يعني الچراش كلو فاضي ... ملقيتش تركن غير قدم عربيتي !!

يعني الچراش كلو فاضي ... ملقيتش تركن غير قدم عربيتي !!

http://www.egyptiansnews.com/img/art...ing-potato.jpg

موقف بيحصل وبيتكرر كل يوم ... ياترى لييه !
هل غباوة
ولا
غلاسة
أم قلت حيلة

@@@@@@@
وتحياتي

بصراحة محصليش كدة في الجراش بس كنت بتخنق اوي لما حد يركن صف ثالث ( علاشان احنا اصدا البيت بنركن عمودي علي الرصيف) و يقفل علياا مع ان ممكن يركن عربيتو ب50 متر اودام زي الناس بس الباشا بيطسل و يا سلام لما يكون معشقها او رافع الفرامل اعد ربع ساعه عقبال لما يتركم علينا و يبعت المفتاح مع البواب

بتحصل معايا وبستغرب
لان حتي العربية مبتتسبش علي المور !
فالاول والاخر اعتقد انها مسألة احساس وتقدير
والله اعلم

انا عن نفسي بحس انها نوع من انواع (( التناااكة ))
بالذات. لمن تكون واقف في شارع طويل عريض والدنيااا فاااااااضيه. ويجي واحد يوقف قدام منك ... والي يجننك لمن تلاقي مراتوا قعده في العربية. بتهشتك حمادة الصغير فتيجي تزمرلها تقلك معليش ثانية وحده جوزي بيجيب حاجة وزمانو جي ... طيب انا مالي بيجيب حاجة ولا نزل يسئل عن حاجة ومش هيشتري انا عاوز امشي مالدنيا فاضية حبكت يركن قدام عربيتي يعني. حبببببكت .
تلاقي ام حمادة بمنتهى البرووود تقلك الصبررر اصبر شوية الدنيا مطاريتش ... تقلها طيب بعد ئزنك نزلي فرامل اليد هزوق العربية شوية. تقوم. ام حمادة بكل برود الدنيا تقول لالالالا اخاف اعمل حاجة كده ولا كده العربية تبوظ ومترضاش تشتغل استنى شوية. وخلاص ههههه

المهم اقول لنفسي الصبر الصبر طيب ... واقعد مرزوع ورى الدريكسيون مستنى وهوبا الاقي ابو حمادة جي بيجري اقول اخيراً جه البارد ابن البارديين ... المهم ابو حمادة مش يركب عربيتوا ويدورها ويتكل على الله لا اول ما يخش العربية يقيد لمبة الصالون ولسه بيفتح الكيس لامو حمادة ويوريها. هوا اشترى ايه ... وهو ده الي انتي عاوزاه. ولا اروح اجري ارجعوا ههههههههه

الواحد بيدور على الونس