بص ياباشا أنا هكلمك بصراحة وخد كلامي من أخ ليك من غير زعل,
اللي عملته مراتك دا هبل وسذاجة وسطحية ويبين أنها لسه طفلة,, عشان تحكي كل حاجة لأصحابها وتفضفض معاهم بكل التفاصيل الخاصة دا ميصحش.
لكن,,,
مش معني كدا أنها متنفعش تكن زوجة لأن كللللللللل البنات, أو عشان أكون منصف شوية 97% من البنات والستات بتعمل كدا..
دي عادة عندهم كللللللللهم,, بيحكو ويفضفضو والغيبة والنميمة, دا أسلوب حياة بالنسبة لهم.
بيعملوه مع بعض وعلي بعض, وفي ناس كتير أكدت لك الكلام دا غيري والعادة دي مزمنة ومش هتروح بسهولة فا واجهها من دلوقتي.
العادة دي مش عند مراتك لوحدك, عشان لو فكرت أنك تسيبها هيكون دا حل فا دا مش حل
1- لأنك محتاج حد يرعي بنتك دا من ناحية,
2- والناحية التانية أن محدش هرعي بنتك زي أمها اللي جابتها وتعبت فيها لأنها عارفه قيمتها ومهما كان بنتها وأول طفل ليها وليك,
3- تالت حاجة أنك لو فكرت ترتبط بحد تاني أيه اللي يضمنك أنها متكونش زيها ؟؟ بما أن دا أسلوب حياة بالنسبة لهم,,,
الالفاظ والكلمات اللي هيا قالتها دي وناس بتقولك أنها مش بتحبك لأنها لو بتحبك مش هتقول كدا,, فأنا أؤكد لك أنها متصدهاش ولا تتمناها,
وأنت أكتر واحد تعرف دا عني وعن كل الردود اللي أتقالت هنا,
وأنت نفسك قلت
المشاركة الأصلية كتبت بواسطة الحزين777
"ومرت الايام كويسة بينا احنا التلاتة وبالذات بعد ما جتلنا البنت الصغيرة اللي بقت كل حياتنا ... لغاية امبارح بس ."
يعني مكنتش مقصرة معاك ولا في بيتك, زي ما بنات وحريم كتير ممكن تعمل عشان تضغط علي الزوج ينفذ لها طلباتها وبس,, ربنا يحفظنا من الناس دي,
يعني الموضوع مش تقصير وأقتصر بس علي الفضفضة بس بأسلوب أيام الجامعة والثانوي, وإن كان غير لائق, وواجب عليك تنبهها تنبيه صارم أنو ميتكررش وأنت عملت دا بأحسن طريقة لما روحت لأهلها علي طول ووريتهم الحاجة من غير ما تتنرفز عليها ولا تتبع أسلوب همجي معاها,,
وأنا بصراحة أحييك من كل قلبي علي تصرفك في الموقف ومعاملتك وأسلوبك معاها, ودا يبين أنك أبن ناس طيبين ومتربي أحسن تربية.
الناس اللي بتقولك جدار الثقة أنشرخ وطلقها مع أحترامي ليهم كلامهم غلط,,, ودا رأيي الشخصي.
وأحب أقولهم أتقو الله ,, وأحب أقولهم كمان "من كان يؤمن بالله واليوم الآخر فليقل خيرا أو ليصمت" ....
اللي يعرف يساعد في حل مشكلة يقول رأية ويساعد,, لكن مش عشان واحد عنده مشكلة تهدمو بيته بسبب كلمة منتوش عارفين تأثيرها هيكون عامل أزاي عليه وعلي بنته وعلي أمه ومراته,,
مش عشان حبة فضفضة وكلام ممكن أي واحد فيكم متجوز تكون مراته بتفضفض بنفس الكلام مع صاحباتها أو هوا بيفضفض مع زمايله علي حماته بنفس الكلام, يبقي تتطلقو أنتو كمان,,
لأن دا أسلوة حياااااااة لكل البنات والستات للي لسه ميعرفوش وبيفتو بالطلاق,,
ولأن المثالية الزيادة اللي بيتكلمو بيها دي مش موجودة أبداااااً في أي بيت زوجية,,
ولازم أي مننا حد هيواجه مشاكل من دي في حياته,
لو كل واحد فينا قابلته مشكلة وفكر يحلها بالطلاق يبقي منتش ناضج كفاية,,
ولسه مبقاش راجل كفاية عشان يتحمل المواقف دي ويعد مع نفسه يفكر زي ما انت عملت قبل ما يتصرف..
وطبعا الحل الأمثل دايما أنك تواجه كل مشاكلك بعقك وتشوف انت تملك ايه دلوقتي في حياتك,
وهتملك ايه لو لقدر الله طلقتها وتعيش ازاي,
أبغض الحرام عند الله الطلاق, أنا عارف أنك مكمن تكون لحد دلوقتي مش طايق تشوف وشها ولا ليك نفس تكلمها.
