الموضوع: تسقيفه في الموتور اكسنت اربي

أكشف عليها فى مركز متخصص
وسيبك من حكاية المنظفات اللى بتتحط على البنزين دى كله كلام فاشل ولا ليه أى تلاتين لازمة طالما بتعمل صياناتك أول بأول

اولا شكرا علي اهتمامك يا جماعه تسلم لي كلكم

المشاركة الأصلية كتبت بواسطة semsem8080

نظف البوابة وافصل فيش الحساسات وبص علي البوجيهات احتياطي

المفروض الحاجات دي بتتعمل في مركز الصيانة وانا بروح له دائما

المشاركة الأصلية كتبت بواسطة aymanshebl

المفروض العربية ديه و العريبات الحديثة فيها حساس تسقيف علشان يمنع التسقيف ممكن السبب من بنزين سىء جرب منظف دورة البنزين ليكوى مولى

انا فكرت اني بدل ما احط المنظفات دي وخصوصا انها بتكون حاميه قوي علي الماكينه احط تفويله 95 اهي تنظف احسن وخصوصا ان 95 حامي برده ولا مش هتكفي تفويله واحده؟؟؟

المشاركة الأصلية كتبت بواسطة mecha

how is your service and tuning ??
How many k 's???

انا متابع علي طول مع مركز الصيانة وعامل دلوقتي 13000

المشاركة الأصلية كتبت بواسطة mohammedaladel

أكشف عليها فى مركز متخصص
وسيبك من حكاية المنظفات اللى بتتحط على البنزين دى كله كلام فاشل ولا ليه أى تلاتين لازمة طالما بتعمل صياناتك أول بأول

هقول لهم واشوف في صيانة 15000 بس ليه بتقول ان المنظفات دي فاشله ده الكتالوج الانجليزي نفسه بينصح بيها كل 5000 كم

المشاركة الأصلية كتبت بواسطة toty_305

-أنسى عملت كل حاجه التسقيف بيقف بال 95 فقط

بس الموضع ده حراق قوي في الفلوس وبعدين مكنتش كده الاول

المشاركة الأصلية كتبت بواسطة toty_305

-
-الصوت اللي من التكييف ده شكله العادي بتاعه لأن عندي نفس الصوت و ده تحس الصوت من بلية ال compressor

لو كانت كده مكنتش سمعتها وانا فصله ...ولا البليه دي وصله علي السير علي طول؟؟؟؟ بمعني ان سواء التكييف شغال او فاصل البليه بتلف وتعمل صوت؟؟؟

مفيش حاجة اسمها بنزين 95 حامى ويعمل كأنه منظف الكلام دا مش صح ...نظافة البنزين ملهاش علاقة برقم الأوكتان

وأنا شايف ان العربية مش محتاجة لا منظفات ولا غيره بس كل فترة ممكن تفك مسطرة الرشاشات وتجيب منظف خاص بيها وتنظفها

لكن حكاية المنظفات اللى بتتحط فى التانك دى فاشلة وعن تجربة

كل اللى انت محتاجه الصيانات الدورية وبس

فلتر البنزين الأصلى بيمنع كل الشوائب انها تعدى مع البنزين غير ان فيه فلتر تانى فى التانك نفسه

بل بالعكس فك الفلتر كدا هيبقى جواه شوية بنزين وحط شوية منظف من ناحية الدخول من فوق بسرنجة حقنة

هتلاقيه مدوب الترسبات اللى فى الفلتر ومطلعها على الموتور

يبقى أحنا نغير الفلاتر والزيوت أول بأول ولا حوجة للحاجات اللى بيضحكوا بيها على الناس دى