أيه أخبار السيراتو الجديده من ناحيه أرتفاعها عت الارض

**semsem8100** · 12-08-2013 02:38 AM

كنت عايز أعرف من الناس اللى جربت العربيه فعلا أخبار العربيه من حيث أرتفاع السياره عن الارض علشان عندنا المطبات ماشاء الله عليها حتى المطبات الصناعيه يعنى واحد صاحبى معاه النترا الشكل اللى قبل الحالى مفيش مره ركبت معاه الا والعربيه لازم تحك فى المطبات حتى ولو أوزان خفيفه راكبه معاه وطبعا دى حاجه مزعجه جدا بالنسبه لى ولا الواحد ياخدها من قاصرها وأجيب تويوتا كرولا .. أنا كنت راكب نيسان صنى 2010 وبصراحه كانت مرياحانى جدا من ناحيه الارتفاع وكانت نادرا جدا ما تحك فى المطبات .. برجاء الافاده وجزاكم الله خيرا

**M I D O** · 12-08-2013 03:39 AM

السيراتو الجديدة تقريبا نفس ارتفاع القديمة و القديمة بدون جنط 17 بتحك في المطبات بس جنط 17 للاسف بيخلي العفشة ناشفة اوي وبيعمل مشاكل في الكاوتش

**Hosam_Optrawy** · 12-08-2013 09:43 AM

محكتش منى قبل كدا لأنى باخد بالى , لكن هى أوطى من القديمه وهاتتعبك فى المطبات

لو يهمك الإرتفاع خليك فى الكورولا زى ماقولت بس دا لو لقيتها لانها تقريبا خلصت من الوكيل عشان الشكل الجديد خلاص نازل بعد كام يوم

وفى برضه اللانسر البومه والشارك إرتفاعهم كويس , وكذلك الكروز الفيس ليفت أسمع إنها عليت شويه عن اللى قبلها

أو تجيب كيا سول وتنسى المطبات