المشاركة الأصلية كتبت بواسطة alkareem
بص هي عربية كويسة للبنات اكتر و المشاوير القريبة لانها 1300 سي سي فموتورها ضعيف للمسافات المتواصلة الاعلى من 100 كيلو يوميا طبعا التكيف بتاعها كويس جدا و هي كعربية سمعتها حلوة بس صيني في الاول و الاخر و هتخسر لما تيجي تبيعها غير انها بعد فترة هتحس انها هلكت و بقت تعبانة من كتر مشاويرك دة كمان لو انت بتروح لوحدك ما بالك لو رايح محمل حاجة معاك دي اول حاجة تاني حاجة العربية واطية لو حملت فيها حاجات كتير عفشة مش هتستحمل تالت حاجة اهم حاجة تبص فيها على اي عربية عمتا القوايم سليمة ولا لا و البوية بتاعة العربية مسيلة و سايحة من على اطراف الابواب و الرفارف و الشنطة مسيلة بمعني هتلاقيها عاملة زي خط كدة بارز بنفس لو العربية على اطراف القطعة سواء رفرف باب ... الخ و تبص على الفليتو بتاع الكبوت متشال ولا لا لان لو متشال دة دليل ان العربية اتخبطت و الي سمكرها نسي يعدل الفلتو لانة بيبقى صعب ترجعة زي الاول و طبعا تشوف الموتور حالتة قد اية في المية بالجهاز و تكشف على الار بي ام و تشوف السحب مع التكيف عامل ازاي و لما تجري فوق المية العربية فيها صوت غريب او الموتور بيرعش و تشوف العربية و هي واقفة لما تكون مدورها بترعش و فيها هزة طبعا هيبقى فيها هزة بسيطة بس انا اقصد هزة شديدة غير مالوفة زي العربيات القديمة و طبعا تشوفها في المطبات ناعمة ولا لا و فية صوت في المساعدين ولا لا و تكشف على باور الدريكسيون كويس ولا حسة تقيل و لما تلف شمال و يمين على اخر الدركسيون هل في صوت غريب طرقعة مثلا اي اي صوت عمتا غريب بيحصل مع اللف لان كدة ممكن الكوبلن فية مشكلة او المقص و دوائر الحركة بتاعة الدركسيون و شوف الشكمان هل في دخان غريب ملون اسود او ابيض و الطابلوة تبص علىة كويس لانة ساعات كتير بيكشف اي عملية نصب بص على مساميرة كويس كلها راكبة و شوف اي علامة جمب مكان اي مسمار و على اطراف اي قطعة بلاستيك جوة العربية سوا خدش بمفك او حاجة و اعرف اية سبب دة لان الصنايعية ساعات لما بيفكوا التابلوة عشان يصلح عربية بينسوا يركبوا كل المسامير انت عارف صنايعية مصر و طبيعي ان المسمار لو علية علامة اكيد اتفك استحالة نازل من شركة كدة خصوصا انت بتكلم في موديل 2008 و دة جديد نسبيا و تشوف الفرامل و اخبارها اية مع السرعات العالية و لما تدوس فرامل فجاة استجابة العربية عاملة ازاي حاسس فيها حاجة غريبة ولا و اكشف على الشنطة شيل الاستبن و دور في تفاصيل الشنطة كويس و من تحت الاكصدامات و ارفع العربية شوف في اي خبطة من مطب مثلا بس تكون خبطة شديدة مش حكة لان كل عربيات الشعب محكوكة من تحت الله يبارك في الطرق المصرية و اماكن الكشف الكويسة بص احسن حاجة روح التوكيل هو اغلى بس بينفض العربية و بيقولك تمامها اية و ربنا يباركلك و يكفيك شرها و تركب احسن منها بس نصيحة مني لو تقبلها ابعد عن الصيني بالاربعين الف دول ممكن تجيب لانوس قديمة و انظف و احسن او اي عربية تانية اربعين الف في فئات كتير كويسة تجبها
