هل من الممكن ـصنيع سيارة خفية ؟؟

السلام عليكم و رحمة الله و بركاته ...
دى أول مشاركه ليا فى المنتدى ... و يا رب أكون عضو فعال معاكم إن شاء الله
نبدأ ...
بسم الله الرحمن الرحيم ..

ما معنى الخفاء؟؟
هو معناه صنع جسم لا تستطيع العين رؤيته أو تميزة ...و من أمثلة هذا الموضوع التمويه الخاص بالحيوانات ... على سبيل المثال الحرباء ... و بنشوف كلنا إزاى بتغير لونها حسب البيئة ...و هنا فهمنا معنى الخفاء .. نجد دائما أن العسكريون بدأو فى إستخدام المبدأ ... مثلا فى لباس الجنود هنلاقى لبسهم نفس لون البيئة المحيطة ....و الدبابات و المعدات المختلفة و هكذا ...و من أشهر الأمثلة القناصة
http://lh4.ggpht.com/_mfqaaC6Cuc0/SJ...1053517178.jpg

.....

نيجى للموضوع و علاقته بالسيارات :-
قصة حدثت قبل كده فى أمريكا .. ضابط على الطريق بجهاز الردار .فجأة الردار سجل سرعة 150 ميل ... الضابط إستغرب جدا ... ماشفش حاجة و ماسمعش ولا صوت ... نزل من العربية بتاعته يشوف أى حاجة مالقاش... و ده كان ليلا ... تانى يوم ليلا إتكرر نفس الموضوع ... و التالت و الرابع ..راح قال الرادار عطلان ...و لما كشف عليه قالولو ده شغال زى الفل ... و قعد يجربوا فى الناس مافيش مشاكل .. المهم هو شك و عمل كمين ... تخيلو وجد إيه؟؟؟ عربية لامبورجينى سوداء تماما ... مدهونة بدهان قاتم مش بيعكس الضوء قوى يعنى ..مش ميتاليك ... و المحرك عليه غطاء معين بيمنع صوت العربية لحد كبير ... زى اللى بيستخدم فى اللنشات الصغيرة عشان ميعلش صوت فى الماء و وجد إن الشاب ده مطفئ الأنوار كلها و مركب على عينه Night Vision Googles ... الحادثة دى لفتت نظرى جدا جدا ... الشاب ده طبق كذا مبدأ من مبادئ التخفى ..و عرف يفلت منهم كتير ... لكن التقنية مش كاملة فى إتمسك ..... و إن شاء الله أكمل الجزء الثانى لاحقا ... بس أسمع أرائكم و أفكاركم يا رجالة ... و السلام عليكم و رحمة الله و بركاته

فكره حلوة و غربيه بس لو اتعملت هاتبقى زى الديناميت كدة الانسان اخترعه علشان الخير و استخدامه الاساسى الوقتى الشر و زى ما المثال اللى موجود اللى استخدمها استخدمها فى الشر
و على فكره موضوع الردار ده سهل انك تخلص منه و ده عن طريق تصميم العربيه بشكل هندسى معين اسمه تقريبا الماسه الخفيه او حاجه زى كده
و ده زائد ماده معينه كده بتمتص اشعه الرادار و يبقى كده مفعول الرادار كمان راح
و ده اللى بيستخدم فى الطياره الشبح

من ناحية العين فسهل خداعها و من ناحية الرادار فنصمم العربية بحيث تشتت أشعة الرادار بعيد عنها و جسم العربية منمواد تمتص الأشعة دى بس حيكون عندنا مشكلة دلوقتى الطيارة B2b لما بتخش وضع التسلل الطيار بيقفل الموتور و بيتقفل أى فتحة بتدخل هوا للموتور عشان أجزاء الموتور بتعكس الرادار بشكل كبييييييييييييييييييييير فأعتقد دا حيكون صعب على العربية لأن الطيارة فى الوضع دا بتعمل جليدنج أو طيران شراعى إعتمادنا على تيارات الهوا ففى قوة بتخليها فى الهوا و بتتحرك و بسرعة معقولة

