لو سمحتوا يا جماعة انا عمال اسمع نوبيرا 1 ونوبيرا 2 ومش فاهم حاجة فا كنت عايز اعرف الفرق بينهم ايه ؟
وكمان سمعت ان النوبيرا بعد 2002 مش حلوة , هل الكلام ده مظبوط ؟؟
عرض للطباعة
لو سمحتوا يا جماعة انا عمال اسمع نوبيرا 1 ونوبيرا 2 ومش فاهم حاجة فا كنت عايز اعرف الفرق بينهم ايه ؟
وكمان سمعت ان النوبيرا بعد 2002 مش حلوة , هل الكلام ده مظبوط ؟؟
بص هو 2002 ده بداية التجميع المصرى و طبعا كعاده التجميع المصرى اوله بيبقى حلو و بعد كده بختك يا ابو بخيت بس معظم العربيات حاليا مفيش منها مشاكل لان الى فيها مشكله اكيد اتحلت مع الوقت خصوصا لو حاجة فى التقفيل يعنى
يعني موديلات 2004 و 2005 كويسة مافيهاش مشكلة ؟؟
شوف النوبيرا عموما مش بتفرق اي شئ انا ركبت 2001 كوري و 2004 تقفيل مصري بصراحة الاثنين زي بعض مفيش اي فرق اهم شئ حالة العربية والموتور والعفشة والفرش والفتيس ودائرة الكهرباء
سيبك بقى من كل اللي فات لو ناوي تشتري نوبيرا اشتري الخليجي او الاوروبي افضل مليون مرة من اللي ف مصر تقفيل فوق الممتاز وخامات محترمة بجد كمان هتلاقي منها فرامل اي بي اس وكمان تكييف تاتش والفتيس الاوتو كهرباء مش ويرات والرجالة ف المنتدى هنا يقدروا يفيدواك ف الفتيس الكهرباء اللي عرفته منهم انه رائع وممتاز وملوش اي مشاكل حتى لو غيرته بيركب الفتيس الويرات العادي
وفي النهاية حالة فوق كل شئ انسى الموديل اشتري حالة ممتازة على الاقل
النوبيرا 1 موديلاتها 97 و 98 و 99 وكلها تقفيل كورى وفى منها مواصفات خليجى واروبى
النوبيرا 2 اللى بتيجى من برة موديلاتها من 99 لغاية 2005 ومواصفات خليجى واوروبى
والعربيتين دول فيهم كمليات متخطرش على بالك
اما النوبيرا التقفيل المصرى دى بدات من 2000 لغاية 2009
وتقفيل سيىء وكماليات محدودة
لو عايز تستفسل عن اى حاجة تانى قولى
في البداية متشكر اوي لرد حضرتكاقتباس:
المشاركة الأصلية كتبت بواسطة ahmed nasser
انا فعلا عندي استفسارات لاني معنديش خبرة خالص , حضرتك قولت النوبيرا 2 من 99 لحد 2005 والنوبيرا التقفيل المصري من 2000 لحد 2009 , يعني نقدر نقول من 2000 لحد 2005 كان فيه مواصفات اوروبي في عربيات وعربيات تانية تقفيل مصر , انا اقدر افرق بينهم ازاي ؟؟؟
تاني سؤال لو جبت حاجة مواصفات خليجي او اوروبي هاقدر اعمل صيانة في التوكيل ولا لاء وهل اصلا لسه في توكيل لدايو ؟؟؟ ولو مش هاقدر اعمل صيانة في التوكيل بتتعمل فين ؟؟
تالت سؤال (معلش طولت عليك :) ) المواصفات الخليجي دي حضرتك بتشكر فيها , ممكن اعرف تكون في حدود كام دلوقتي لو مثلا موديل حديث يعني 2004 او 2005 وتقدر تشتري حاجة مستعملة دي منين , هل مثلا من موقع زي كونتكت كار ولا في بديل تاني ولما تيجي تكشف علي العربية هل في اماكن معينة ولا تدور علي ميكانيكي معرفة وخلاص ؟؟؟
انا معلش طولت عليك بس معلش استحملني و جزاك الله كل خير
متشكر اوي لرد حضرتكاقتباس:
المشاركة الأصلية كتبت بواسطة mhopa2440
بص لو بدور على نوبيرا 2 مويل 2004 او 2005 فدة صعب شوية
انما اللى موجود بكثرة هو ال 99 وال 2000 و2001
اسعارهم مش هتقل عن 50 الف لو حالة نظيفة بالنسبة للـ 99 و 2000
انما الـ 2003 وطالع هتكلم فى 55 الف
بالنسبة للتوكيل ابو الفتوح شغال فيهم
لو عايز تشترى فى امكان كتير بس اهم حاجة الحالة
وخد حد مضون يشترى معاك
متشكر اوي لاهتمام حضرتك , معلش بس انا عندي استفساراتاقتباس:
المشاركة الأصلية كتبت بواسطة ahmed nasser
حضرتك تقصد اني مش هالاقي 2004 او 2005 تقصد الخليجي او الاوروبي ؟؟؟؟ لان ال 99 و 2000-2001 قديم شوية احنا في اخر 2013
ولو 2004-2005 العادية هل الفرق شاسع ؟؟؟ عشان انا شفت 2004-2005 وفي رينج ال 50000
بالنسبة للاماكن حضرتك بتقول في اماكن كتير ممكن تذكرلي امثلة
انا متشكر اوي لحضرتك وفي انتظار الرد
ايوة انا اقصد انك مش هتلاقى بسهولة مودلات 2004 و2005 خليجى او اروبى
انما اللى موجود ومش لاقى اللى يشترية هى النوبيرا المصرى
زى اللى انت شفتهم
اما بالنسبة فى الفرق بينهم فالفرق كبير حتى لو مفيش كماليات
فية فرق فى التقفيل والخمات والعزل والموتور والفتيس لو اوتو
اما الاماكن اللى تشترى منها
فية كناكت كارز وسوق الجمعة ومواقع تانية كتير
مش مهم تشترى منين المهم حالة العربية اللى تشتريها
يعني حضرتك ترشح مثلا 2002 خليجي احسن من 2004 او 2005 مصري ؟؟ هل الفرق كبير كده حتي في الاساسيات في العربية ؟؟؟اقتباس:
المشاركة الأصلية كتبت بواسطة ahmed nasser
انا ارشحلك 99 خليجى احسن من الـ 2009 مصرى
فية فرق فى كل حاجة
خمات احسن بكتير وفرش جلد
وتقفيل ممتاز وصاج تقيل وكفاية قفلة الباب
وعزل جامد بتقفل الازاز يدوب تسمع صوت الكالاكس بالعافية
وموتور 1500 سى سى 110 حصان فاجر
ولو اوتو بيكون فيها فتيس كهربا ودة لوحدة حكاية
زائد بقى جنوط سبور
وفوانيس عدسات
وتكييف تاتش
دى النوبيرا الخليجى
اما الاوروبى حاجة وهم شوية
انا متشكر اوي لرد واهتمامك معلش انا عارف اني تقلت عليك , هي من 99 لحد 2005 خليجي كله زي بعض ؟؟؟؟ وبالنسبة للاوروبي دي الصراحة انا ماشوفتهاش في ولا اعلان خالص !!!اقتباس:
المشاركة الأصلية كتبت بواسطة ahmed nasser
ايوة الخليجى من 99 لغاية 2005 كلة واحد
اما الاروبى
دى اللى بتكون بموتور 2000 سى سى
وفتحة سقف كهربا
وسوبلير خلفى
ومثبت سرعة
وحجات تانية كتير