اريد نصيحه وما هو شكل الكورلا اللي حينزل مصر هل حيكون ذي الشكل التوركي
عرض للطباعة
اريد نصيحه وما هو شكل الكورلا اللي حينزل مصر هل حيكون ذي الشكل التوركي
دي فئة و دي فئة تانية
الاوكتافيا فئة اعلي من الكورولا في التكنولوجيا و وسع الصالون و الثبات و انظمة الفرامل و حاجات كتير
لو معاك فلوس كفاية هات اوكتافيا
والله اعلي و اعلم
المشكله ان انا معايا حاليا جيتا ٢٠٠٨ واتلسعت من سعر اعاده البيع وفي نفس الوقت الكورولا الجديده غالبا حتنزل بنفس سعر الاوكتافيا تقريبا ومشكلتها لسه في الفتيس dsg وهل هيبقا فيه عيوب من عدمه
والله انا لا زلت محتار
انا رأي تاخد الكورولا
للأسباب كتير
شكل لسة جديد وقدامو كتير ع التغيير
شركة تويوتا وبالذات الكورولا عربية اعتمادية وحمالة قاسية
قطع الغيار معقولة بين الكوري والألماني
وسعر اعادة البيع كويس جدااااا
لكن لو بتفكر في ركوبة وفخامة ومش مهم اعادة البيع وقطع الغيار يبقي الأكتافيا
انا شفتها ف معرض تويوتا ف المنصورة شكلها تحححححححححححححححححححححفه الصراحه متغير من برا و جوه كمااااااان و اعلى فئه فيها ب 195
اعتقد ان المقارنه حاليا هتبقي صعبه فالعربيتين لسه جداد قوي و بالذات الكورولا و لذلك فالموضوع محتاج انتظار شويه لحد ما العربيتين ينزلوا و يتجربوا
عمااااار يامنصورةاقتباس:
المشاركة الأصلية كتبت بواسطة mmans
معقول نزلت في المنصورة انا كنت هناك في المعرض من اسبوع مكنش في غير الفورتنير والأوريس وبس
لو في صور ليها في المعرض يا باشا او قولنا انه شكل اللي نزل التركي ولا الامريكي
احند بينزلنا النسخة الاوروبي مش الأمريكي
شكرا لاهتمامكم جدا انا رغم اني بحب فخامه الالماني لكن مصر محتاجه عربيه عمليه ذي الكورولا وانا شايف انها احسن اللى موجود في السوق خصوصا بعد غزو الكوري واسعارها المبالغ فيها ومع تجربتي في الجيتا فانها لا تتميز سوا في المتانه والتوازن العالي اما نعومه المكنه والتكييف واعاده البيع وقطع الغيار ومراكز الخدمه فهي لصالح تويوتا ده غير كمان مشاكل الفتيس اللي ممكن تظهر في الاوكتافيا
شكلي كده حستقر علي الكورولا
كورولا بدون تفكير بس خلى بالك الموديل الجديد الإرتفاع عن الأرض 13 سم يعنى مشكلة فى شوارعنا الجميلةاقتباس:
المشاركة الأصلية كتبت بواسطة mohamed ezeza
الأوكتاقيا الجديدة غالية جدا و عندك مشكلة ال DSG و المحرك 1400 cc توربو يعنى لازم بنزبن 95 علشان يعمر معاك
طيب ارتفاع تويتا الشكل القديم كان كام اصل انا عاندي عقده من الجيتا في موضوع المطبات بس مش فاكر ارتفاعها قد ايه ياريت حد ياكدلي علي موضوع الارتفاع بتاع الكورولا ده اد ايه
ع فكرة التويوتا خلاص نزلت وانا شايف انها هتبقي اوفرلك دة غير الأعتمادية والمتانة واعادة بيعها وسعر قطع غيارها وبالنسبة للأرتفاع عن الأرض انا شايف ان 13 مش واطية اووي يعني خصوصا ان ركبت النترا وارتفعها كان 15 ومكنتش بتحك غير لما تكون مليانة جدااا
شكرا عاي النصيحه برضو انا شايف انها افضل عربيه في السوق حتي الان وكفايه انها كورولا اكيد متانه واستحمال واشغال شاقه واقل نسبه اعطال
اكيد اوكتافيا طب ليه ؟؟؟