يا ريت كل اللى رد على الموضوع و صاحب الموضوع يكتبوا عندهم كام سنة الاول
عموما انا كنت سمعت ان عربية batman فيها الخاصية دى و عربية ال ninja turtles برده بس مش متاكد اوى من الموضوع دا.
عموما ممكن نفكر نطبق الموضوع دا فى الحقيقة , انا شفته فى looney toons دهنوا عربية شفاف فكانت مختفية.

الجزء الثانى :-
بدأت فكرة التخفى من السبعينات تقريبا ...
المهم دلوقتى الطائرات الحربية من طراز F-117 و B-2 سبيرت إمتازت بتقنية التخفى ..
و لكن مش 100%
بل بالعكس لو رادار قوى ممكن تتكشف ... زى ما حصل فى صربيا و العراق سابقا ..
أسقطت وسائل الدفاع الجوى طائرتين F-117
و زى ما قال الأعضاء إلى فوق إن تصميم السيارة بأسلوب الماسة الخفية ...
صحيح التصميم ده بيعكس الأشعة الرادارية بعيد عم مصدرها ... زى بالظبط لو جبت مرايا
و عملتها زى الماسة هتعكس بعيدا ...


http://www.richard-seaman.com/Aircra...UnderGuard.jpg

نجاوب الأول على العضوين اللى فوق ..
لا يمكن أبدا إغلاق فتحات الهواء و إغلاق الموتور يا إما الطائرة هتسقط ..

المهم نبدأ الموضوع :-
توجد العديد من الطرق للإفلات من الأشعة الرادارية ..
نبدأ ...
لو بدأنا نشوف إيه اللى بيكشف العربية ؟؟
أولا الإنعكاس من على جسمها ...
الصوت
حرارة الموتور
كثرة النتوئات و الدورانات
الزجاج
العجل
...
كل الحاجات دى؟؟؟ كثير قوى قوى ...
إن شاء الله المشاركة الجاية نكمل

اقتباس:

---

المشاركة الأصلية كتبت بواسطة lancerevolution

من ناحية العين فسهل خداعها و من ناحية الرادار فنصمم العربية بحيث تشتت أشعة الرادار بعيد عنها و جسم العربية منمواد تمتص الأشعة دى بس حيكون عندنا مشكلة دلوقتى الطيارة B2b لما بتخش وضع التسلل الطيار بيقفل الموتور و بيتقفل أى فتحة بتدخل هوا للموتور عشان أجزاء الموتور بتعكس الرادار بشكل كبييييييييييييييييييييير فأعتقد دا حيكون صعب على العربية لأن الطيارة فى الوضع دا بتعمل جليدنج أو طيران شراعى إعتمادنا على تيارات الهوا ففى قوة بتخليها فى الهوا و بتتحرك و بسرعة معقولة

---

لا يمكن أبدا ...
الطائرة دى تحتاج إلى قوة دفع بإستمرار ..
لوزنها التقيل جدا ...
ثانية القنابل و الصواريخ و الرؤوس النووية المحملة لها بتكون ثقل عالى لا يمكن إنها تكون تطير شراعيا ...
فقط بتمنع الصوت ...
و المحرك أصلا معالج لعدم الرصد ...

انا متابع
.........باهتمام

وعندي 27 سنة يا سمعة :)

و انا متابع بردوا ياباشا الموضوع شيق الصراحه

اقتباس:

---

المشاركة الأصلية كتبت بواسطة Relentless_mayhem

لا يمكن أبدا ...
الطائرة دى تحتاج إلى قوة دفع بإستمرار ..
لوزنها التقيل جدا ...
ثانية القنابل و الصواريخ و الرؤوس النووية المحملة لها بتكون ثقل عالى لا يمكن إنها تكون تطير شراعيا ...
فقط بتمنع الصوت ...
و المحرك أصلا معالج لعدم الرصد ...

