طرمبة البنزين باااااااااظت للأسف
السلام عليكم
إزيكم يا شباب
حصل معايا موقف غريب جدا
كنت ماشي على الصحراوي بالليل وجيت قبل الكارته ووقفت بالعربية لاقيتها بطلت ورضتش تدور تاني
المهم بعد محاولات كتير وميكانيكية كتير لاقينا ان ماتور طرمبة البنزين بقى ضعيق ومش قادر يبعت بنزين بشكل كبير زي الاول
عملنا محاولة وجربنا قلب طرمبة هيونداي بس منفعتش
رحت لجمال البدري بتاع قطع الغيار ودورت على قلب الطرمبة بتاعة اللوجان ادّاني واحد بتاع الفايت والميكانيكي مرضاش يركبه
وصلنا انا والميكانيكي ان احنا نشتري الطرمبه جاهزه بس لاقيتها غالية اوي في التوكيل
السؤال هنا ... هل فعلا مفيش في السوق قلب طرمبة اللوجان ؟
والسؤال التاني هل الطرمبة اللي بره التوكيل كويسه ومضمونة ؟ اصل الميكانيكي خوفني من موضوع الطرمبه وقالي ممكن لو مش كويسه تعمل قفله
انا عربيتي لوجان مانيوال 2010
ارجو المساعده ضروري وبسرعه بعد اذنكم
جزاكم الله خيرا