سائق تاكسى ابتكر تانك بنزين اضافى بسعة 280 لتر !!!
[img3]http://i.imgur.com/SUAgH.png[/img3]
شوفت بعينى سواق تاكسى ابتكر تانك اضافى بسعة 280 لتر !!!
http://i.imgur.com/uy7L24S.gif
كلنا عارفين ان فتحة تانك الشاهين يمين ... وأنا ماشى فى طنطا فوجئت بتاكسى شاهين ليه فتحة شمال مصدقتش عنيا وتملكنى الفضول ياترى ايه ده ؟ ياترى ده مجرد اكسسوار غريب ولا فتحة تانك حقيقة !!! .. لفيت حوالين العربية لاقيت فتحة التانك الأصلية موجوده على اليمين عادى ..ولاقيت سواق التاكسى راكن على جنب وساند على العربية وبيتكلم فى الموبايل ... روحت قربت من الفتحة الغريبة اللى على الشمال وأنا مذهول وتحسستها وبعدين قولت لسواق التاكسى هيه ديه فتحة تانك ؟ ... قالى ايوه انا عملت تانك تانى فى الشنطة علشان أزمة البنزين
إستأذنته يفتح الشنطة علشان اتفرج ههههههه ... الأخ صاحب التاكسى الشاهين عامل تانك حديد عمولة بحجم شنطة الشاهين بالكامل وقطع الصاج كمان من الشمال وعمل فتحة تانك تانية ... سعة التانك الإضافى حوالى 280 لتر على ما اتذكر والتانك ده بيتشال وبيتحط حسب الحاجه وحسب أزمات البنزين ومفيش اى نوع من أنوع الاتصال بينه وبين التانك الأصلى بتاع الشاهين اللى سعته 50 لتر
كده تفويلة التاكسى ده فى التانكين حوالى 330 لتر ... قولتله طيب مفيش حد من عمال البنزينة أو مفتش تموين رخم عليك .. قالى محدش قدر يفتح بقه معايا ده تانك وديه فتحته ومحدش ليه عندى حاجه !!!!
[img3]https://fbcdn-sphotos-e-a.akamaihd.net/hphotos-ak-ash3/1095105_10151780505607241_1612056365_n.jpg[/img3]
إفتكرت الإعلان بتاع الأجانب لما يشوفوا اختراعات المصريين يقولوا ياولاد اللذينا !!
طبعا التاكسى ده حل مشكلته مع البنزين وقت الأزمات وقلل من وقوفه فى الطوابير بس أكيد طبعا الإبتكار ده ليه أضرار .. طبعا معدش فيه شنطة لما بيحط التانك بس هوه تغلب عليها بأن التانك بيتشال وبيتحط حسب الحاجه ، كمية البنزين الرهيبه اللى فى العربية ديه فى منتهى الخطورة بالذات فى حاله حدوث تصادم من الخلف لاقدر الله واكيد التانك ده مش هيكون محكم 100% زى التانك الأصلى بالذات من عند الفتحة اللى مخترعينها ده بالإضافة الى الوزن الكبير فى الشنطة والضغط على المساعدين والسوست ورا
http://i.imgur.com/Ml7kAAl.gifhttp://i.imgur.com/lolFOkW.gifhttp://i.imgur.com/0xjs9lu.gifhttp://i.imgur.com/toXv2SU.gifhttp://i.imgur.com/0xjs9lu.gifhttp://i.imgur.com/XYDLQYN.gifhttp://i.imgur.com/iwQxkMF.gif