خلاص حصل خير
انا مش تاجر .... انا دكتور ودي عربية بيت
وهصورها باذن الله...
قريب جدا
وحصل خير مرة تانية
بس يا ريت السعر يكون ف التلفون او الخاص منعا للكلام الجانبي البعيد عن الشراء الجاد
عرض للطباعة
انا عاوز اشترى عربيه كرستاله فياريت تنزل الصور والمواصفات بالكامل وان شاء الله لو فى نصيب هتوكل على الله على طول وشكرا
ياريت الصور والسعر
تقريبا تعمل من 48 الف ل 50 الف والله اعلم
ابن خالى لسه مشترى واحده كامله مانيوال محتاجه سمكره فالجنب الشمال وتترش واخدها من واحد صاحبنا على 45 الف وقول هتصرف بتاع 3 الاف كمان فالسمكره والرش بتاع الجنب
وفالاول وفالاخر البيع والشرا بيكون متفاوت فالاسعار
بصو ياجماعة صاحب الموضوع لو عربيتة نضيفة من حقة يطلب السعر الي علي مزاجة واكيد بدون مبالغة يعني لو العربية سعرها 50الف من حقة يزود الفين او تلت الاف مثلا يعني واكيد المبالغة متكونش كبيرة عشان منظلمش المشتري بردة منا مثلا باجي ابوص لنفسي عشان احافظ علي عربيتي بضطر اني اركنها في جراجات وكل جراج بياخد كام عشان احافظ علي العربية لنفسي ولما اجي ابيعها اعرف امسك فلوس صح هيا كدة كل واحد عارف قيمة حاجتة واكيد العربية النضيفة ليها تمن انا قبل ماشتري البومة بتاعتي كنت بشوف اسعار من 58 الف بتبدأ واما لاقيت عربية نضيفة ب 70الف مفكرتش واشتريت رغم اني عارف وقتها كان سعرها المفروض اقل بس هيا كدة المعادله الي عاوز النضيف ومش عاوز يتعامل مع ميكانيكيه ويركب عربية محترمة وحاله ممتازة لازم يدفع تمنها + حلاوتها وفي النهاية كل واحد حر المشتري حر والبائع حر
وانا ملتزم بكلام الاستاذ عمرو...
هاطلب فيها مبدئيا 55 الف ... وهي ورزقها وع المعاينة والتجربة..
التليفون موجود لمن يرغب ف اول مشاركة مني
ف حالة المعاينة والجدية ف الشراء
هنزل للمشتري اي شئ يحتاج تغيير من وجهة نظره مش عاجبه.. شرط يكون من اساسيات العربية...
اللي يحب يشوفها يتصل ويشرف
ياباشا ربنا يخليك دة من ذوقك والله ومش مجامله ليك والله بس حقيقي الكريستاله عربية محترمة جدا جدا جدا وعمري ما سمعت انسان اشتكي منها ابدا وانا شخصيا كانت مع صديق ليا ايام الروشنة مش عاوز اقول كنا بنعمل فيها اية عربية مبتقولش لاء والله العظيم من الجنون اخدناها روحنا بيها للعريش ووصلنا للجنان روحنا بيها لحد معبر رفح الكلام دا من حوالي اربع سنين او خمس سنين تكيفها تلاجة ولو اقول انه زي تكيف البومة ويمكن اقوي منة محدش يصدقني رغم ان عربيتي لانسر بومة والمفروض انحاز ليها بس والله دا كلام بما يرضي الله وانا قبل ما اشتري البومة كنت بدور علي كريستاله وكنت مستعد ادفع فيها الي صاحبها يطلبة بس كنت عاوزها فبريكة بلكامل بس مع الاسف كل الي في السوق كان زي الزفت الي راشة حتة من شنب والي يقولي الشنطة اخدت بوسة والي يقولي دة مش عارف اية بصراحة الكريستاله لو فية منها عربية سليمة واساسيات سليمة متتفوتش انا والله العظيم ويمين احاسب علية قدام ربنا كان قدامي كرستاله خردت مشنشة كان مطلوب فيها 40الف جنية وعربية كانت حالتها زباااااااااااله بمعني كلمة زباله حتي تكيفها كان بايظ كراسيها مبهدله كهربتها وسلوك باينة منها عربية كانت زباله بمعني الكلمة وصاحبها كان طالب 42 وقالي اخري 40الف وانصح اي حد يلاقي كريستاله سليمة ميترددش فيها وعمرة ماهيندم علي العربية دي
والله يا استاذ عمرو عربيتي سليمة وزي الفل
وخسارة ف البيع بس انا جبت سبلندور بريليانس 2008 موتور اللانسر البومة وعشان كده جبتها
وتعمدت اخلي الكريستالة 6 شهور لحد دلوقت عشان اجرب السبلندور واطمنت لها
وقلت ابيع الكريستالة...
انا قالولي ومنهم حضرتك ان 55 كتير ع المانيوال وانا اقتنعت
ونزلت ل 53 الف جنيه
ولو حد عاوز انزل له كمان ممكن شرط الجدية
وصرفت عليها عشان اللي ياخدها يتمتع بعربية مفهاش مصاريف... ده حقه
ولسه اول امبارح جايب بطارية جافة جديدة بالضمان وعامل كير وشحنت التكييف شحنة كاملة
واتكلفت 750 جنية ف يوم واحد
يعني مع احترامي الاف م وال 500 جنيه مش هتفرق معايا لاني مالك اول م الزيرو ومش هكسب فيها قرش
انا اللي اقصده انها تتباع بسعر كويس وفوقها حلاوة مصاريفها... وده حقي
انما مش عارف ليه الناس اللي عارفة قيمتها مش بتقدرها؟؟؟؟
والف شكر...