فئة اعلى وامكانيات اعلى من الكورولا وشكلها جميل جدا دا غير الموتور الجبار1.4tsi بيطلع140 حصان وعزم 250 نيوتن وبالنسبة للفتيس دا الجيل الرابع ما ظهرش فى مشاكل حتى الان اما الاعتمادية فالموتور بيستهلك 4.9 لتر /100 كم ودا استهلاك افضل من الممتاز وموضوع ال95 فدا كلام مش اكيد وحتى لو95 فاستهلاك العربية يعوض الفارق فى سعر البنزين (مش البيجو 508 استهلاكها داخل فى 10لتر/100 كم و95 كمان) اما الثبات والاتزان وقوة الصاج فدا بالتاكيد للاوكتافيا بلا شك واسعار قطع الغيار مش فارقة كتير عن اليابانى والكورى الجديد وبالنسبة للاعطال ما فيش حاجة اسمها اعطال فى الالمانى الا لو اهملت فى الصيانة.................... صفقة رابحة جدا انك تشترى اوكتافيا والقرار ليك
والله انا محتار كمان الكورولا تقفيل تركي وبكده التجار المصريين حيطلعوا عليها افلام واغاني وانا كمان مجرب الالماني وعارف ايه معني الثبات والقوة والمتانه
بس بالنسبه لسعو اعاده البيع الاسكودا كويسه ولا حتخسر جامد كالعاده ويا تري التجار حيطلعوا علي الفتيس افلام ولا لقه كمان مكتوب في كتالوجها ان ممكن استعمل في الاسكودا بنزين ٩٢ في حاله الطورائ عموما انا حسنتي شهر كمان لغايه ما يبان اي حاجه
ادعواي اخد قرار صح في الموضوع ده
انا شايف احلي فئة ام 185000
abs
ebd
نظام ثبات الكتروني
طارة مالتي
امكانية طي الكنبة الخلفية
مثبت سرعة
فوج لايت
6 سماعات
حساسات امامية وخلفية
اوتو بارك
7 ايرباج
تكييف اتوماتيكي
جنووط
مريااات ضم
اوبشن كويس جداا مع الأهتمام الواضح بعوامل الأمان
وحاول تاخد القرار بسرعة عشان اكيد سعرها هيزيد عن كدة بكثير
فعلا مواصفات هايلة، هو مواصفات كل فئة فين؟ هل فيه موقع على النت بالتفاصيل؟ موقع تويوتا إيجيبت مش مفصل قوىاقتباس:
المشاركة الأصلية كتبت بواسطة mohamed haggag
والله دي مواصفات قالها عضو معانا قال انو راح وشافها دي مواصفات الفئة ام 185اقتباس:
المشاركة الأصلية كتبت بواسطة khaled_afandy
والصراحة انا شايف ان سعرها حلو جدا مع مواصفتها خصوصا لو شوفت منافسيها زي الألنترا والسيراتو
وواضح الأهتمام بعوامل الأمان والفرامل
بس انا متوقع تمنها هيزيد عن كدة الفترة الجاية
لا يوجد تنافس مع الألنترا و السيراتو، لأن الكورولا تدوب اثنين سيراتو فى الأستعمال و التحمل. انا ممكن افارنها بالجيتا و الفوكاس و السفيك مثلا بس طبعا السوق العظيم بتاعنا بيحب الكورى المناظر طبعااقتباس:
المشاركة الأصلية كتبت بواسطة mohamed haggag
فعلا السعر معقول بس باربت لو حد يقول لنا الفرق بين ال ب 185 و ال ب 165
على فكرة متهيأ لى الفئة الثالثة 2 ايرباج فقط و ال 7 فى آخر فئة كما فهمت من هذا البوستاقتباس:
المشاركة الأصلية كتبت بواسطة khaled_afandy
http://www.nilemotors.net/Nile/373922-2014.html
ممكن اعرف مصدر معلوماتك عن البيجو 508 لو سمحت و خصوصا الموتور و حسبت ازاى استهلاكه للبنزين ؟!! على فكره موتور البيجو ال prince اقل حساسيه للبنزين ال92 من موتور الاسكودا ال tsi . انا معايا اسكودا بس علشان متقولش متحيز بس بحب ادى لكل حاجه حقها :plusone1:اقتباس:
المشاركة الأصلية كتبت بواسطة Ahm662