مجرد استشاره يا رجاله
جت لى نظاره هاى كوبي بوليس من بره - المهم انا مش بلبس نظارات هاى كوبى خالص علشان عينى - بالاضافه ان فعلا عدساتها سيئه للغايه
المهم واحد صاحبى اقترح عليه انى اغير العدسات واركب عدسات تانيه وبكد ابقى استفدت من النظاره
ركبت لها عدسات وطلعت زى الزفت وفكيت العدسات ورمتها
دلوقتى يا ريت حد يفيدنى
العدسات المفروض انها تيجى بالبارت نمبر بتاع الموديل - بس انا فشلت انى اوصل للبارت نمبر بتاع النظاره اللى معايا وعليه مش هاقدر اشترى اصلى
يبقى نروح للحل التانى
العدسات كذا نوع
النوع الاول بيبقى بلاستيك وبيقوموا بتلوينه وده اسوأهم على الاطلاق عن تجربه (تكلفته بين 30- 50 جنيه)
النوع الثانى بتبقى عدسات جاهزه جايه من بره وعليها اللوجو بتاع بولس ومجرد انها بتتقص على النظاره فقط وتكلفتها فى حدود 70 - 100 جنيه
النوع الثالث عدسات زجاجيه ولغاية دلوقتى مش عارف لها سعر ناس تقول لى اسعار غاليه - وناس تقول لى اسعار تعبانه - لكن فيه ناس بتأكد ان احسن رؤيه هاتكون عن طريق العدسات الزجاجيه - لكن يعيبها ثقل العدسات - وسهولة كسرها
السؤال حد يقدر يرجح لى اجيب عدسات ايه وبكام ومنين ؟؟؟؟؟
المفضلات