تيريوس 2007 glx

**callsdiab** · 13-08-2013 01:35 PM

السلام عليكم
الحمد لله ربنا رزقنى واشتريت العربيه من اسبوعين كده، يا ريت الخبراء يقولولى بقى ايه اللى المفروض يتعمل من صيانات لضمان الاداء الجيد 95000كم حاليا
الفانوس الخلفى واحد بنص نقل رجع عليه وانا واقف وكسرهولى الحمد لله على كل شىء عاوز اعرف اجيبو منيين وبكام تقريبا.
ياريت كمان معلومات عن قطع الغيار الجديد والاستيراد واخبار التوكيل فين، عاوز كمان عنوان واحد كويس ميكانيكى وعفشجى اتعامل معاهم
انا من سكان الجيزه وشغلى فى اكتوبر
شكرا مقدما

**Imhotep** · 14-08-2013 09:45 PM

اولا مبروك على العربية و ربنا يديك خيرها و يكفيك شرها

التوكيل كويس و انت هيبقى فرع ابو رواش بالنسبة لك كويس

قطع الغيار مش هقدر افيدك قوى بس هتلاقى كل حاجة يا اما فى الحرفيين يا اما فى شارع دمشق و فى موضوع متثبت فى القسم هنا عن الموضوع ده

اعتقد لو صاحبها السابق كان بيعمل الصيانات و مداوم عليها يبقى ممكن انت تمشى حالك ال 5000 كيلو الباقيين على صيانة ال 100000 و تعملها فى التوكيل بالمرة و تكلفة بنكلفة بدل ما تعمل شغل دلوقتى و بعد كده صيانة ال 100 الف ده لو هتمشى مع التوكيل. . . بالنسبة للصنايعية برضه مش هقدر افيدك اوى لانى بتعامل مع التوكيل

معلش معلوماتى اللى هفيدك بيها مش كتيرة بس ربنا يسهل حد تانى من الاخوة فى القسم هنا يفيدك اكتر فى باقى الجوانب اللى انت عاوزها

**callsdiab** · 20-08-2013 09:52 AM

شكرا على الرد
ممكن لو تعرف ايه اللى بيتعمل ويتغير فى صيانة 100000 وتقريبا بتتكلف كام
شكرا

**Imhotep** · 21-08-2013 01:08 AM

واحد صاحبى عملها من فترة مش كبيرة و اتكلفت حوالى 1000 جنيه

ايه اللى بيتعمل فأعتقد زيها زى اى صيانة رئيسية...... تدوير عجل و تشييك على كل سوائل العربية و رجلشة للفرامل و ممكن تغيير فلتر هواء تمنه لوحده 180 جنيه و غيره...... و زمان كان حد قال انهم بيغيروا فيها فلتر البنزين و تمنه لوحده كان 1600 جنيه (يا للهول :)..... لكن صديقى ده قالى انهم دلوقتى بيغيروه على 150 الف