-
ياريت المساعده يا جماعه
بسم الله الرحمن الرحيم
والله انا حصلتلي ظروف وكان لازم اسافر وسافرت من غير العربيه لمده 15 يوم المهم اني لما رجعت قعد اشفل العربيه مكانتش راضيه تدور خالص قولت اكيد البطاريه المهم
جه واحد جاري اداني بطاريه وبرضه جيت ادور مكانتش راضيه تدور لدرجه اني جربت ادورها فوق 12 مره
المهم جاري قالي احنا نفك الغطا اللي عند فلتر الهوا ونحط احنا غطا بنزين يمكن العربيه مش ساحبه
وفعلا عملنا كده وحطيت غطا جركن صغير فيه بنزين والعربيه دارت لمده 2 دقيقه وبعد كده فصلت مع العلم
اني مثبت رجلي ع البنزين
المهم مع تكرار المحاولات عرفت ان العربيه بتشتغل بشويه البنزين اللي في غطا الجركن اللي بحطهم وبعد كده تطفي
انا بقي مش عارف اعمل ايه اوديها لميكانيكي ولا بتاع كربراتير
وياريت لوحد حصله نفس الموقف يقولي عمل ايه والعيب كان منين
-
شوف فلتر البنزين لو مفيهوش بنزين يبقى طرمبة البنزين عندك بايظة اومحتاجة تنظيف وممكن يكون الفلتر وسخ وسد البنزين عن الكاربراتير روح للميكانيكى يبص على العربية !!
-
شكرا علي الرد والاهتمام
خلاص انا كده ب اذن الله بكره هروح للميكانيكي واخليه يشوف ايه الدنيا
بس كنت عايز اسال حضرتك الحوار ده يتكلفله كام
-
حسب اللي فيها ممكن 10 جنيه وممكن 100 جنيه
انشألله بسيطه
-
هو انا روحت لقيت الميكانيكي قافل بس بصيت علي الفلتر مكنش فيه بنزين خالص
ومتشكر جدا ع الرد
-
بص على خراطيم البنزين ممكن تكون بتسحب هواء والطرمبة وربنا يعينك
-
مظبوط راجع علي خراطيم البنزين عشان لو في قطع في اي خرطوم العربية عمرها ماهتتدور
-
متشكر ليكم جدا يا جماعه ع الرد والاهتمام
انا روحت للميكانيكي انهارده وقالي الطرمبه بايظه والكربراتير عايز يتنضف وخلاني جبت خرطوم بنزين 1متر وفلتر بنزين
وانا لما روحت اشتري الطرومبه لقيتها ب 75 ومش لادا ده طلعت لعربيه 125 وبتفرق في حاجه بسيطه بس مينفعش نركب
قمت اشتريت واحده استيراد ب 20 ج والموضوع كله ب اجره الصنايعي خد 50ج
بس الحمدلله بقت تمام
Content Relevant URLs by
vBSEO 3.6.0 PL2