أو مكمن تكون خفيت شوية وحالنك أحسن دلوقتي من وقت كتابة الموضوع. زي مانت كتبت في ردك التاني,
المشاركة الأصلية كتبت بواسطة الحزين777
بجد شكرا لكل الناس اللي مابخلتش عليا بالنصيحة وفعلا انا ارتحت كتير من جوايا
اللي عايزك تعرفة, أن طول ما مراتك مقصرتش في حق بيتك, وكانت بترعي البنوته كويس وكانت بتعمل الأكل والشرب حتي ولو كانت حكت بسر بيتك وبيتها مع صاحبتها وكله بيعمل كدا توقف الموضوع دا عند حده معاها..
لكن الطلاق دا مش حل خالص لمشكلتك,
و التفاهم والعتاب, والتنبيه علي عدم تكرار الموضوع دا تاني بتاتاً هوا الحل الأمثل ليك.
وأخير تاني لازم تعرف إن العيب مش من تربية أهلها, العيب من أصحابها اللي كانت مصاحباهم من أيام الكلية..
لأن أحنا كلنا بنبقي في البيت حمادة,, وفي الكلية ومع أصحابنا حمادة تاني خااااالص.
فواضح من كلامك أن أهلها ناس طيبين ومحترمين, ومربينها كويس,, وأنت تعرف دا من معاملتك ليها ولأهلها أكتر مننا,,
واللي يقول غير كدا يبقي بيحكم بموقف حصل, ومش أصيل ولا بيحكم بالعشرة..!
وأنت اللي في أيديك دلوقتي أنك تبعدها عنهم ومتخلهاش تكلم الناس اللي كانت بتكلمهم تحديداً لما قريت الرسايل,
لأنهم هيفضلو وراها تاني حتي بعد ما المشكلة تخلص علي خير بإذن الله عشان يعرفو هيا عملت أيه معاك,
وأنت عملت أيه معاها وناوي تعمل أيه, عشان دا زي ما قلت لك أسلوب حياة, وأحسن حل ليه أنك تقطع عرق وتسيح دم الموضوع دا.
وإن سر البيت الزوجية لو طلع برة البيت تاني حتي ولو للأهل مش للأصحاب بس, هيكون في تصرف تاني منك..
أتمني مكونش طولت عليك ورتبت ردي كويس,
وأنت ياباشا أسمك فكرني بمنتدي نسائي فقط اللي أسمه فتكات لو تعرفة,
فيهم قسم خاص للشكاوي والفضفضة, أه والله زي ما بقولك كدا..
مش بقولك أسلوب حياة,,
أي واحدة عندها مشكلة مش عارفة تحكي مع مين أو مكسوفة تحكي لأصحابها وأهلها, بتعمل زيك وبتحكي علي القسم دا في المنتدي,,
والميزة في منتدي فتكات دا بقي, أنها بتكتب المشكلة بألاكاونت بتاعها العادي,
والمنتدي أوتوماتيك بيعمل بوست للموضوع بأسم " الحيرانة " عشان ميطلعش أسم الاكاونت الأصلي بتاعها.
لو كتبت علي جوجل "شكاوى المحتارة" هتشوف بنفسك المواضيع عاملة أزاي,, وهتعرف الستات بتفكر أزاي وبتعمل أيه,,
وهتحمد ربنا ساعتها علي حاجات كتير حلوة عندك وفي حياتك مع زوجتك لما تشوف المشكلات اللي بتتكتب..
عشان كدا أنا أفتكرت المنتدي بأسمك لأني متابع جيد ليه عشان أعرف بيفكرو أزاي في الأوقات الصعيبة دي
وهل الموضوع دا ميوحيش لك بشئ ؟ أنت فضفضت معانا بمشكلتك لأنها حيوية أه,
وهيا كمان فضفضت مع أصحابها بأسلوب مماثل, لأنها شايفة أن مشكلتها حيوية,, حتي وأن كانت غلطانة أنها تطلع سر البيت كدا برة,,
بس في أوقات هتلاقي إن الفضفة واجبة وهتحصل في مراحل كتير من حياتك, سواء ليك أو ليها,, للتنفيس عن روحك أو حزنك أو لو محتار في موضوع صعب وعايز تفضفض فيه سواء مع غريب متعرفوش علي النت لحساسية الموضوع أو قريب,
وواجب عليك أنك تكون أنت السند لزوجتك في الوقت دا, وتوصلو لحل وسط, أو تحط نقط علي الحروف,, وتخليها تفضفض معاك أنت ومتحكيش لحد برة علي مشاكل بيتها, ولا تتكلم بالأسلوب دا تاني..
ربنا يهدي سركم يا باشا,
وأحسن حل اللي أنت عملته لما روحت لأهلها ومقلتش بأصلك معاها وصبرت لحد ما تفكر في المشكلة,, أنت أبن حلال وأصيل.
والفترة اللي جاية أتمني تكون العلاقية ما بينكم فيها صراحة وشفافية أكتر,
وتنيه عليها أنها متخبيش عليك أي حاجة ولا تفضفض بسر البيت برة تاني, تخليها تقرب منك وتبعدهت عن الصاحبات دول تحديداً عشان ميهدومش بيتكم لأنهم مش هيسيبوها في حالها, وعشان لو خايفة علي بيتها وعلي بنتها..
المفضلات