-
طقم دبرياج لوجان
اصدقائى الاعزاء السلام عليكم
معايا عربية لوجان 2011 مانوال، عامل بيها 65000كم صياناتى كلها فى التوكيل، كنت ماشى فى امان الله، و فجاة الدبرياج سقط فى الدواسة و مش عايز يطلع، الواير سليم، ممكن تكون بليه، ممكن تكون ديسك او اسطوانة، لازم الدبرياج يتحل عشان يتعرف ايه العيب، طقم الدبرياج فى التوكيل عامل 1300 جنيه، قالولى ان ضمان الدبرياج 25000 كم، مش عارف اوديها لميكانيكى بره ولا لأ، افيدونى افادكم الله...
-
انا خايف قوي من الموضوع ده لأن عندي دايما دواسه الدبرياج بتعمل صوت احتكاك او تزييق وكل صيانه اقولهم عليها يقولوا لي دا تراب في الواير وهنضفه ...يوم والتاني ويرجع زي الأول ...خايف يكون في مشكله في الدبرياج ويفضلوا ينيموني لحد ما اعدي الـ ٢٥٠٠٠ اللي حضرتك بتقول عليهم ...انا عامل دلوقتي ١٨٠٠٠
ياريت لو حد حصلت معاه المشاكل دي يفيدنا
-
ممكن الواير يبقى سليم بس سقط من مكانه
-
اخى العزيز انا معايا لوجان 2011 برده وحصل معايا نفس المشكله وبعتولى سياره (ونش) و فى الاستقبال قالو انها اسطوانه وسوف يتم تغيرها وتحتاج 3 ايام وتانى يوم كلمونى وقالو انه طلع عيب واير وغيره فى الضمان الواير كان مفاتل لاكن مش مقطوع واعتقد ان ده هو نفس العيب الى عندك توكل على الله وروح التوكيل
ملحوظه :- الوايل بره التوكل 275 جنيه لو لقيته غير المصنعيه
-
Content Relevant URLs by
vBSEO 3.6.0 PL2