زود عليهم الانفلات الأمنى وقطع الغيار المضروبة والصنايعية العكاكين والطماعين .... الخ
حاجات كتير فى حياتنا بقت شر لابد منه
والواحد بقى مش قادر يستغنى عنها
شوف المقالة ديه هتلاقيها اكثر شمولاً
http://www.nilemotors.net/Nile/219643-a.html
عرض للطباعة
زود عليهم الانفلات الأمنى وقطع الغيار المضروبة والصنايعية العكاكين والطماعين .... الخ
حاجات كتير فى حياتنا بقت شر لابد منه
والواحد بقى مش قادر يستغنى عنها
شوف المقالة ديه هتلاقيها اكثر شمولاً
http://www.nilemotors.net/Nile/219643-a.html
فى ثانية الكرامة ديه ممكن تتبعزق من سواق ميكروباص ملهوش مله عاوزك تختفى من قدامه علشان يطير هوه فى شارع واقف تماماً
ولا سواق تروسيكل ولا توكتوك مش عاجبه انك واقف فى طريقه
ولا حتى واحد راكب ملاكى ولا موتوسيكل دخلتوا مع بعض فى شارع حارة واحدة تيجى تكلمه يفتكر انك بتشتمه ويعك الدنيا
ولا عربجى راكب جرار ولا نص نقل قافل الطريق وبينزل بضاعه ومش هاين عليه يعديك الا لما يخلص كل حاجه براحته وطز فى حق الطريق واللى على الطريق
هنقول ايه ولا ايه ولا ايه
كلامك صح
بس مفيش مميزات لا يقابله عيوب
والله قولت اللى أنا عاوز أقولة
وضيف على كدة راجع بالليل من مشوار وولادك نايمين فى العربية لحد البيت
جالك ظرف طارئ بالليل فجأة ......... دور العربية وأجري
حد تعب فجأة فى وقت متأخر ......... دور العربية وأجري
جايلك ضيف من بعيد ومش عارف يوصلك ......... دور العربية وأجري
ولادك فرحانين بيها وياسلام حتة ديفيدي وافلام كرتون وسافر بالعيال لاي حتة مش هيزهئو
بدل ما تيجي مسافر 100 كيلو وتركب 4 أو 5 مواصلات فى عز الحر والبرد والمطر
والرخامة وقلة الادب ودة مولع سيجارة فى ميكروباص ودة بيشتم ودة بيبص على عيالك
والله بالرغم ان فعلا ان العربية حاطط فيها كل ما أملك وساعات بتطلع تيييييييت أهلي
بس مشوار واحد مستريح اانا وولادي بنسي كل حاجة
وأنتا واقف والدنيا بتمطر وشايل ابنك سخن وتعبان ومش لاقي تاكسي ..... كرامتك فين http://www.nilemotors.net/Nile/image...ink%5B1%5D.gif
وانتا مستني على الكورنيش معاك مراتك وأولادك ميكروباص يتتعطف ويقفلك وفى الاخر تلاقي مكان فى أول الميكروباص ومكان فى أخرة وكل واحد منكم يقعد فى حتة ..... كرامتك فينhttp://www.nilemotors.net/Nile/image...ink%5B1%5D.gif
لما تلاقي عيال ولاد تيييييييييت برشامجية وراك فى الميكروباص بيقولو أفظع الالفاظ وأنتا لو أتكلمت ..... كرامتك فين http://www.nilemotors.net/Nile/image...ink%5B1%5D.gif
لما تركب ميكروباص مسافر مع ولادك وفى نص السكة وعند الكمين تكتشف ان الميكروباص بدون لوحات وينزلك فى نص الصحراوي ..... كرامتك فينhttp://www.nilemotors.net/Nile/image...ink%5B1%5D.gif
لما تركب تاكسي ومعاك ابنك الصغير بيطلع فى الروح ومحتاج شوية هواء وتلاقي سواق التاكسي مولع سيجارة ومش عاوز يطفيها ..... كرامتك فين http://www.nilemotors.net/Nile/image...ink%5B1%5D.gif
لما تركب ميكروباص وانتا عندك حالة وفاة والسواق مصمم يسمعك أوكا واورتيجا بالغصب ومش سامع جرس التليفون ..... كرامتك فين http://www.nilemotors.net/Nile/image...ink%5B1%5D.gif
لما تركب ميكوباص وتلاقي لاموأخذة واحدة شمال مممممممممم ..... كرامتك فين http://www.nilemotors.net/Nile/image...ink%5B1%5D.gif
لما سواق الميكروباص ينزلك تركب عربية تانية علشان يلف ويرجع ..... كرامتك فين http://www.nilemotors.net/Nile/image...ink%5B1%5D.gif
لما سواق الميكروباص ياخد منك اكتر من حقه وانتا مش هتقدر تتكلم علشان الستات اللى معاك ..... كرامتك فين http://www.nilemotors.net/Nile/image...ink%5B1%5D.gif
لما يتفتح عليك مطواة علشان بتقول للسواق امشي بالراحة شوية هتموتنا ..... كرامتك فين http://www.nilemotors.net/Nile/image...ink%5B1%5D.gif
طبعا لو فضلت من هنا للصبح اقول امثلة مش هنخلص
الخلاصة أى علبة صفيح على 4 كاوتشات هتحمي كرامتك شوية
تحياتي
حمارتك العرجة تغنييك عن سؤال اللئيم
انا مع صاحب الموضوع فأن شراء عربية في بلدنا معاناه كبيره بس ركوب المواصلات في بلدنا اي تكن معاناه اكتر بكتييير من ركوب وشراء العربية
وللاسف ان 60% الى 70% من اساس المشكلة في الناس سواء في ركوبك للعربية ولا ركوبك المواصلات
يعني طبعا العربية مهمة لا غنى عنها بس في مصر لا يوجد احترام للملكية الخاصة نهائي في اي شئ وطبعا العربيات اكتر حاجة كده.. تلاقي اللي قاعدلك عليها و اللي راكن عليها حاجات و اللي رامي عليها اي حاجة من فوق بقى انت و حظك اسمنت ومونة.. كيس زبالة..طوب طبعا غير اللي كيفية رسم جرافيتي على العربية بالمسامير و غيره.. و اللي مش بيعرف يسوق او بيسوق برعونة و خيش في عربيتك ... انا عربيتي كل النقر و الخبط اللي فيها من الشارع و هى واقفة رغم اني محافظ عليها جدا و متغطية و بركنها ركنات مش خطر و غيره بس هى مصر كده و حاتفضل كده الى ان يشاء الله
مقدرش استغنى عن العربية ولو لدقيقة
مهما كانت بس العربية عندى زى مراتى
فعلا العربيه رغم كل العيوب والمصاريف عليها لاغنى عنها اطلاقا
فى اوقات تكون العربيه بتنقذ ارواح
وبعض الوظائف لاتستغنى على العربيه نظرا لطبيعة اعمالها الطارئه
حضرتك باصص لنص الكوباية الفاضي وسايب النص المليان .. راحة وتوفير في الوقت وامان عن المواصلات وتسعفك في اي وقت حرج عموما كل حاجة ليها ايجابيات وسلبيات