اعمل ايه في الصراصير

**AhMeD MeTwAlY** · 12-08-2013 12:50 AM

المشاركة الأصلية كتبت بواسطة eso101

عندك في محلات الكماليات عجينة الصراصير أخلطها مع حليب سائل ( حليب السعودية مثلًا )
وحطها في الزوايا -لو مفيش أطفال-
أو شركة رش وسيب السكن يومين وهات عامل ينظف

اﻻ مفيش حد غيري والصراصير هطيب العجينه دي بكره وبعدين انا متعاقد مع ش كة رش للمؤسسه هشوف لو معرفتش اجيب العجينه هكلم الشركه دي
شكرا يا باشا ﻻهتمامك

**youssef_u** · 12-08-2013 01:28 AM

المشاركة الأصلية كتبت بواسطة ahmed metwaly

اوﻻ انا مش في مصر انا في السعوديه
ثانيا انا عندي حساسيه في انفي لما بشم اي ريحه كريها بتتسد احد الفتحات وبتنفس من واحد والجو هنا اساسا مفيش اكسجين انا عايز تركيبه مثﻻ من الصيدليه اخش علي الصيدلي اقوله عايز كذا وكذا وهضرب التركيبه في الانجاز
بالنسبه لموضوع ارش وارجع انضف دا استحاله ﻻني بخرج من 8 الصبح وانا ونصيبي
يعني لو في جهاز بالكهربا مفيش مشكله عجينه وارمي منها في كﻻ ركن شويه مفيش بﻻجو مشكله

حضرتك في السعوديه و منطقه مفيهاش اكسجين ؟ انت في ابها او الباحه ؟

لو في الباحه قولي اعرف واحد خريج زراعه و تخصصه في المبيدات و الحجات دي

**AhMeD MeTwAlY** · 12-08-2013 10:40 AM

المشاركة الأصلية كتبت بواسطة youssef_u

حضرتك في السعوديه و منطقه مفيهاش اكسجين ؟ انت في ابها او الباحه ؟

لو في الباحه قولي اعرف واحد خريج زراعه و تخصصه في المبيدات و الحجات دي

ﻻ انا في جده بس موضوع الاكسجين دا حاسس بيه ﻻني لما بتنفس مش زي ما كنت في مصر

**aldesha989** · 13-08-2013 11:59 AM

عندى نفس المصيبه ومش عارف اعمل اى حاجه جربنا بودره عجينه رش مسح تعليق تفجير حتى مافيش فايده :d

**AhMeD MeTwAlY** · 13-08-2013 12:55 PM

ههههههههههههههههههه
جبت عامل يغسل التﻻجه طلع منها صرصير اتكسفت اقوله ارميه علي جمب سبته يكمل وسبته يخلص الواد واللهي كان بيملي جردل المايه ويرميه في التﻻجه تنزل المايه نضيفه وانا قولت هشتري واحده تانيه وخﻻص المهم بفتحها الصبح لقيت اربعه بيلعبو قولتلهم صباحكم زي الفل يا جماعه معلش اتاخرت عليكم بالفطار وجبتلهم بسكوت بس نسيت اعمل ليهم شاي

**mohamed878** · 13-08-2013 03:25 PM

المشاركة الأصلية كتبت بواسطة ahmed metwaly

ههههههههههههههههههه
جبت عامل يغسل التﻻجه طلع منها صرصير اتكسفت اقوله ارميه علي جمب سبته يكمل وسبته يخلص الواد واللهي كان بيملي جردل المايه ويرميه في التﻻجه تنزل المايه نضيفه وانا قولت هشتري واحده تانيه وخﻻص المهم بفتحها الصبح لقيت اربعه بيلعبو قولتلهم صباحكم زي الفل يا جماعه معلش اتاخرت عليكم بالفطار وجبتلهم بسكوت بس نسيت اعمل ليهم شاي

ههههههههههههههههههههه دا انتا مشكله بص من الاخر شركه الرش هيا اللي بتجيب من الاخر سنه كامله عقبال ما تشوف حشرات تاني و سيب الشقه يومين متقفله كويس و ارجع هويها و هات حد ينضفلك الدنيا كلها و شكرا علي كده

**AhMeD MeTwAlY** · 13-08-2013 03:32 PM

المشاركة الأصلية كتبت بواسطة mohamed878

ههههههههههههههههههههه دا انتا مشكله بص من الاخر شركه الرش هيا اللي بتجيب من الاخر سنه كامله عقبال ما تشوف حشرات تاني و سيب الشقه يومين متقفله كويس و ارجع هويها و هات حد ينضفلك الدنيا كلها و شكرا علي كده

انا كلها شويه ونازل مصر اجازه اسبوع هجيب شركه ترشها قبل ما انزل واسيب المفتاح لحد ينضفها

**michohat** · 13-08-2013 04:41 PM

قبل ما تكافح الصراصير جوه السكن شوف بيدخلوا لك منين الاول
لفه سريعه كده حوالين السكن تشوف المنافذ اللي ممكن يدخلوا منها ولو جنبك قمامة او حاجه حاول تشوف حد يشيلها
بعد كده ادخل لف لفه ف جوه السكن شوف برضه المنافذ اللي بيدخلوا منها وسدها

كده انت امنت الحدود ندخل بقى ف العمق

تبدء بالحمام والمطبخ تأمن البلاعات كويس وترش فيها مبيد حشري ( لو كنت ف الزقازيق كنت وصفت لك الراجل اللي عند الصواف عنده مبيدات زي ما انت عاوز اكيد هتلاقي عندك )
وتشوف الاثاث الموجود عندك ف المطبخ وتبص تحته ف الزوايا تدور ع بيض الصراصير ( هتلاقيه زي كور بيضه صغيره متعلقة ف الزوايا او الاركان ) هتغرقة بالمبيد برضه الاول و بعد كده بالمقشة تشيلة وتركنه لحد ما تخلص المطبخ مثلا وتشيل البيض اللي انت طلعته ترمية
وفي نفس الوقت يكون معاك عجينه صراصير تحطها بعد ما تنظف

حاول تاخدها غرفه غرفه
الموضوع هيكون ع اكتر من يوم علشان انت لوحدك وهتاخد وقتك براحتك

حاول تشوف عامل هندي او باكستاني اعتقد هما اقدر ع انهم يعملوا كده و اسئل اهل البلد وهحاول اسئل لك ناس اصحابي كانوا ف جده الصراصير بيستخدموا لها ايه

**Ahmed_selmy** · 13-08-2013 05:59 PM

فى مبيد اسمه كيروكس جامد جدا نمل او صراصير......انا مبستغناش عنه فى البيت......هو رحته قويه شويه بس ترشه وتسيب الشقه كام ساعه كدا ....ان شاء الله ترجع تلاقيهم ماتوا
بس فعلا شوف الاول هما بيجو منين.

**samehafez** · 14-08-2013 04:47 AM

بص استخدم كل الطرق مع بعض .. البودرة و العجينة .. للمكافحة طويلة الامد و الوقاية برضة ... يعني رش البودرة علي المداخل و حوالين البلاعات و ده كل كام شهر .. ووزع العجينة في كل الاماكن الرطبة المظلمة يعني تحت الحوض مثلا ........ اللي تشوفه يا ترزعه شبشب يا مبيد