الموضوع: عذاب السنين

بصو يا شباب مشكلتى لازم تتشرح من البدايه علشان تقدرو تركزو وتعرفو معايا المغزى والسبب
فى اول ما اشتريت العربيه حاجه لاحظتها كتير وابتدت تعكنن عليا حياتى
فى ان والعربيه بارده ماكنتش بعرف اشد بيها ولا اتحرك بسرعه لانها كانت بتتكف كان حد رفع الهاند بريد وانتا دايس بنزين او داس على الفرامل وكتف العجل وانتا برضه دايس بنزين وكانت بتسحبك لقدام كانها هتشد وتتكتف وتسحب زى المجنونه
تمام قولت مش مشكلة قعدت حوالى اربع شهور بالموضوع ده اغير بوجيهات واعمل مدفع واظبط كهربه واغير سيلك بوجيهات ومافيش فايده
جيه الميكانيكى بتاعى قولتله ننضف الكربراتير ونديله غسله
راح مطلعه ومنضفه وغاسله ومسك البيكات ووسعهم على سحب ما فهمت منه
الخنقه راحت لكن بقت بتأكل بنزين بغباء ممكن مشوار 30 كيلو يأكل نص التانك فى الزحمه مع انها ماكنتش بتعمل كده ابدآ واصلآ حرام 30 كيلو يأكلو نص التانك وخصوصآ ان العربيه اصلآ 1100 سى سى يعنى مش بلوعه بنزين ولا حاجه
توكلت على الله وروحت لواحد فى اسكندريه وصفهولى استاذ سامح شخص عزيز معانا فى جروب مازدا على الفيس ولكن اتعذبت معاه شويه لحد ما قدر يفهمنى ويعمل اللى انا عايزه لان غسل الكربراتير وحط بيكات اقل من البيكات الاصليه بقيت اجى ادوس بنزين فى الطلعه العربيه تتكتم وتبطل وماكنتش تمشى الا لما اثبت رجلى على البنزين للاخر علشان تمشى والا تبطل
فضلت اروح وارجعله لحد ما ظبطها وركب بيك اوسع 5 درجات وفتح الهوا شويه وهو بيظبطها قولتله انها بتبطل مع التكيف فراح معلى الاكسلاتير وما بقيتش تبطل ولا بقت ترجرج مع التكيف ولا اى ولكن بقت برضه تأكل بنزين مع التكيف بغباء ومن غير تكيف كمان كانت بتأكل بنزين صبرت شويه وغيرت البوجيهات اكتر من مره وبعدين وطيت الاكسلاتير شويه فبقت مش بتأكل بنزين زى الاول ولكن بقت بترجرج ومع النور العالى بقت ترجرج برضه حتى لو من غير تكيف

انا لسه طالع من تحت دلوقتى وعليت الاكسلاتير شويه وكانت الدواسه فيها بوش راحت لما عليت مسمار الاكسلاتير وشغلت التكيف مافيش رجرجه وولعت النور العالى والواطى مافيش رجرجه ولا رعشه ولا اى حاجه صوت الماتور اختلف بس حاجه بسيطه مع النور ولكن فى فرق ولكنى شامم ريحة عادم مع التكيف اكتر ومن غير تكيف اقل واكيد كده هتأكل بنزين
انا اسف لو طولت عليكم ولكن انتو ايه رائيكم فى الموضوع ده
هل المفروض الاكسلاتير اقل من كده وان الموبينه مثلآ ضعيفه او المشط وحش فمخليها عايزه اعلى من العادى ؟


وياريت تساعدونى باللى تقدره عليه وايه اهم الاسباب على الاقل اللى ممكن تعذبنى كده