ياريت من الخبراء النصيحه لانى فى حيرة عاوز اشترى فيات مستعمله بس محتار ما بين 127 128 132
تنصحونى بأيه
عرض للطباعة
ياريت من الخبراء النصيحه لانى فى حيرة عاوز اشترى فيات مستعمله بس محتار ما بين 127 128 132
تنصحونى بأيه
127 افضل ال 28 اعطالها كتير وهتصرف عليها تمنها لان معظم الحالات اللى موجوده دلوقتى عربيات اتهرت شيل وحط وتعديل اما 132 عربية ضخمة ومكنة 2000 سى سى 2 كامة بس استهلاك البنزين فيها عالى
يعنى 127 ولا132 و بلاش ال 128 زى ما حضرتك قولت
لو عاوز عربية اقتصادية واعتمادية وموفرة وشبابى خليك فى 127 ولو عاوز عربية واسعة واسرية ياعنى مش اسرة صغيرة اسرة كبيرة اب وام وشباب وبنات عيلة ياعنى يبقى 132 بس استهلاكها فى البنزين اعلى كتير ومصاريفها ومشاكلها اكثر شوية انته اللى تقرر احتياجك ايه 127 شغالة وبتسافر وبتروح وبتيجى لو مهتم بيها وحمالة قسية
يمكن الثلاثة سعرهم متقارب و ده اللى خلاك تتدخلهم فى مقارنة مع بعض و لكن ده لو يجوز كا مقارنة سعرية لا يجوز شرعا كمقارنة بين عربية لـ عربية
...
هقول لحضرتك باختصار و جهة نظرى عن تجربتى للثلاث عربيات
الـ 127 و الـ 128 متقاربين من بعض من حيث الحجم و استهلاك البنزين و الاداء مصاريف التشغيل من حيث قطع الغيار و الصيانة .
حضرتك لو هتقارن بين الاتنين دول , ارشحلك الـ 127
و جهة نظرى من تجربتى الشخصية الـ 127 افضل من الـ 128 من حيث النعومة و التقفيل الى حد ما , مشاكلها و اعطالها اقل و خصوصا فى موضوع السخونة .
نيجى بقى للـ 132 . مبدأيا كده حضرتك لو مش محتاج الحاجات اللى بتوفرها الـ 132 عن ( 127 و 128 )
متشتريـــــــــــــــــــ ـــهاش ( لان اعادة البيع اسرع و اسهل فى الـ 127 و الـ 128 عن الـ 132 ) - ده لو ناوى تبيع قريب -
نيجي بقى للفروق اللى كلمت حضرتك عليها :
حيث الفرق الكبير فى الاداء و السحب والمساحة الواسعة جدا من الداخل , الشنطة الكبيرة , نظام الدفع الخلفى - وهو الاقوى طبعا - الفرق فى الثبات عن الـ 127 و 128 و اخيرا انك ممكن تعتمد عليها فى السفر لمسافات طويلة بدون اى مشاكل تذكر .
ملحوظة الاخيرة : الـ 132 الـ 1600 لو كربراتير سليم اسنهلاكها للبنزين معقول جدااااا مش زى ما الناس فاكرة ولا يقارن بـالموتور الـ 2000 سى سى . و الكلام ده عن تجربة و امتلاك والدى لل 132 بموديلاتها لاكثر من 20 سنة .
__________________
اختار اللى يناسب احتياجاتك لكن متقارنهمش ببعض كعربيات لان دى حاجة و دى حاجة تانية خالص
و اى سؤال انا تحت امرك .
تقبل مرورى و اسف للاطالة .
127 وشوف أنت معاك كام لآن السعر هيفرق فى الآخر .
وربنا يوفقك .
شكرا ليكم كلكم مش عارف اقولكم ايه
فكر فى الريجاتا عربية محترمة ومودلها عالى و احسن من 28 و 32 و 27 و الكلام دا عربية تستحملك مهما عملت فيها