استشارة عاجلة من سكان مدينة الشروق

**ashraf122** · 13-08-2013 08:23 PM

السلام عليكم انا قررت ان شاء اللة انى اشترى شقة فى المدن الجديدة خاصة ان فية تقسيط كويس المهم قرأت كتير على المنتدى هنا الناس بتقول ان مستوى الشروق اعلى من العبور

عرفت ان احسن احياء هى حى النادى المنطقة الرابعة فلل و الخامسة و السابعة و رحت لفيت هناك حسيت ان المدينة مهجورة والشوارع مكسرة و لسة فلل كتير ماخلصتش و حاولت ادخل الحى الرابع من الرابط الاوسط لاقيت نفس الحكاية يمكن الحى السابع بس اللى فية حياة شوية

كنت عايز اعرف من التاس اللى ساكنة هناك لية الدنيا لسة فاضية و شكل المدينة قدامها كتير على ما تعمر

و رحت كمان العبور الحى السابع لقيتة عمران و ناس كتير ساكنة و الحى التاسع جميل بس لسة مهجور

انا عارف انى طولت عليكم بس هايز اعرف رأيكم الشروق ولا العبور الحى السابع

**ashraf122** · 14-08-2013 09:42 PM

لية يا شباب محدش عبرنى

**icehearted girl** · 14-08-2013 09:53 PM

مين قالك ان قدامها كتير علي ماتعمر؟؟

انا شايفاها عمرها مهتعمر اساسا

كله شاري شقق وقافلها ومستنيها تعمر..ومفيهاش اي خدمات نهائي الا ف اماكن قليلة جدا حوالين الجامعة

هي مناسبة جدا ل حد شغله هناك او بالكتير ف العاشر

غير كدا بصراحة مدينة اشباح..الميزة بس ف اسعارها

ومهياش ارقي من العبور ولا حاجة فيها كل المستويات زي العبور بظبط..بالعكس العبور عمرانة اكتر

**WalidAdel** · 15-08-2013 01:41 AM

بص الشروق كويسه من نواحي كتيره
و حتة انها هاتعمر ولا لأ او مش هااعمرتش اساس ... الشروق فيها حتة كتير عمرانه و مستواها احسن من العبور بكتييييييييير ده غير حضرتك ممكن تكون روحت في حتة فاضيه
انا واخد في الحي الرابع غرب (حي النادي) من ارقي منطقه في الشروق كله فيلل بس تبع اهالي ( ناس شاريه و هاتسقع الارض او مستنيه تبني و بنت و مستنيه تسكن ... كده يعني ) و في ناس قرايبي واخدين في الحي تالت شرق و في كذا منطقه فيها ناس ساكنه و في حته اسمها ال100 متر قريبه من الجهاز عمرانه اخر حاجه و زحمه جدا
حضرتك بس شوف امكانياتك ايه و هاتدفع مقدم قد ايه و القسط بتاعك و دور علي المنطقه اللي تريحك في الشروق دور في الفيس بوك علي جروب تابع للشروق هتلاقي ناس ساكنه هناك و عارفه الدنيا كويس و الاسعار ايه و تاخد فين و كده ... هما هايظبطوووك