اخواتنا الصيادلة : حرااااام عليكم اتقوا الله في مصر !

**Y a r i s** · 12-08-2013 05:33 AM

اخواتنا الصيادلة حرااااام عليكم
اتقو الله في سعر الدواااااء

النهردة ( طبعاً هو كزا موقف بس اقربها النهرده )
النهردة رحت الصيدلية الي جمبنا. اشتري مكمل فيتاميني اسمو سنترم ... حاكم صحتي مخستعه
وواحد حبيبي شكرلي في السنترم ده المهم. اشتريت السنترم ب ٥٠ جنية وقلولي اصلو ملتي فايتمن امريكي بيتقفل في السعودية ... المهم اروح البيت باقراء على العلبة لقيت مكتوب عليها السعر ١٠ ريال و ٦٥ هللة
يعني فرق سعر العملة كام اذا الريال النهرده عامل ١٨٢ قرش يعني قول العلبة سعرها الحقيقي ١٨ جنية وعشرين قرش مصري حد يقدر يقولي فرررررق السعر ده ٣٠ جنية بتووع ايه !!

لحد هنا خلصت الحكاية لأ. صاحبي قالي سعر العلبة هو شاريها ب ٣٥ جنية فقط
رحت للصيدلي. قلتلوا ازاي علبة دوى بتتباع ب ١٠ ريال وصديقي شاريها ب ٣٥ جنية. وانتا بتبعها لي ب خمسين جنية قام الصيدلي قالي مستحيل صاحبك. يشتريها ب ٣٥ ياعم الحج اذا هيا اساساً بتنزل لنا ب ٣٥ جنية ونص ( ههههههههه) وقع بلسانوا ابن الهبله يعني يا ابن اللزينة. يا ابن اللزينة. علبة. انتا شاريها ب ٣٥ جنية ونص تقوم تبيعها ب خمسين. جنية. يعني مكسب في العلبه الوحده ١٥ جنييييية

اتصلت على العزبي سئلتهم بكام العلبة عندهم لقيتها ب ٤٠ جنيه فقط
يعني كمان العزبي بيكسب فيها خمسة جنيه في العلبه

@@@@@@@

حتى فاكرين الوقعه يوم ما وقعت على ركبي الدكتور كتبلي على كريم موف الهندي مش المصري فضلت اشتريه العبوة بخمسين جنية لغايت بالصدفة اتصلت على العزبي لقيتها ب ٣٧ جنية بس

@@@@@@@@@@@@@@@

معليش سؤال للدكاترة. اصحابنا واخواتنا ليه الي بيحصل ده بيحصل
وليه الدوى النضيف. في السعودية اررررخص من مصر هل المواطن المصري اغنى من المواطن السعودي. علشان السعودي ياشتري علبة ب ١٠ ريال وانا اجيبها ب خمسسسسسسسسسسسين جنية !!
ده حتى البامبز. بتاع الاطفال البامبز السعودي اغلى من البامبز المصري الي بيعمل تسلوخات للطفل !
مع ان فعلياً البامبز السعودي النضيف. المحترم ارخص. ١٠٠ مره من البامبز المصري لكن بيجي مصر هنا بيتباع اغلى ويقلك بامبز مستووورد !
الباندول دوا الصداع. العلبة مكتوب عليها ٧ ريال. توصل هنا بقدرة قاااادر ل ٣٧ جنية لييييييه مش حرام !
ده حتى الفيكس يا راجل ياطيب هنا في مصر الضعف على طول

ده حتى البنسليين السعودي معروف انوا انضف من البنسليين المصري ١٠٠ مره ورغم ان البنسلين السعودي رخيص بيجي مصر هنا باسعار فلكية يا ب ٣٥ يا ب ٤٥. ومرات متلقهوش كمان !

