استفسار سريع وعاجل من خبراء واساتذة دايو ﻻنوس اوتو
لو سمحتم ياجماعه محتاج حد يفيدني بسرعه ضروري ﻻني عند الميكانيكي وخايف يعك
امبارح غطاء او الكرتيره بتاعة الفتيس اﻻوتوماتيك عندي اتخبطت في مطب والحمد لله فبقى يجيب في زيت بسيط استنيت للنهارده ورحت للميكانيكي المهم الحمد لله طلع الشفه بس كانت متنيه والجوان اتقطع فكها واستعدلها وعمل جوان جديد وظبطت والحمد لله وطبعا حطيت زيت جديد خدت 7 كيلو زيت شل وطلع اجرب العربيه وهنا بقى المشكله لقيتها بتنتش مع كل غيار لوحدها كده كإن العربيه بتتخبط من ورا وسوري يعني ف التعبير كإنها بتاخد شلوط ف كل غيار ورجعتله دلوقت قلتله اللي حصل وشكله مش عارف فيها ايه وﻻ انا بصراحه وخايف يعك .
ياريت لو حد يفيدني يبقى جازاه الله كل خير انا قلقان وربنا يستر.
انا عند الميكانيكي ومستني اي رد افادكم الله.