ايه ..؟؟
مبنركبش الا بتاعنا و هتتطلع من الضمان لو ركب فيها ... طيب يا سيدي بتاعكو بكاام ..؟؟ 2225 جنيه ...!!
كدا بقا طبعا مات الكلام و استعوضت ربنا في الزينون الى لبستو و قلت لنفسي كمان سنتين و لا تلاته ابقى اركب لما اطلع مت الضمان .. لذلك ارجوجك خلي بالك بدل ما تخسر الضمات ..!!
انصحك تسحب الهوا الى في العجل و تحط نيتروجين و دا هيخليك تحس بالتالي :
1- الحد الاقصى لنعومه العفشه الزيرو بتاعت العربيه .
2- هيطري الكاوتش ويطول عمرو .. خلي باللك الفرده البريجستون دي عامله حوالى 800 جنيه يعني تحطها في عنيك ههههه مش قصدي طبعا بس فعلا الفرده دي كويسه جدا ويباني و مش موجوده اليومين دول بسبب وقف التصدير المؤقت و القلق اللى البلد فيه ..!!
وارجوك لو الفرده اتخرمت اوعى تديها خوابير ... الرقعه افضل واحسن و تطول عمر الفرده ... شكراً
بالنسبه للفرش ... انتا وزوقك بس في حاجه انا عملتها ....
انا حطيت طبقه فرش في الدواسه بالكامل .. اخترت لون هادي و شبه الارضيه و شيك جدا علشان متبقاش تاكسي من جوا .. هههه و كمان الشنطه .. لو عندك بقا اطفال زيي هتريح دماغك من اللبن و العصير و البسكويت و غيرو لما يلعبو و يدلقووه في العربيه ... و لو في سمك او لحمه و لا اي حاجه في الشنطه ... الفرش الفبريكا في امان تاااام .. لان فرش الفبريكا بتاعها مش موجود جديد و استيراد غالى جدا و طبعا مش هيبقى زي فرش الفبريكه .
اهم شيء الصنيعي والمكان اللى هتعمل فيه كدا و اوعى يحطلك غراء او كلا على الارضيه دا يبقى ملوش فيها و هيبوظ الارضيه الفبريكه ... لازم يكون السروجي جامد و يلف مع القنسول والعتب صح و يعشق الارضيه الجلد مه منحنيات العربيه من جوا ... وانصحك بالسيده زينب .. الصنايعيه فهمين اوي و جامدين و عارفين العربيه كويس من جوا .. شكراً
متابع....!!
زميلي في الشغل بردو جاب البومه سنه 2008 و ركب زينون و ما تلعطش من الضمان وكان بيروح اللى في القليوبيه وانا الى جيبهولو بنفسي من دبي بردو ماركه فيلبس بــ 250 درهم .. بس الوكيل اتغير وبقا واحد تاني ... و دا والله اللي حصل معايا لما كلمت دايموند حولوني بالورشه و قالى الزينون بــ2255 جنيه والانذار بـحوالي 1000 او اكتر شويه ... و ممكن تكلمهم وتتأكد بنفسك علشان تبقى مطمئن على الخط الساخن بتاعهم و اسمع كلامهم بنفسك ... وعلى فكره معظم التوكيلات نفس الشيء .. عندي واحد صحبي كان جايب هوندا سيتي و كانت بدون ريموت وكان عاوز يركب انذار برموت ... قالولو هتطلع من الضمان ... اتأكد قبل ما تقع الفاس في الراس و ساعتها هيتلككوا على اي شيء في العربيه و هيقولولك بسبب اللعب في الكهربا والضفيرا وغيرووو وتلاقي نفسك في مواال طويل
هو سعر العربية كام الي فيها 2 ايرباج و abs و ايموبليز
انا حجزتها وكيل بــ 135000 من معرض اسمو الهايمن بالمعادي و استلمتها بعد يومين بــ 137000 و كانت الفئه قبل الاخيره half sport :-
* 5 جنوط اسبو
*ABS
* 2 AIR BAGS
* فوانيس شبوره
* اوكر نيكل بالداخل والخارج
*2 مفتاح ريموت ايموبليز
* كاسيت Cd-MP3 - USB ماركه ALPAN
*دلايات عجل امامي و خلفي " 6 " دلايات
الفئه الاخيره بــ147000 و تزيد :
* فتحه سقف
*نور صالون امامي للقراءه
*سبويلر
* عتب
حضرتك انا مراجع في بنك و بيعدي عليا كل يوم اكثر من 50 - 70 عرض سعر لانواع مختلفه من العربيات ... عارف حضرتك الاسعار في الكوري مثلا زادت كام في غضون 6 شهور فقط .. حوالى 26% ... والبياني حوالي 29% والاوربي حوالى 33% ... تقدر حضرتك تنزل التوكيلات و تشوف ايه العربيه الى بــ137000 و ياباني و معمره و معروفه ... صدقني مش هتلاقي الا الصيني و اول الكوري ... صدقني يا فندم انا عملت مسح للسوق 11 شهر كاملين لاني كنت راكب اوربي " opel vectra" وكنت متكبر اركب ياباني ... وطبعا الكوري مش بفكر فيه اصلا .. لكن الواقع والامكانيات الماديه والاسعار فرضت عليا مبلغ معين و ملقتش حاجه ممكن احط فيها فلوسي وانا مطمن غير العربيه دي " البومه" بالذات مش الشارك... الالنترا كانت واقفه جمب عربيتي في الاجنس و كانت اقل في السعر حوالى 6000 جنيه و اوبشن و شكل جديد و شغلانه ...!! بس لما عملت دراسه عمليه لنفسي و لامكانياتي و للشوارع في مصر و للوضع الراهن للبلد .. لقيت ان الياباني يكسب حتى لو شكلو قديم او اوبشنو قليل ..!!