---

الطيار بيبقى على إرتفاع قول مثلا يعنى 100 ألف قدم لما بيقرب من الهدف بيطلع ل 120 و بعدين يطفى المحرك و يعمل زى الطيران الشراعى بيتزحلق على الهوا لحد لما يوصل للهدف أو يبعد عن الرادار و أجهزة الرصد الحرارى الى بتلقط هوا الموتور السخن بيكون وصل لإرتفاع 100 ألف تانى و يعنى بيقلل زاوية السقوط ودا بيبقى على حساب السرعة الى بتبقى بطيئة جدا "بالنسبة لطيارة

اقتباس:

---

المشاركة الأصلية كتبت بواسطة lancerevolution

الطيار بيبقى على إرتفاع قول مثلا يعنى 100 ألف قدم لما بيقرب من الهدف بيطلع ل 120 و بعدين يطفى المحرك و يعمل زى الطيران الشراعى بيتزحلق على الهوا لحد لما يوصل للهدف أو يبعد عن الرادار و أجهزة الرصد الحرارى الى بتلقط هوا الموتور السخن بيكون وصل لإرتفاع 100 ألف تانى و يعنى بيقلل زاوية السقوط ودا بيبقى على حساب السرعة الى بتبقى بطيئة جدا "بالنسبة لطيارة

---

بص يا سيدى لازم نعرف كويس جدا أن أى طائرة لها شرط مهم جدا ...
الذى يكون عمرها ما توصل أبدا لأقل سرعة .. و بتكون حسب بقى توجيه الطائرة و لكن لا تقل عن 180 كم فى كل الأحوال ...
و لو جينا للإنت بتقولة نجد إن الطائرة لو عملت كده هتتعرض لحاجتين ..
1- Stall و الطائرة تسقط فورا ..
2- السرعة البطيئة هتخليها عرضة للإسقاط بواسطة المدافع المضادة للطيران ..
لأن أى طائرة عشان تضرب هدف أرضى لازم تنزل لإرتفاع معين حتى و لو كانت موجهة بالليزر ...
مثل الصواريخ الروسية KH-29T ده لازم تكون فى مدى 8 كيلو يعنى تضرب بالرشاشات لو السرعة بطيئة ..
لجأؤ عشان يخبوا العبيب بتاع المحرك إنهم يدفنوه فى الجناح ... لكن عمره ما ينتفى أبدا ..

شوفو الخبر دة ليسة نازل قريب من شهر ا واكتر قليلا


يقوم فريق من الباحثين من الولايات المتحدة الأمريكية وبريطانيا بالعمل على تطوير مادة يُعتقد أنّ لها القدرة على إخفاء الأشياء التى تغطيها، ما يجعلها غيرمرئية من قبل الشخص الناظر إليها. ويقوم الباحثون بالعمل على تطويرهذه المادة بحيث تتميز بقدرتها على توجيه مسار أشعة الضوء الساقطة باتجاهها، ما يجعل الأشعة تلتف من حولها، الأمر الذى يجعل الناظرعاجزاً عن رؤية تلك المادة أو ما يختبيء تحتها.
ويعلِّق البروفيسور سير جون بيندرى من فريق البحث على ذلك بأنّ "الأمر يشبه تدفق الماء فى الجدول، فهو سيستمر بالتدفق حتى وإن اعترضت طريقه عود خشبية"، كما يوضح بأنّ هذه المادة ستكون أشبه بثقب فى الفراغ.
ويحسب رأى الباحثين؛ فإنّ هذه المادة أو ما يعرف باسم "ميتاماتيريال" "ما وراء المادة"، ستعمل على حجب الأشعة الكهرومغناطيسية عن الشيء الذى تخفيه، وبطبيعة الحال ستكون قادرة على منع أشعة الرادار من اختراقها، ما يؤدى إلى عزل الشيء الذى تخفيه عن العالم الخارجي، كما يوضح الباحثون.
ويؤكد الباحثون تعدّد المجالات التى يمكن أن تكون محل تطبيق فى استخدامات هذه المادة، حيث لن تقتصر على المجال الطبى وانما قد تتعداها لتطبيقات ذات أغراض عسكرية.
ومن الجدير بالذكر أنّ مشروع تطوير هذه المادة سيموّل من قبل مجلس البحوث الفيزيائية والهندسية فى المملكة المتحدة، ووكالة البحوث الدفاعية فى الولايات المتحدة الأمريكية.
واشنطن – عرب اونلاين – وكالات

