هل من الممكن ـصنيع سيارة خفية ؟؟

**wawoo** · 06-09-2008 02:24 AM

شوفو الخبر دة ليسة نازل قريب من شهر ا واكتر قليلا

يقوم فريق من الباحثين من الولايات المتحدة الأمريكية وبريطانيا بالعمل على تطوير مادة يُعتقد أنّ لها القدرة على إخفاء الأشياء التى تغطيها، ما يجعلها غيرمرئية من قبل الشخص الناظر إليها. ويقوم الباحثون بالعمل على تطويرهذه المادة بحيث تتميز بقدرتها على توجيه مسار أشعة الضوء الساقطة باتجاهها، ما يجعل الأشعة تلتف من حولها، الأمر الذى يجعل الناظرعاجزاً عن رؤية تلك المادة أو ما يختبيء تحتها.
ويعلِّق البروفيسور سير جون بيندرى من فريق البحث على ذلك بأنّ "الأمر يشبه تدفق الماء فى الجدول، فهو سيستمر بالتدفق حتى وإن اعترضت طريقه عود خشبية"، كما يوضح بأنّ هذه المادة ستكون أشبه بثقب فى الفراغ.
ويحسب رأى الباحثين؛ فإنّ هذه المادة أو ما يعرف باسم "ميتاماتيريال" "ما وراء المادة"، ستعمل على حجب الأشعة الكهرومغناطيسية عن الشيء الذى تخفيه، وبطبيعة الحال ستكون قادرة على منع أشعة الرادار من اختراقها، ما يؤدى إلى عزل الشيء الذى تخفيه عن العالم الخارجي، كما يوضح الباحثون.
ويؤكد الباحثون تعدّد المجالات التى يمكن أن تكون محل تطبيق فى استخدامات هذه المادة، حيث لن تقتصر على المجال الطبى وانما قد تتعداها لتطبيقات ذات أغراض عسكرية.
ومن الجدير بالذكر أنّ مشروع تطوير هذه المادة سيموّل من قبل مجلس البحوث الفيزيائية والهندسية فى المملكة المتحدة، ووكالة البحوث الدفاعية فى الولايات المتحدة الأمريكية.
واشنطن – عرب اونلاين – وكالات

**Chicco** · 06-09-2008 05:28 AM

يعني الواحد ممكن يشوف الرجل الخفي و السيارة الخفية في المستقبل القريب ؟!!!!!!!
سبحان الله .....
في انتظار بقية الموضوع

**Ahmed Samy** · 06-09-2008 03:56 PM

المشاركة الأصلية كتبت بواسطة Chicco

يعني الواحد ممكن يشوف الرجل الخفي و السيارة الخفية في المستقبل القريب ؟!!!!!!!
سبحان الله .....
في انتظار بقية الموضوع

لأ ما انت مش هاتشوفهم

**Chicco** · 06-09-2008 06:08 PM

المشاركة الأصلية كتبت بواسطة Ahmed Samy

لأ ما انت مش هاتشوفهم

ملعوبة يا دكترة .....عندك حق

بس لو ربنا أراد و التكنولوجيا وجدت ...مش حنستني كتير إلا و نلاقي التكنولوجيا المضادة ....

**wawoo** · 06-09-2008 06:46 PM

المشاركة الأصلية كتبت بواسطة Ahmed Samy

لأ ما انت مش هاتشوفهم

هههههه

انا اكتر فيلم لعب فى دماغى و انا صغير هوة "طقية الاخفاء" دة, و مين عارف يمكن المادة دى تكون موجودة بالفعل , و بتستخدم بالفعل ,
لان فى تكنولوجيا كتير استخدمت قبل طرحها للانتاج بسنوات . و فى تكنولوجيا نسمع عنها خبر و تختفى بعد ذلك .

**SHNORY** · 06-09-2008 10:57 PM

علي فكره يا جماعه الموضوع ده فكرت فيه لما لقيتكم كاتبينه بس هي فكره ظريفه وممكنه جدا بس مكلفه جدااااااااااااا ومحتاجه تكنولوجيا مش سهله خصوصا لو
اللي عاوز يخفي العربيه عاوز يخفيها عن العين مش عن الرادار
ودي حتكون عن طريق اننا حنغطي كل العربيه بشاشات بلازما وطبعا حيكون فيه كاميرات
تنقل الوان البيئه المحيطه بالعربيه وتغير لون العربيه ليها
وطبعا ولا فيه شاشات من دي ولا كاميرات بالدقه انها ممكن تغيرلك الصوره وانت ماشي علي سرعه عاليه وتعرضها علي العربيه
وخد بالك ابقي اركنها في جراج بدل ما تلاقيها مهروسه من عربيه نقل ولا من حد جاي يركن ومشافهاش
ويا سلام بقي لو تلاقي قطه متعلقه في الفراغ ونايمه هههههههههههههههه وطبعا هي نايمه علي سقف العربيه

**M_HaFeZ** · 09-09-2008 09:12 AM

مشكله السياره الخفيه انها لو تحققت فمش هينفع حد يسوقها
لان لو اعتمد على كسر زوايا الضوء الساقطه عليها علشان تتشتت بدل ماتنعكس والسياره تختفى

ففى نفس الحاله هيبقى اللى جواها مش واصله اى ضوء ... فمش هينعكس ضوء على الشبكيه .. يعنى هيكون فى ظلام كامل ... اعمى مؤقتاً
يبقى مش هينفع حد يسوقها والبدائل هو وجود اجهزه قياس صوتيه وحراريه وترسل اشارات إلى مكان اخر

**SeiffoZ** · 09-09-2008 04:56 PM

جهاز الRadar Detector

**moh_kamal67** · 10-09-2008 01:38 AM

نجحوا فى عملها بالنسبة للأشياء الغير مهتمة بالردار انتم مشتتين نفسكم ما بيت التقاط الرادار وانها لا ترى بالعين المجردة لان فيه وسائل للرؤية تانية
عملوا بقى ايه ؟؟؟؟؟
غطوا الجسم بشاشات مرنة زى يعنى ماتلبس بالطوا اساسه سطح شاشة وحطوا كاميرات على التجاهات مختلفة فيه تلقط الصورة اللى وراها وتعرضها على الشاشة يعنى بيكملوا الصورة بتصوير اللى وراها ابقى بقى شوف ذالك الجسم المتحرك
استحالة
وحل الرادار هو التشويش عليه وده موجود فى تقنيات عالية ومستخدم خارج مصر
ودمتم سالمين وطيبين ورمضان كريم