طيب بزمتك لو انت صاحب العربية و حصل كدة معاك و انت فى اخر بلاد ربنا فى الصعيد و مافيش مركز خدمة ليهم و يقول لك هاتها فى ابو رواش هاتعمل اية و ماذا سيكون شعورك حرام بجد
عرض للطباعة
معلش انا ليا رأى مختلف شويه ، انا شغال فى مجال السياحة وعندى حالة شبيهه ، فى فندق فى الغردقة بيبيع الغرفة فى الليلة بالافطار والعشاء 14$ يعنى الفرد $ 7 ، المهم يجيلى واحد اجنبى محترم اختار الفندق ده من بره بسعرة ده ويشتكى ان الفطار وحش مفيهوش غير جبن وبيض وفول !!!!! طيب دا اللى انت دفعته 42 جنيه دول ميكملوش حق العشاء بس .
هى نفس النظرية انت بتشتري عربية زيرو وشكلها حلو وفيها شويه اوبشنز مش موجودين فى عربيات غالية وبسعر ارخص من اي عربية كورى ، منتظر ايه من الجوده !!!!
وبعدين هو الكلام جديد علينا ، هو منتج صينى زى اى منتج صينى اخر ومتقوليش فى صينى جوده عالية ، لان الصينى الجوده العالية سعره عالى برده
انا ما اتفقش معا حضرتك لان الكلام الي بتقولة دة لازم يكون موضح يعني نكون علي نور يقول العربية تمنها كذا وفيها مشاكل كذا عشان الي يشتري ميبقاش اتخدع انما دة منزل بيوت شعر في العربية واعلانات في كل حتة تروش اي حد ومفهم معظم الناس ان الصين عملت عربية b m w بس بسعر قليل رأفة بحال المصريين
اسمحلى اقول لك الموضوع مختلف انا بردة فى مجال السياحة و خريج سياحة و فنادق لو الزبون متفق على افطار كونتنتال حضرتك سوف تنزل لة مخبوزات دانش و كرواسون ....... و عصير و قهوة ....... و غير كدة يبقى من حقة يشتكى و لكن افطار عادى اى افطار ممكن يكون شرقى و الزبون موش هايشتكى لكن لما تقدم لة غرفة بحمام و المية بتسرب و ترشح من كل مكان او غرفة بتيلفون و لا يعمل او تليفزيون و لا يسقبل اى قنوات كدة اسمة نصب و يقع تحت طائلة القانون
انا عندما اتكلم عن العربية و الجودة لا اقارن بينها و بين الكورى انا اقارن بينها و بين نفس الماركة و لكن تجميع الصين يعنى بص على العربية فى السعودية و قارن و شوفها فى روسيا و الدول الشرقية الناس مبهورة جدا هو بعد 1000 كيلو الدوكو يغير و يعمل بقعة و الفرامل تعمل صوت و لمبة الشيك تنور و صوت الشكمان و السحب الذى مثل البطة و البطارية و الكاسيت .................... دة تسمية اية
انا شايف الموضوع بسيط يستوردها مجمعة من الصين و يريح
طيب انا راضى ضمير الناس دة يندرج تحت بند اية
ياناس 82500 جنية واخذ عربية بها هذا الكم من العيوب ياراجل دة الواحد دمة اتحرق بتمنها و تعكنن
صدقن عندى لانوس 2000 و مرشتش لغاية دلوقت يادوب من سنتين لون السقف ابتا يغير بسبب ركنتها اليوم كلة فى الشمس
فاكر لما مصنع لانوس قفل و جمعوها فى مصر بدون خبراء كوريين و لا مكونات -- كان الكتير منها صينى ماكناش بنسمع عن عيوب فيها
صدقنى احنا شعب غلبان احنا موش عاوزين bmw احنا عاوزين عربية جيدة بدون عيوب و مشاكل معقولة دة نفس العربية فى السعودية 1800 سى سى و مافيها العيوب بتاعة هنا طيب لية
تعليق على موضوع العيوب.....مش معنى أن سعر العربية ٨٥٠٠٠ ألف جنيه أن العربية تكون شربه و مليانه مشاكل.....سعر العربية رخيص لانها مكونات صيني متجمعة فى مصر مش لانها حتة خردة على قد فلوس الزبون
العربية الصيني رخيصة عامة لانها بتستخدم تكنولوجيا محركات و تروس قديمة من شركات كبيرة عالمية زى تويوتا و ميتسوبيشى....فبتكون سعر المكونات دى رخيص مقارنة بالتكنولوجيا الحديثة الموجودة حاليا اللى بيضاف عليها سعر البحث و التطوير....
العيوب دى نتيجة سوء تجميع من مصانع غبور مع و هو الأهم عدم الاهتمام بالجودة من المورد المصرى ( البطاريات، الكاسيت، الشكمان، .....) و مسؤلية مهندسو غبور فى عدم اختبار المكونات المستلمة من الموردين الصيني و المصرى و عمل اختبارات جوده لكل مكون و اختبارات تحمل و اختبارات عمر افتراضي زى ما أى مصنع محترم فى العالم لازم لازم يعمل بالإضافة لعدم متابعة عملية التجميع و خصوصا فى البداية من شركة عالمية محترمة زى خبراء من تويوتا أو ميتسوبيشى أو كده فى اول كام شهر لتدريب المهندسين المصريين على تجميع هذه السيارة فى مصر...مش الأسبوعين اللى سافروهم الصين أتفرجوا على خط تجميع السيارة و رجعوا و كده يبقى تمام......
طبعا بعد المنتج النهاءى ما يطلع لازم أخد كام عربية من اول إنتاج و اعملهم اختبارات شاقة و كمان أدى طقم المهندسين المسؤولين عن التجميع عينات للتجربة الفعلية و التقييم على الطرق المصرية فى مختلف الظروف و بعد كله ده انزل العربية السوق للمستهلك و اعد حاطط رجل على رجل و سمعتى زى الفل.....مش معنى كده أن مفيش مشاكل هتظهر و لكن مش هتكون ضخمة و لا متكررة زى الموجود دلوقتى.....
اللى بقوله ده مش انشا و لا أحلام و لا كلام كتب....ده ألف به تصنيع لأى شركة محترمة عايزه تحافظ على اسمها و بتحترم عميلها.....
انا لما بشترى صيني و نتيجة لرخص السعر عن الأوروبي ببقى عارف أن اعتمادية القطع اقل بكتير من الأوروبي .....دى حاجة معروفة و متفق عليها لكن اللى بيحصل ده عيوب صناعة ١٠٠٪ و عيوب تجميع و مكونات و منتج تام لم يختبر لكى ينزل السوق فى اسرع وقت ويحقق اعلى مكسب بغض النظر عن الجودة.
للأسف غبور بيستخدم المستهلك كحقل تجارب لسيارته.....منتهى الاستخفاف بصراحة و لن تتقدم مصر فى الصناعة طول ما هذه الثقافة و هذا الاستخفاف سائد.
قلبى مع كل اللى اشترى هذه السيارة و عنده مشاكل فيها.