جين 2 خليجي و لا اوبترا خليجي

السلام عليكم
انا ناوي اشتري عربية و صفصفت و الحمدلله على الاوبترا و الجين 2 و الاتنين خليجي بأذن الله
فأنا عايز حد يعملي مقارنة شاملة كل شيء الا الوسع بتاع الشنطة و عايز اعرف انهي الاحسن بالنسبة ل وسع الشنطة و وسع العربية مش فارق معايا و الله انا عارف ان انا بقارن بين فئتيين بس 60 الف يجيبوا اوبترا 2005 او جين 2 2007 و الاتنين اكتر اتنين اعتماديين تقريبا في الفئة و في سؤال صغير كدة الجين 2 تشيل اداية ورا شباب بالغيين و الاوبترا تشييل اد اية؟ انا عارف والله ان انا بتقل عليكم و قارنتربين كذا عربية و دول كانوا اعلى نسبة تصويت يعني النهائي و شكرا لكم

جين 2 خليجي ازاي يعني ؟؟

الاوبترا اوسع طبعا و بصراحه فى الوسع العربيه دى مشفتش زيها و عفشتها كمان كويسه عبها الوحيد بس شويه بتاكل بنزين

جين 2 خليجى
البروتون عمره ماراح الخليج :)))))))))

انا كان معاى جين 2 و للعلم كل الجين 2 بلا اى استثنناء موصفات خليجى
بص اوبترا اوسع اعاده بيع احسن و قطع غيار متوفر مفيش عوامل امان و ثبات معقول
جين 2 اى بى اس اى بى دى 2 اير باج ثبات ممتاز تقفيل متواضع اعاده بيع شغاله صيانه و قطع غيار متعبه شويه

الاوبترا اوسع و اسهل فى الصيانة و ثباتها معقول و لو خليجى يبقى المفروض فيها ايرباج و abs و سعر اعادة بيع كويس

اقتباس:

---

المشاركة الأصلية كتبت بواسطة ahmad--ezzat

جين 2 خليجى
البروتون عمره ماراح الخليج :)))))))))

---

دي جين 2 في ا لسعودية


http://87421a79fde09fda7e57-79445249...96f19/main.jpg

و دي في عُمان

http://media.hatla2eestatic.com/uplo...9e3ca19edb.jpg

و دي في الدوحة
http://i.dbzstatic.com/main/tmp/fueg...59c9cf9dde.jpg



و ده أعلان عن عربيات بروتون في الدوحة . قطر

بمناسبة الجين 2 الخليجي .
كل البروتون اللي بينزل في مصر بينزل بمواصفات الخليج العربي .
يعني اللي هاتشتريها من هنا ..... زيها زي اللي هاتشتريها من الخليج .


مقارنة العربيتين

الأثنين حلوين .
الأوبترا ...... قطع غيار أعتقد أكيد هاتكون أرخص و متوفرة أكتر .
العربية تقريبا أوسع من الجين 2 في الكنبة الخلفية .

قوة الموتور قريبين من بعض . ... الثبات الجين 2 أفضل ..... الشكل هي أذواق بس أنا شايف أن الجين 2 شكلها أحلى .

بص في الآخر
لو عايز جين 2 لازم تكون غاويها ......... غير كدا هات الأوبترا هي عربية ممتازة

اقتباس:

---

المشاركة الأصلية كتبت بواسطة ahmad--ezzat

جين 2 خليجى
البروتون عمره ماراح الخليج :)))))))))

---

ده جزء من خبر في جريدة سعودية في 2008 أثناء الأحتفال ببرسونا في ا لسعودية تزامنا مع نزولها مصر و بقية أسواق الشرق الأوسط

اقتباس:

---

من ناحيته, قال خالد عبد الرحمن الثنيان العضو المنتدب في السعودية لشركة بروتون ومساعد نائب رئيس مجلس الإدارة في السعودية "بالضبط منذ سنتين اجتمعنا في القاعة نفسها إعلان إطلاق شركة جديدة بين كل من شركة بروتون لصناعية السيارات وشركة الراشد والثنيان للسيارات, وأثمرت تلك الشراكة عن إطلاق سيارات بروتون في السوق السعودية".
من جهته. ذكر داتو سيد زين العابدين العضو المنتدب لشركة بروتون، أن التقدم للأمام يفرض عليناً حضوراً قوياً ومهماً في الشرق الأوسط, خصوصا في السعودية, التي هي كبرى أسواق المنطقة، لافتا إلى أن شركته بدأت مع سيارات بروتون gen2 وواجا والسافي في 2006 وحتى الآن نجحنا في بيع أكثر من ألف سيارة في المملكة، وهذا الإنجاز وضع "بروتون" على قائمة أكثر عشر سيارات مبيعاً في المملكة".

---

مشكوريين يا بشوات و الجين 2 في منها خليجي على فكرة

اقتباس:

---

المشاركة الأصلية كتبت بواسطة omar2017

مشكوريين يا بشوات و الجين 2 في منها خليجي على فكرة

---

يعني أيه ؟
قصدك ان فيه حد بينزلها من غير ضمان ؟؟ من الخليج ؟؟

لان اللي بتنزل الشرق الأوسط كله .......... مواصفات الخليج العربي .
و على فكرة ...... الجين 2 اللي بتنزل مصر كاملة متكاملة ما عدا الفرش الجلد فقط لا غير .

:oh:

اقتباس:

---

المشاركة الأصلية كتبت بواسطة tutankhamoun

يعني أيه ؟
قصدك ان فيه حد بينزلها من غير ضمان ؟؟ من الخليج ؟؟

لان اللي بتنزل الشرق الأوسط كله .......... مواصفات الخليج العربي .
و على فكرة ...... الجين 2 اللي بتنزل مصر كاملة متكاملة ما عدا الفرش الجلد فقط لا غير .

---

+11
علي فكرة الجين٢ برة ليها فئات اقل بتنزل من غير ايرباجز ولا abs وازاز ورا عادي مش كهربة ومرايات عادية مش كهربة ومفيهاش مالتي فانشن