الموضوع: وبعدين في (( النمل )) الي مش راضي يرحمني ده !!!!!

في مشاركة قديمة قريتها هنا عن دوا اسمه اكتومثرين 5% ده اساسا دوا لعلاج الجرب فطبعا انت تفهم الصيدلي انك عاوزه علشان بيقضي على النمل علشان متحسش ان الصيدلي بيبعد عنك وانت واقف :)

هتجيب الدوا وتفضيه كله في بخاخة وزود عليه شوية مياه بس مش كتير علشان يبقى مركز شوية او هاتزلك ازازتين منه علشان تعمل معاك كمية بعد التخفيف ورش على مكان النمل او البيوت والشقوق الي بيطلع منها او على مكان خط سيره عموما وعلى عتبة باب الشقة من برة واي شقوق او فتحات في الشبابيك والحيطان وكدة لأن اكتر النمل بيجي من برة البيت في الصيف بسببب الحرارة العالية برة وهيجيب معاك نتيجة ممتازة عن تجربة لأني كنت بعاني منه وعندي اطفال وجاب معايا نتيجة هايلة بصراحة بس طبعا ترش بعيد عن ادوات الاكل او الاطباق او الاماكن الي ممكن تلمسها بعد كدة وملهوش ريحة بعد الرش ومفعوله ممتاز

بص هو خطه الميه اللى حضرتك عملتها دى ممتازه ....انا مراتى بتعملها علطول فى البسكوتات والحلويات......وبردوا امشى مع خط النمل وشوف اساسو منين ورش كيروكس....ممتاز بمعنى الكلمه وبيخلى النمل ميجيش فى المنطقه تانى
فى حل كمان انك تجيب بودرة نمل وترشها على اعتاب الابواب والشبابيك وان شاء الله دا حيقلل جامد وجود النمل.