وعلى رأي واحد صاحبنا .. البومه دي مش عربيه .. دي شيك مقبول الدفع في جيب قميصك ..يتصرف في اي وقت .....ههههه
بالنسبه للعيوب ...
باستثناء حكات الزيرو والعين و الميكروباسات .... ماشاء الله " دكـــر" على الطريق و ثابته و فراملها بتلمها في اي موقف
بس بالنسبه لواحد نازل من الماني في كدا شويه حجات بعتبرها دلع ... هههه
*الشنطه صغيره بالنسبه للـopel
*الملفات السريعه مش زي الالماني اوي بس معقوله بالنسبه لوزن و حجم العربيه
* الصاج خفيف شويه
* المصفحه مش متينه و مش كبيره كفايه وبالتالي الموتور جزء منو مش محمي و دا شيء مهم لازم تخلي بالك منو وبالذات وانتا بتسوق في شوارع مصر ام الدنيا .. بلاعه هنا ولا حجر هناك هتزعل ...
قطع الغيار والــ reseal عامل مهم جدا ... و تنساش احنا في مصر و سوق العربيات بيفرض عليك تركب ايه بالذات واحنا معظمنا من الطبقه الاجتماعيه المتوسطه و لينا طلبات في العربيه دي :
* الشارك بتصرف بنزين اكتر بسبب كبر حجمها و وزنها وتحميلها على الموتور اكتر طبعا من البومه الاخف والاصفر
* قطع غيار الشارك اعلى بحوالى من 30 - 40 % حسب القطعه و دي مشكله كبيره في القطع المستهلكه زي التيل والسيور و اطنابير والعفشه و غيرو ... دا غير الفوانيس و الاكصدامات و كلنا في مصر بنغير الحجات دي
* سوق البومه سريع جدا في البيع وثابت نوعا ما و بذات اني الواحد لما بيبقى عاوز يبيع غالبا بيبقى يا اما دائقه ماليه او ظرف طارئ عافانا الله واياكم او قدامو عربيه تانيه لقطه مستعمله او عاوز كاش للعربيه الزيرو لو هيغير
* لما تطلع من الضمان اي ميكانيكي محترم ممكن يزبطها ... الشارك معقده نوعا ما و ليها ناس مخصوصه و طبعا احنا مش فاضيين للكلام دا .
* الشارك قللو سعرها في 2013 على حساب الخامات و دا هتلئيه واضح جدا في التابلوه بتاع 2008 و 2013 شارك و اللى المفروض يكون اشيك و اجمد و الصالون الفنش والخامات برضو مش اللى هي و البومه مازالت افضل في الموضوع دا .
باستثناء النقاط دي .. انا شايف ان الشارك عربيه كويسه جدا و مظلومه في مصر
باشااا 137 الف ده كويس جدا ما شاء الله علي انها اسبور وجنوط وسقف ونواااااك سعر ممتاز
وسعرها كان رفع عن كده في شهر 3
وبتاعتي العاديه طاسات وسبترونك واير باج سائق والحمد لله علي ما رزق والحمد لله زي الفل
وعملت الصيانه في دايموند واتكلفت 553 بس نصيحه رووووووح بدري من الساعه 9
لانو بيبقي زحمه
مازلت محتار في موضوع الفوجات ونفسي اركب بتوع الاوكتافيا وكهربائي يقولي بلاش نلعب ونفتح في الاكصدام ويقولي هات الاصلي
وشوووووووفت حاجه اجمد فوجات ليدات شوفتها راكبه عليها شكلها تحفه بس خاااايف العب برضو في الكهربااااااا
كان معايا لانسر 2005 بوما كنت جايبها زيرو عربيه محترمه مريحه اعطالها لا تذكر قطع غيار في كل مكان كل الصنايعيه بيفهموا فيها ماكنش فيها غير عيبين الموتور 1300 وده كان ضعيف علي البودي والفرامل كانت سيئه لان ماكانش فيها abs (متستهترش بالفرامل مهمه جدا جدا ) كان فيه مشكله بالنسبه لي بتضايقني وهي حجم الشنطه وخصوصا الدراعين اللي في الجنب وانت بتقفل الشنطه (انا بحب السفر وباخد شنط كتير) لكن الكورولا انا مبحبهاش وخد بالك ان 2014 ارتفاعها عن الارض 12.5 سم ودي طبعا مشكله كبيره . صلي استخاره اكيد ربنا حيوفقك في الاختيار