الموضوع: وبعدين في (( النمل )) الي مش راضي يرحمني ده !!!!!

يعني الواحد بيستحرم يموت. مخلوق من مخلوقات الله .... وعمال اقول يواد عيب. يواد حرااااااام ... سيبهم يعيشوا علشان ربنا يسيبك تعيش. ... بس. وبعدين بقه في ام النمل الصحراوي بتعنا دهو ... سبحان الله اول مره اعرف ان النمل عندو مناخير كل ما اجيب عيش و فينو مسافت ما نحضر الفطار ولا يجي وقت الغدى ابص الاقي العيش كلو اتاكل ... بقيت ادور على مكان النمل وارميلهم حتتين عيش ولا حاجة ياكلوهم. دفع بلا برضو مفيش فايدة

بقيت اعلق كيس العيش على الشمعات برضو بتلاقيهم اكتشفوا. مكانوا
عملت خطة تكتيكية انو. كل نص ساعه انقل كيس العيش كل شوية في مكان وبقيت اقفل كيس جوا كيس وبرضوا مفيش فايدة اخرة ما زهقت جبت هلتي وقمت خارم السقف وعامل فيه خبور وركبت فيه شنكل ومدلدل سلسلة من السقف اعلق عليها كيس العيش الخطة نجحت يومين بالزبط واولاد اللزينة برضو بيكتشفوا مكان العيش .... مفيش خزنة كده مخصوص للعيش متعديش نملايه .

اخرة ما زهقت دلوقتي جبت طشت ميه ومليتوا ميه وحطيت فيه طبق بلاستيك زي المركب كده عايم على وش الميه وحاطط في قلب منو العيش لما اشوف اخريتها اااااايه .

ايه الحل في النمل يا ولاد الحلال دبروني

@@@@@@@
وتحياتي

هو فعلاً الي مكتفني وجود عيالي ووجود كلاب مربيهم حولين البيت من بره .خايف لا الريحة تسممهم ولاحاجة بالذات لسة. الكلبة ولادة عندي برضو بس هجرب اجيب كوكتيل الخلطات دي. وارشها بره من على الوجهات دايرن داير كده يمكن تكون فيها الشفا ... لسه نازل اجيب عيش من عند البقال. بيقلي مفيش عيش قلتلوا ليه كده قالي اعمل ايه بجيب على القد ... النمل مش عاتقني.