قلام الانسولين النوفا بن كزالك هوا الحال .... طيب وبعدين يعني انا عارف ان الحياة غليت. بس غليت علينا وعليكم معقوله كل علبة دوى كده مكسبها. من خمسة جنية لغايت ٢٠ جنية في العلبه الوحدة
اومال فين الرقابة بقه على سوق الدواء وسبحان الله على الادوية في مصر بلد غريب. ياتشتري علبه باتنين جنيه ونص. وجنية ونص. يا تلاقي علبة بخمسين وبمية وبمتين وخمسين كمان يعني يارخيص قوووي قوي. يا غالي نار قووي قوي قوي هو مفيش عندكم حل وسط مش كده يا جماعه. خفو علينا شوية
يعني مش لازم تركبوا اوكتافيا. كفايه عليكم كيا سيراتو هههههه ولا ايه !

@@@@@@
وتحياتي

**Y a r i s** · 12-08-2013 06:16 AM

برضو مش عدل. ياعزيزي
لان مثلاً ممكن تكون صيدلية على ناصية وشغال الله ينور ويكسب في كل علبه ب العشرة والخمس طاشر جنية وصيدلي تاني. ياعيني فاتح بس جوا في الحارة ويادوبك يجيب تمن فاتورة الكهربا ... فباي حق الصيدلية الشغالة تبيع باسعار تالت اضعاف سعر الدواء ... وباي حق الصيدلي هو الي يحدد تمن الدواء. على حسب الديكورات الي عندوا ... على هذا المبدء فمن حق البقال. يبيع السلع الغذائيه على مزاجو يعني مش بعيد تلاقي كيلو السكر ب ١٥ جنية تالت اضعاف سعروا ويقلك. اصلي عاوز اكل عيش وورايا مصاريف فاهمني يا عزيزي انا قصدي ايه لو ترك الموضوع على هوى الناس فمش بعيد يوصل معجون الاسنان ب ١٥٠ جنية :) . ... وتحياتي

**mmans** · 12-08-2013 09:27 AM

الكلام ده فى المستورد ... المصرى كلو مسعر .. لو صيدلية اشتغلت فى المصرى بس يبقى يدوبك هيطلعلو بالفين تلاتة صافى اخر الشهر انما المستورد مش مسعر و كل صيدلية تبيعه بالتمن الى هى عايزاه عشان بيجبوه بطريقتهم ...

**mohammedgido** · 12-08-2013 09:31 AM

يعني مش لازم تركبوا اوكتافيا. كفايه عليكم كيا سيراتو هههههه ولا ايه !

ههههههههههههههههه دي اكتر حاجة استغربتلها فيا لموضوع
ليا واحد قريبي حالتة كانت علي قدة .. أول ما اشتغل في موضوع بيع المستلزمات الطبية ومجال الادوية
لقيتة راجب عربية اوكتافيا هههههههه اهو الله
شكلك عارفه

**A.GOM3A.LADA** · 12-08-2013 10:14 AM

حضرتك الدوا الي بيكون مكتوب عليه سعره من السعوديه او اي بلد بيكون متهرب فعشان كده اي حد بيحط السعر الي على مزاجه
مفروض الصيدلي ليه مكسب 25% من سعر الدواء
عشان كده لما تشتري اشتري من صيدلي واثق فيه يكون صديقك او قريبك
عشان انا والدي صيدلي و كان بييجي ناس يشتروا ادويه تركيب ويفاجئوا ان اسعارها رخيصه وانهم كانوا بيشتروها من اماكن بأسعار خرافيه
للأسف غالبيه الصيادله الي تلاقي مكاسبهم عاليه بيكونوا شغلهم مش مظبوط والناس الامناء بيكسبوا القرش بالعافيه :(

**adel_2346** · 12-08-2013 08:05 PM

دى مستورده حضرتك سعرها بيبقى حسب هى جايه له بكام

**mr.foxman** · 12-08-2013 08:10 PM

هي جت على الدواء

**S O P H O S** · 12-08-2013 08:26 PM

كان في دواء سعره 50 جنيه وفكل مكان كده
واشتريته كتير
وفمرة كان معايا صديق صاحب مالك الصيدلية
المهم الدواء المرة دي ادهوني بكام ب 41 جنيه ونص
احسب بقي انت يا حج ..