يعني الواحد ممكن يشوف الرجل الخفي و السيارة الخفية في المستقبل القريب ؟!!!!!!!
سبحان الله .....
في انتظار بقية الموضوع

اقتباس:

---

المشاركة الأصلية كتبت بواسطة Chicco

يعني الواحد ممكن يشوف الرجل الخفي و السيارة الخفية في المستقبل القريب ؟!!!!!!!
سبحان الله .....
في انتظار بقية الموضوع

---

لأ ما انت مش هاتشوفهم :laugh6::laugh6:

اقتباس:

---

المشاركة الأصلية كتبت بواسطة Ahmed Samy

لأ ما انت مش هاتشوفهم :laugh6::laugh6:

---

ملعوبة يا دكترة .....عندك حق :laugh6:
بس لو ربنا أراد و التكنولوجيا وجدت ...مش حنستني كتير إلا و نلاقي التكنولوجيا المضادة ....

اقتباس:

---

المشاركة الأصلية كتبت بواسطة Ahmed Samy

لأ ما انت مش هاتشوفهم :laugh6::laugh6:

---

هههههه

انا اكتر فيلم لعب فى دماغى و انا صغير هوة "طقية الاخفاء" دة, و مين عارف يمكن المادة دى تكون موجودة بالفعل , و بتستخدم بالفعل ,
لان فى تكنولوجيا كتير استخدمت قبل طرحها للانتاج بسنوات . و فى تكنولوجيا نسمع عنها خبر و تختفى بعد ذلك .

علي فكره يا جماعه الموضوع ده فكرت فيه لما لقيتكم كاتبينه بس هي فكره ظريفه وممكنه جدا بس مكلفه جدااااااااااااا ومحتاجه تكنولوجيا مش سهله خصوصا لو
اللي عاوز يخفي العربيه عاوز يخفيها عن العين مش عن الرادار
ودي حتكون عن طريق اننا حنغطي كل العربيه بشاشات بلازما وطبعا حيكون فيه كاميرات
تنقل الوان البيئه المحيطه بالعربيه وتغير لون العربيه ليها
وطبعا ولا فيه شاشات من دي ولا كاميرات بالدقه انها ممكن تغيرلك الصوره وانت ماشي علي سرعه عاليه وتعرضها علي العربيه
وخد بالك ابقي اركنها في جراج بدل ما تلاقيها مهروسه من عربيه نقل ولا من حد جاي يركن ومشافهاش
ويا سلام بقي لو تلاقي قطه متعلقه في الفراغ ونايمه هههههههههههههههه وطبعا هي نايمه علي سقف العربيه

متأسف يا جماعة على التأخير ..
اليوم نبدأ الباقى فى الدراسة دى ..

أولا... نبدأ بحل مشاكل الهيكل :-

أولا سبب الإلتقاط وضحناه فوق ...
1- ممكن أول شئ الإستغناء تماما عن الدهان الميتالك .
للأن الميتالك يعكس تماما كل الأشعه ... فنحتاج إلى دهان من نوع قاتم .. و نوع يمتص الأشعه ما يعكسهاش ... دهان الطائرات الخفية غير معروف تركيبته و سعره أغلى من محل عربيات كامل بالعربيات اللى فيه .
2- ممكن نعمل دهان قاتم ... يقلل نسبة الإنعكاس ...
3- طبعا لو جينا و قلنا تعديل فى شكل العربية صعب جدا هنحتاج بلاوى زرقا و فلوس ..و هنشرح تكتيك التصميم مرة أخرى ... فى مشاركة تانية ..

