قله ادب الناس فى الشارع دلوقتى ...!

**Secret-Man** · 13-08-2013 02:50 PM

امبارح كنت ماشى فى الميرغنى راجع من مدينه نصر وواحد راكب عربيه بيجو كوبيه وبيلعب فى الموبايل والعربيه رمت منه عليا وانا ماشى بصلتى عمل عبيط رميت عليه بصراحه علشان يلم نفسه ويسيب الموبايل طلع يجرى ورايا وحضن بالعربيه عليا ويشاورلى انزل علشان يتخانق

كل ده وانا هادى جدا نزلتله طبعا لانه فاكر نفسه بنى ادم فيقولى انا حر وانت مالك العب فى الموبايل ولا اعمل الى انا عاوزه وبعدين هى فين عربيتك الى هخبطها ديه وطبعا بيعلى صوته وبيمثل

المهم وقفت ادامه هادى جدا ورديت عليه بكل هدوء وسبته رغم انه انسان مينفعش معاه غير الضرب وقمه قله الادب وبيبجح فى الغلط

فعايز اعرف انا موقفى صح ولا كنت ضربته وروقته ؟ ولا كده موقفى صح لانى متغاظ منه جدا وكنت عايز اضغضغ العربيه بصراحه بسماجه امه ديه

للاسف ده حال الناس دلوقتى فى الشارع يعمل الغلط وقمه قله الادب خلاص الواحد قرف من البلد ديه والى عايشين فيها

**احمد المصرى** · 13-08-2013 02:58 PM

موقفك صح دا سؤال يا راجل برضوا دا موقفك دا منتهى منتهى منتهى الاخلاق والرقى اتمنى ان الواحد يعرف يعمل ذيك كدا ومش ينزل لمستوى الناس الواطيه دى

انت راجل محترم

**aliabdo** · 13-08-2013 04:13 PM

الشعب كله بقى بلطجيه للاسف كله ماشى بالدرع و مفيش شرطه و لا حاكم الطرق مكسره و كل واحد عارف انك لو اتصلت بالشرطه محدش حيرد فبيلعمل الى انت عايزه

**S O P H O S** · 13-08-2013 04:42 PM

يا باشا حاليا متهتمش بالتفاصيل
يعني موقف زي ده سيبه وامشي
لانك مش هتنزل لاسلوبه ابدا

**micromoud** · 13-08-2013 04:48 PM

انت صح ...طب انتو بيجو وسيراتو والمرغنى واحنا نعمل ايه فى التكاتك والموتسيكلات اللى محوطانا فى كل حته

**Ahmed_selmy** · 13-08-2013 05:34 PM

لو ممكن يتضرب كنت اضربه علشان ميقلش ادبه تانى وميعملش فيها صايع......

**Dr.M_baz** · 13-08-2013 05:54 PM

طبعا موقفك صح ... حسن معاملتك معاه هتخليه يعرف الفرق بينك وبينه .

**Imhotep** · 13-08-2013 08:30 PM

انت راجل محترم و اتصرفت بأدب و ده مش معناه ضعف. . . و اللى يغلط و يفتكره ضعف يتوقف عند حده عشان يفوق و برضه بالادب. . . القوة الحقيقية هى انك تجبر اللى قدامك حتى لو كان زبالة على انه يحترم نفسه قدامك و يتلم و كله بالادب لان الصوت العالى و الخناق و الشتيمة بتدل على الزبالة اللى جوا البنى ادم كما ان الاخلاق و الاحترام عنوان لاصحابهم