لية الواحد يجيب عربية

**Elawany13** · 12-08-2013 08:32 PM

زود عليهم الانفلات الأمنى وقطع الغيار المضروبة والصنايعية العكاكين والطماعين .... الخ
حاجات كتير فى حياتنا بقت شر لابد منه
والواحد بقى مش قادر يستغنى عنها

شوف المقالة ديه هتلاقيها اكثر شمولاً

http://www.nilemotors.net/Nile/219643-a.html

**Elawany13** · 12-08-2013 08:36 PM

المشاركة الأصلية كتبت بواسطة abokoko

رغم المخاطر

عربية = كرامة

وبدونها تتبهدل انت واسرتك فى المواصلات وتسمع الفاظ خارجة
وناس باردة بتزق فيك وانت ماشي و تاكسي يتامر عليك ويتفرج على اسرتك فى المرايا
وووو

فى ثانية الكرامة ديه ممكن تتبعزق من سواق ميكروباص ملهوش مله عاوزك تختفى من قدامه علشان يطير هوه فى شارع واقف تماماً
ولا سواق تروسيكل ولا توكتوك مش عاجبه انك واقف فى طريقه
ولا حتى واحد راكب ملاكى ولا موتوسيكل دخلتوا مع بعض فى شارع حارة واحدة تيجى تكلمه يفتكر انك بتشتمه ويعك الدنيا
ولا عربجى راكب جرار ولا نص نقل قافل الطريق وبينزل بضاعه ومش هاين عليه يعديك الا لما يخلص كل حاجه براحته وطز فى حق الطريق واللى على الطريق
هنقول ايه ولا ايه ولا ايه

**أحمد جودة** · 25-08-2013 11:43 AM

المشاركة الأصلية كتبت بواسطة abokoko

رغم المخاطر

عربية = كرامة

وبدونها تتبهدل انت واسرتك فى المواصلات وتسمع الفاظ خارجة
وناس باردة بتزق فيك وانت ماشي و تاكسي يتامر عليك ويتفرج على اسرتك فى المرايا
وووو

والله قولت اللى أنا عاوز أقولة

وضيف على كدة راجع بالليل من مشوار وولادك نايمين فى العربية لحد البيت

جالك ظرف طارئ بالليل فجأة ......... دور العربية وأجري
حد تعب فجأة فى وقت متأخر ......... دور العربية وأجري
جايلك ضيف من بعيد ومش عارف يوصلك ......... دور العربية وأجري

ولادك فرحانين بيها وياسلام حتة ديفيدي وافلام كرتون وسافر بالعيال لاي حتة مش هيزهئو
بدل ما تيجي مسافر 100 كيلو وتركب 4 أو 5 مواصلات فى عز الحر والبرد والمطر
والرخامة وقلة الادب ودة مولع سيجارة فى ميكروباص ودة بيشتم ودة بيبص على عيالك

والله بالرغم ان فعلا ان العربية حاطط فيها كل ما أملك وساعات بتطلع تيييييييت أهلي

بس مشوار واحد مستريح اانا وولادي بنسي كل حاجة

**أحمد جودة** · 25-08-2013 12:01 PM

المشاركة الأصلية كتبت بواسطة Elawany13

فى ثانية الكرامة ديه ممكن تتبعزق من سواق ميكروباص ملهوش مله عاوزك تختفى من قدامه علشان يطير هوه فى شارع واقف تماماً
ولا سواق تروسيكل ولا توكتوك مش عاجبه انك واقف فى طريقه
ولا حتى واحد راكب ملاكى ولا موتوسيكل دخلتوا مع بعض فى شارع حارة واحدة تيجى تكلمه يفتكر انك بتشتمه ويعك الدنيا
ولا عربجى راكب جرار ولا نص نقل قافل الطريق وبينزل بضاعه ومش هاين عليه يعديك الا لما يخلص كل حاجه براحته وطز فى حق الطريق واللى على الطريق
هنقول ايه ولا ايه ولا ايه

وأنتا واقف والدنيا بتمطر وشايل ابنك سخن وتعبان ومش لاقي تاكسي ..... كرامتك فين

وانتا مستني على الكورنيش معاك مراتك وأولادك ميكروباص يتتعطف ويقفلك وفى الاخر تلاقي مكان فى أول الميكروباص ومكان فى أخرة وكل واحد منكم يقعد فى حتة ..... كرامتك فين

لما تلاقي عيال ولاد تيييييييييت برشامجية وراك فى الميكروباص بيقولو أفظع الالفاظ وأنتا لو أتكلمت ..... كرامتك فين

لما تركب ميكروباص مسافر مع ولادك وفى نص السكة وعند الكمين تكتشف ان الميكروباص بدون لوحات وينزلك فى نص الصحراوي ..... كرامتك فين

لما تركب تاكسي ومعاك ابنك الصغير بيطلع فى الروح ومحتاج شوية هواء وتلاقي سواق التاكسي مولع سيجارة ومش عاوز يطفيها ..... كرامتك فين

لما تركب ميكروباص وانتا عندك حالة وفاة والسواق مصمم يسمعك أوكا واورتيجا بالغصب ومش سامع جرس التليفون ..... كرامتك فين

لما تركب ميكوباص وتلاقي لاموأخذة واحدة شمال مممممممممم ..... كرامتك فين

لما سواق الميكروباص ينزلك تركب عربية تانية علشان يلف ويرجع ..... كرامتك فين

لما سواق الميكروباص ياخد منك اكتر من حقه وانتا مش هتقدر تتكلم علشان الستات اللى معاك ..... كرامتك فين

لما يتفتح عليك مطواة علشان بتقول للسواق امشي بالراحة شوية هتموتنا ..... كرامتك فين

طبعا لو فضلت من هنا للصبح اقول امثلة مش هنخلص

الخلاصة أى علبة صفيح على 4 كاوتشات هتحمي كرامتك شوية

تحياتي

**adelghanem** · 28-08-2013 10:57 PM

فعلا العربيه رغم كل العيوب والمصاريف عليها لاغنى عنها اطلاقا
فى اوقات تكون العربيه بتنقذ ارواح
وبعض الوظائف لاتستغنى على العربيه نظرا لطبيعة اعمالها الطارئه