نيجى بقى للمهم إلى فى وسعنا نعماه :-
1- دهان قاتم ...
2- فى جهاز إسمه رادار ديتيكتور ... ده بيلقط الردار على بعد أد إيه بظبط .. و إمت هتدخل مجاله ... سعره بيكون فى حدود 800 دولار ...
3- Flares أو chaffs ... و ده بتكون رقاقات معدنية و شعلات هحطلكم طريقتها ‘ن شاء الله بس ليها تأثير كبير جدا على التشويش على رادار زى إلى فى العربيات ..
و دى ممكن تعملها فى البيت بس لازم بقى نفكر هنضربها إزاى وقت الرادار؟؟
4- محاولة تقليل صوت الموتور بعزله ..

مشكله السياره الخفيه انها لو تحققت فمش هينفع حد يسوقها
لان لو اعتمد على كسر زوايا الضوء الساقطه عليها علشان تتشتت بدل ماتنعكس والسياره تختفى

ففى نفس الحاله هيبقى اللى جواها مش واصله اى ضوء ... فمش هينعكس ضوء على الشبكيه .. يعنى هيكون فى ظلام كامل ... اعمى مؤقتاً
يبقى مش هينفع حد يسوقها والبدائل هو وجود اجهزه قياس صوتيه وحراريه وترسل اشارات إلى مكان اخر

http://www.buyradardetectors.com/Pro...rt/9500i_l.jpg

جهاز الRadar Detector

نجحوا فى عملها بالنسبة للأشياء الغير مهتمة بالردار انتم مشتتين نفسكم ما بيت التقاط الرادار وانها لا ترى بالعين المجردة لان فيه وسائل للرؤية تانية
عملوا بقى ايه ؟؟؟؟؟
غطوا الجسم بشاشات مرنة زى يعنى ماتلبس بالطوا اساسه سطح شاشة وحطوا كاميرات على التجاهات مختلفة فيه تلقط الصورة اللى وراها وتعرضها على الشاشة يعنى بيكملوا الصورة بتصوير اللى وراها ابقى بقى شوف ذالك الجسم المتحرك
استحالة
وحل الرادار هو التشويش عليه وده موجود فى تقنيات عالية ومستخدم خارج مصر
ودمتم سالمين وطيبين ورمضان كريم

اقتباس:

---

المشاركة الأصلية كتبت بواسطة moh_kamal67

نجحوا فى عملها بالنسبة للأشياء الغير مهتمة بالردار انتم مشتتين نفسكم ما بيت التقاط الرادار وانها لا ترى بالعين المجردة لان فيه وسائل للرؤية تانية
عملوا بقى ايه ؟؟؟؟؟
غطوا الجسم بشاشات مرنة زى يعنى ماتلبس بالطوا اساسه سطح شاشة وحطوا كاميرات على التجاهات مختلفة فيه تلقط الصورة اللى وراها وتعرضها على الشاشة يعنى بيكملوا الصورة بتصوير اللى وراها ابقى بقى شوف ذالك الجسم المتحرك
استحالة
وحل الرادار هو التشويش عليه وده موجود فى تقنيات عالية ومستخدم خارج مصر
ودمتم سالمين وطيبين ورمضان كريم

---

طبعا زى ما أنا قلت اللى نقدر نعمله التشويش و تجنبه و إلتقاطه

موضوع حلو جدا :)

شكرا للكلام الجميل

ايه المواضيع الجامدة ده

دا احنا لسه بنتكلم فى الفامية والمثلث والبلاوى ده


نلاقى السيارة الخفية