حد سمع عن موضوع تفجير مول العرب

**mohammedabdallh** · 11-08-2013 01:21 PM

انبارح بعد العصر تقريبا جايبين على شريط الاخبار فى معناه
انه لا يوجد متفجرات فى مول العرب
والحياه حلوه هناك

**Y a r i s** · 11-08-2013 02:19 PM

انا سمعت في صفحات اكتوبر على الفيس
بس هو الموضوع. كان مشاجرة بين اثنين والموضوع ولع ... فاظاهر علشان الشرطة تهتم وتيجي تلم الموضوع. فاتصلوا بيهم تحت بلاغ في قنبلة وجم فتشوو ملقوش حاجة

**mramzy** · 12-08-2013 12:22 AM

انا كنت هناك ساعتها وحصل خناقه وناس بتجرى وبتصوت وتسال الامن فيه ايه مش عارف
تسال اي جد مش عارف
وفى الاخر كان فيه اشاعه ان فى قنبله والحقيقه ان الخناقه حصلت ما بين شباب والامن سيطر عليهم
وفضلوا يذيعوا كل شويه فى الاذاعه الداخليه ان الموضوع خناقه وكلموا فسحتكم عادى
بس فيه ناس كتير مشيت وناس جت اللى كانت متعرفش حاجه انا واحد من الناس خدت الاولاد والمدام ومشينا
لان الاواد كانوا فى المحل امام الخناقه وانا كنت بعيد عنهم فى سبينس
والخضه كانت صعب على الاولاد
الحمدلله ربنا سترها
وربنا يسترها علينا جميعا

**Dr.M_baz** · 12-08-2013 01:52 AM

حتى مول العرب بقى فيه كده .... هو معدش في مكان أمان في مصر ولا إيه هنكمل بقيت عمرنا قاعدين في البيت خايفيين على العيال.
ربنا يستر

**Y a r i s** · 12-08-2013 03:11 AM

المشاركة الأصلية كتبت بواسطة dr.m_baz

حتى مول العرب بقى فيه كده .... هو معدش في مكان أمان في مصر ولا إيه هنكمل بقيت عمرنا قاعدين في البيت خايفيين على العيال.
ربنا يستر

هههههههههههههه. يادكتور شكلك مقريتش الموضوع بتاعي
اذا في الجامع. يوم الجمعة تاني يوم العيد مباشرة ً قامت خناقة في بيت ربناااا. بيت ربنا يا راجل يا مؤمن وكانوا هيمسكوا الامام يضربوه ... فما بالك. بمول العرب .

بص يا عزيزي الشعب بتعنا فضل مغيب اكتر من ستين سنة من ايام السادات حتى .... فضلوا يحشو راس الناس ارفع راسك فوق انتا مصري ارفع راسك فوق انتا مصري ومصر احسن بلد في الدنيا ومصر ام الدنيا .... والمصري عبقري والمصري مش عارف ايه والناس. هاااايه مهيصه وفرحانه ومبسوطة ..

بس الي كان يسافر بره مصر ينصدم ان الدنيا كلها اطورت ومصر لسه محلك سر.... والناس عمال تحلف بجزمة السادات وتحلف براس. عبدالناصر. وتهتف وتحلف باسم حسني وفاكرين ان مصر دي ياما هنا يا ما هناك ... ده لسه لغايت دلوقتي في ناس بتقولك ان الجيش المصري الرابع على مستوى العالم وناس لغايت دلوقتي مصدقة وعايشة الوهم .

وفوق جهلنا وفوق ما صدقنا نفسنا نسينا الاخلاق. نسينا نطور المجتمع .... الناس تحولوا الى همج بحثً عن لقمت العيش ... حسني حول شعب بحالوا الى شعب. ابعد ما يكون عن الحضارة. كفاية انو يخلي شباك واحد ومنفذ واحد لاي جهة حكومية ويخلي الناس والمواطنين يموتوا بعض على الشباك . كل سنين التخلف والجهل دي كلها ولسه في ناس طالعه تقول احنا اسفين ياريس !!!!
فلا تستغرب ياعزيزي خناقه تكون في اي مكان ... وبعد عبدو موته وابراهيم الابيض وكلب الاسد ... هتشوف البلطجة عيني عينك فيلم بيتعرض في كل حته
وتحياتي .

**mohammedabdallh** · 12-08-2013 08:31 PM

المشاركة الأصلية كتبت بواسطة Y a r i s

هههههههههههههه. يادكتور شكلك مقريتش الموضوع بتاعي
اذا في الجامع. يوم الجمعة تاني يوم العيد مباشرة ً قامت خناقة في بيت ربناااا. بيت ربنا يا راجل يا مؤمن وكانوا هيمسكوا الامام يضربوه ... فما بالك. بمول العرب .

بص يا عزيزي الشعب بتعنا فضل مغيب اكتر من ستين سنة من ايام السادات حتى .... فضلوا يحشو راس الناس ارفع راسك فوق انتا مصري ارفع راسك فوق انتا مصري ومصر احسن بلد في الدنيا ومصر ام الدنيا .... والمصري عبقري والمصري مش عارف ايه والناس. هاااايه مهيصه وفرحانه ومبسوطة ..

بس الي كان يسافر بره مصر ينصدم ان الدنيا كلها اطورت ومصر لسه محلك سر.... والناس عمال تحلف بجزمة السادات وتحلف براس. عبدالناصر. وتهتف وتحلف باسم حسني وفاكرين ان مصر دي ياما هنا يا ما هناك ... ده لسه لغايت دلوقتي في ناس بتقولك ان الجيش المصري الرابع على مستوى العالم وناس لغايت دلوقتي مصدقة وعايشة الوهم .

وفوق جهلنا وفوق ما صدقنا نفسنا نسينا الاخلاق. نسينا نطور المجتمع .... الناس تحولوا الى همج بحثً عن لقمت العيش ... حسني حول شعب بحالوا الى شعب. ابعد ما يكون عن الحضارة. كفاية انو يخلي شباك واحد ومنفذ واحد لاي جهة حكومية ويخلي الناس والمواطنين يموتوا بعض على الشباك . كل سنين التخلف والجهل دي كلها ولسه في ناس طالعه تقول احنا اسفين ياريس !!!!
فلا تستغرب ياعزيزي خناقه تكون في اي مكان ... وبعد عبدو موته وابراهيم الابيض وكلب الاسد ... هتشوف البلطجة عيني عينك فيلم بيتعرض في كل حته
وتحياتي .

احيييك
على الكلام الرائع