اخواتنا الصيادلة : حرااااام عليكم اتقوا الله في مصر !

**Y a r i s** · 12-08-2013 08:32 PM

ماشي يا دكتور بس احنا لو قلنا في هبيش كبير بيجيب ادوية مستوردة لمصر ويحتكرها ويبعها بسعر على مزاجو
طيب الصيدلي لمن بيجيب من الهبيش ده دواء بقرشين ليه بيبعوا باربع قروش او بخمسه يعني ضعف اضعاف تمنو .
اذا الناس الي تعبوا وشقيوا واخترعوا الدوا وخدوا برائت اختراع في الدوى وراحوا وطلع عينهم وعملو مصنع وطلع عينهم اكتر في استخراج التصاريح والموفقات ودفعوا ملاييين الملاييين علشان التسويق والدعايه بيبعو الدوه ده مثلاً بقرش يجي المستورد يبيعوا بتلاته ويجي الصيدلي يبيعوا بخمسه ... ربنا بيبارك في المكسب القليل صدقوني

علشااااان كده كل الاهالي بقو يدخلو عيالهم صيدلة ... وتلاقي مفيش بين الصيدلية والصيدلية مفيش ١٠٠متر بالعدد ... ده احنا عندنا في الحي بتعنا عدد الصيدليات اكتر من عدد البني ادمين واكتر من عدد البقالات والسوبرماركتات ومفيش حد بيسهر يعني على الساعه ١٢ بالليل تلاقيهم كلهم قفلوا ويقلك خلاص جبريت على كده .

ده حتى. اغلب الصيدليات زيادة في الربح والمكسب مبقوش. يشغلو دكاترة يجبلك الواد. بتاع الدليفري. ويقلوا تعال اقف هنا ورى البنك. اضرب حقن. للزباين. قيس الضغط واي حد يقلك عاوز. دوا قلوا لون العلبه ايه. ومره على مره هتتعلم . ولو في اي حاجة ابقى كلمني على الموبايل وانا هقولك هيا فين هههههههه

**Y a r i s** · 12-08-2013 08:37 PM

المشاركة الأصلية كتبت بواسطة s o p h o s

كان في دواء سعره 50 جنيه وفكل مكان كده
واشتريته كتير
وفمرة كان معايا صديق صاحب مالك الصيدلية
المهم الدواء المرة دي ادهوني بكام ب 41 جنيه ونص
احسب بقي انت يا حج ..

لا وده كمان صاحبك جبهولك يا بوحميد ب ٤١ جنيه وهو كسبان فيه
لانوا اكيد تمنوا اقل من كده بكتيررر ....

**Y a r i s** · 12-08-2013 08:59 PM

المشاركة الأصلية كتبت بواسطة drmsadek1979

مش لازم سنترم خليك في المصري اهو منه تشجع المصري ومنه محدش يضحك عليك
السنترم فعلا بينزل جمله ب 33 ألى 35 جنيه وبعدين العلبة دي او البنادول او اي دوا غير مسجل في وزارة الصحة المصرية فيه مشكلة كبيرة على الصيدلية لو وقعت في ايد التفتيش الصيدلي
شوف المستورد دا على ما يوصل للصيدلي كام واحد بيكسب منه وطبعا مش صيادلة

ايه ده يعني يا دكتور الادوية المستوردة. بالفعل ممنوعة
ماهو مشكلة الدوى المصري المادة الفعالة ضعيفه ضعيفه فيه يعني مثلاً على مستوى. دوى كحة لازم تشرب تالت. قزايز علشان يديك معفول معلقه من الدوى المستورد ... حتى ادوية البرد الدوا الي لونوا بمبي دي كومتيركس لازم تاخود اربع عشر علب في حين انا جالي دوى مستورد للبرد خدتلك منو حبايتين مكملتش شريط والحمد الله تبارك الله خفيت على طول .

مثلاً في حالتنا هنا انا جربت فيتاماونت للرجال الحبايه الزرقة بصراحة بصراحة شهادة لله حسن ليا الذاكرة ... الصحة ابتديت استعيدها بس لاحظت ان في تقوس بقى في رجليا وحتى الانترنيت ناس برضو اشتكت من حتت تقوس العظم فانا قلت لا خليني في المستورد احسن بدل مالواحد يمشي مكسح ... طيب سؤال بقه يا دكتور السنترام. البلاتينيوم هو جملتوا بكام لاني سمعت سعروا ٢٥٠ جنية مش فاكر او ١٥٠ جنية !!

**Dr/ P.K.Sh** · 12-08-2013 10:27 PM

الموضوع ده فى الادويه المستورده بس عشان مش مسعره و بتيجى تهريب
و بدال انتا عايز دوا مستورد يبقى تدفع تمنه او خليك فى الدوا المصرى
على فكره انا مش بدافع عن الصيادله عشان انا صيدلى بس لما بتكون بتبيع دوا مستورد و متهرب و ممكن التفتيش الصيدلى يخشلك فى اى وقت و يعملك محضر لما يلاقى حاجه كده مستورده يبقى لازم يبقى فى تمن للمخاطره
العزبى و سيف بيستوردوه لحسابهم على فكره

**Y a r i s** · 13-08-2013 03:59 AM

. يعني افهم من كده يا دكتور ان سبب غلاء الدواء هيا الدولة ذات نفسها
وان الدولة كانها بتجبر المريض ياتشتري الدوى المدعم بتاع الغلابه ابو تعريفه ياتدفع الطاق طاقين او خمس اضعاف في دوى مستورد ومتهرب ... طيب ماهو في ادوية كتير ملهاش بديل مصري ومهمة جداً ... وانا كمورد لادوية اذا هرخصها في وزارة الصحة علشان يحددولي سعرها لا بلاها احسن ادخلها تهريب من تحت لتحت واحط سعر على مزاجي وخلاص بقه اجيب الاوكتافيا وبلاها الكيا سيراتوا ههههههه .

ياسبحان الله كل ما احط اللوم على ناس بلاقي الدولة ونظامها. العقيم هو السبب ، الي بيخلي الناس تاكول في بعضها وتغلي على بعضها كده عداكم العيب بجد يا دكاترة ... لاني لاحظت. بره ان الصيدليات ماهي الا سوبرماركت لجميع منتجات شركات الادوية والتجميل والمعدات الطبية
الواحد بيخوش كانوا داخل on the run ومعاه سبت بلاستيك في ايديه. يتبضع ويروح للكاشير يحاسب اما الادوية المهمة تصرف بس من عند الدكتور وبروجيته ... ظلمتكم يا دكاترة سامحوني بس على كده الواحد ميجبش أدوية غير يا من العزبي يا من عند سيف ...

ياترى صاحب سيف ده معاه عربية نوعها ايه :)

@@@@@@@@@
وتحياتي