عرض للطباعة
السلام عليكم
انا ان شاء الله مسافر مطروح الجمعه الجايه وكنت عاوز اعرف كام حاجه كده
1- اخبار الامان على الطريق ايه ؟؟ علما بان طريقى هيكون كالاتى دائرى - محور - طريق اسكندريه الصحراوى - طريق العلميين -طريق مطروح ان شاء الله
2- اخبار البنزين ايه ع الطرق وفى مطروح نفسها ؟؟؟
3- اخبار الرادرات ايه ؟؟
وشكرا جدا ليكو
توصل بالسلامه انا سافرت فى العيد ولسه راجع من ساعتين ماظهرش رادارات وانا رايح وكذلك وانا جاى مفيش غير لجنه أمنيه ( بتاعه جيش) فى نصف طريق العلمين وانا راجع . فى لجنه مرور وانا راجع بعد ما تخلص طريق العلمين وتخش مصر أسكندريه دى الرادار بتاعها فين الله أعلم . الأمن الطريق كله ناس والحال تمام . محطات البزين على الطرق ما فيهاش بنزين انا فولت فى القاهره وزودت فى العلمين بعد ما تخلص مارينا وزودت داخل مطروح وأنا راجع وفولت حنب البيت فى 6 أكتوبر المسافه حوالى 425 كم أخزت 24 لتر وانا رايح أخزت اكتر من كده علشان كنت قارص حاله الطريق الأنشائيه ( الأسفلت ) مصر أسكندريه 10/10 السرعه كانت 100-110طريق العلمين 8/10 ( فى تشققات فى الأسفلت غير موثره ) السرعه كانت 100-140طريق الساحل 8/10 السرعه كانت 100-120 في جته قبل مطروح ب 75 كم بيعملو عندها كوبرى عند مزلقان ( فوكه ) الحته دى مكسره وطريق ترابى دخل فى الكاوتش مسمار 12 سم متنى كذا تانيه على بعضه ركبت الأستبن فى الظلام الدامس ناقص ايه تانى اه المياه زى ماهى طبعا الفاكهه غاليه بجنون السمك البلطى من15 الى 20 من غير الشوى 3-4 ج البورى رفيع وصغير ب 25 ج ويتعمل صينيه ب 15ج اه نسيت الشمسيه و 3 كرسى ب20ج فى شاطئ الأبيض لو عاوز تسأل على حاجه تانيه تحت أمرك . اه فى مسيره يوميه لمؤيدى مرسى بتمشى فى ش الأسكندريه بمطروح من حوالى الساعه 10 الى الساعه 11 مساء ما بتقفلش غير شارع او شارعين وكل الأمور تمام
تسلم بجد ع التقرير الهايل ده . انت حسستنى انى روحت مطروح ورجعت
بس سؤال تفتكر الدنيا دلوقتى اختلفت بعد فض اعتصام رابعه والنهضه ؟؟؟؟؟؟
انا خلاص المفروض السفر يبقى الجمعه الصبح . مش عارف اسافر ولا لا ؟؟؟
ولو سافرت اسافر بالعربيه ولا لا ؟؟ مع العلم انى مسافر انا والعائله مش لوحدى يعنى شنط كتير وشيل وحط وكده ؟؟؟؟
النهارده الناس معظهم نزلو القاهره فالبلد شبه فاضيه و البنزمات كان عليها زحمه عشان الناس اللى كانت مسافره النهاردهاقتباس:
المشاركة الأصلية كتبت بواسطة fo1fo
انا سبت نسايبى ورجعت الثلاثاء هما مفروض يرجعو الجمعه ولكنهم رجعو اليوم الخميس بعد الأحداث اللى حصلت بيقولو ان جميع المحلات قفلت حاليا وهم حاليا فى الطريق لما يوصلو اجيب لك باقى الأخبار ـــــ لو انت مش حاجز حاول تأجل السفر لو حاجز والفلوس ممكن تروح عليك أجل السفر يوم او أتنين عى ما تتضح الأموراقتباس:
المشاركة الأصلية كتبت بواسطة ahmedfathi