وبعدين في (( النمل )) الي مش راضي يرحمني ده !!!!!

**S O P H O S** · 12-08-2013 08:37 PM

الحل انك تاكل الفينو بدري
وفنفس الوقت متسبش اكل برا ..

**Walid_M** · 13-08-2013 01:30 AM

شوف أخي الفاضل ...

أنا كنت في نفس حيرتك من ثلاث سنوات !! وبعد تجربة كذا حاجة بلا فائدة واحد صاحبي صيدلي بعتني لمحل بيع المبيدات الزراعية ..

عندهم زجاجة صغيرة ورخيصة مخصصة لمكافحة النمل اللي بيجي للشجر ( بصراحة موش فاكر إسمها , ولما سألت عليها قلت له عايز المادة بتاعة النمل ) , تتخلط بمياه وتتمسح بيها الأماكن اللي فيها النمل ( ممكن تمسح الشقة كلها ) .

بس احذر تماماً إن المادة دي سامة يعني اللي حيستخدمها لازم ياخذ باله كويس ويلبس جوانتي وطبعاً تاخد بالك كويس قوي من الأطفال والحيوانات الأليفة !!!

وبعد كده إنسى النمل خالص ولو قل بعقله هي مسحة بسيطة ويذهب بلا عودة !!!

تحياتي ...

**monamize4** · 13-08-2013 01:59 AM

المشاركة الأصلية كتبت بواسطة y a r i s

اخرة ما زهقت دلوقتي جبت طشت ميه ومليتوا ميه وحطيت فيه طبق بلاستيك زي المركب كده عايم على وش الميه وحاطط في قلب منو العيش لما اشوف اخريتها اااااايه .

ههههههههههههههههههههههههه هههههههههههههههههه

بتتكلم بجد ياباشا ؟

**bmya** · 13-08-2013 03:40 AM

فعلا كله كوم والنمل اللي بينتحر حوه البويلر ده كوم تاني نفسي افهم بس ايه وجهة نظره هههههههه

**Y a r i s** · 13-08-2013 04:11 AM

المشاركة الأصلية كتبت بواسطة monamize4

[/center]
ههههههههههههههههههههههههه هههههههههههههههههه

بتتكلم بجد ياباشا ؟

هههههههههههه. اه واللهي
اقسم بالله بقيت اعمل حكايت التطشت دي بس اتضح انها فكرة على الفاضي النهردة برضو العيش اتاكل. وانا حلفت يمين طلاق من بكرة انشاء الله هروح الصيدلية. واشتري جميع ادوية النمل اقراص وسموم واعدي على وزارة الصحة واجيب اي حاجة بتاعت نمل. ده حتى التطشت الي ملايان ميه يا راجل يا مؤمن وفي قلبوا طبق زي المركب محطوط في قلبوا العيش وحوليه مياه من كل حته العيش اتاكل . انا بجد فاض بيا النهردة جبت صنية مليتها ميه وحطيت في قلبها. طبق صاج تقيل علشان ميعومش ويجي على اي طرف من الاطراف ويعدي النمل اموت والهم ازاي النمل بيشم ريحة العيش

مرات بفكر ارمي عند جيرانا كيس فيه قمح ههههه علشان النمل يهاجر للعمارة الي قبلنا واوفر تمن الرش :)