طبعا مش سيريون
عرض للطباعة
اساسا السيارات المني المفترض انها سيارت اقتصادية وبسعر معقول وحجم خارجي صغير وداخلي مناسب لاسرة صغيرة او للشباب ذوي الامكانات المحدودة ومناسبة لجو المدن ... الخ ولكن في مصر الامر يختلف قليلا
السيارات الصغيرة مطلوبة من الشباب جدا وفي مصر عندن قاعدة بتقول (اي شاب يمتلك سيارة يبقي الست الوالدة هي الي شارياها) ومما سبق نستنتج ان اي عربية هاتش او ميني لازم تكون غالية علشان الست الوالدة مش هتستخسر حاجة في ابنها
العربية بجد تحفة وعجبتني جدا لدرجة اني وانا في المعرض كنت عايز اجيبها بدل النوبيرا او اللانسر وانا متوقع انها هتكون بنفس السعر او اغلي شوية علشان عربية جديدة (كنت بحسن نيه فاكرها هتكون بسبعين تمانين الف جندي) وطبعا اول ما عرفت سعرها حسبتها بالكيلو جرام وقلت اجيب النوبيرا احسن
الملخص :سيارة جيدة جدا ومناسبة لظروف المدن المصرية ولكن كالعادة بسعر مبالغ فيه
(اصلها يابيه زي المني كوبر ام كام وتلتميت الف جنيه شوف انت بقي ياباشا انهو الاحسن) وهذا ما قاله مندوب مبيعات الشركة