هو انا كده هكون بعصى ابويا

السلام عليكم ورحمه الله وبركاته
انا كنت عامل الموضوع دا من اسبوع تقريبا
http://www.nilemotors.net/Nile/371550-a.html
انا خلاص استقريت انى امشى من الشغل واروح للشركه التانيه
والدى واقفلى فى الموضوع بطريقه غريبه لدرجه انه قالى لو روحت تسيب البيت وتمشى
طبعا دا غير باقى الكلام اللى سمعته منه
دلوقتى دى فرصه كويسه مش هعرف اعوضها بعدين وكمان جايه فى وقتها انا لسه شاب وعايز اكون نفسى واتجوز واعيش حياتى والكلام دا كله
انا لسه باردوا بحاول معاه بس اللى متوقعه انه مش هيوافق على فكره انا والدى عندى جداااااااااااااا
ياعنى ممكن يبقى مقتنع انه غلط بس لازم يثبت على كلامه بمطلق العند علشان ماينفعش يبان انه قال حاجه غلط
هل لو انا نقلت شغلى من غير موافقته هكون بعصيه ولا ايه
باردوا مش عايز اعمل حاجه هو مش راضى عنها
وشكرا

في رأيي الشخصي لأ مش بتعصيه..
أعتقد أنك مش صغير في السن فهو خلاص مبقاش واصي عليك عشان يجبرك على فعل حاجة معينة..
حاول تتناقش معاه بهدوء و تركز معاه في نقطة أنك مش صغير و أنك لازم تاخذ قراراتك الشخصية بنفسك و حاول برضه تفهمه مزايا الشغل الجديد و أنه بيتناسب أكتر مع طموحاتك الشخصية عن العمل في القطاع الحكومي..
فكر أنت برضه مع نفسك تاني و قارن كويس بين الشغلين و لو وصلت في الأخر أن المكان الجديد ده أفضلك توكل على الله و ربنا هيسهلك الموضوع لو فيه ليك خير..

خلاص قول لوالدك انا هفضل فى الشغل الى انت عاوزه و هاتلى الشقة و مصاريف الجواز و جوزنى و ساعدنى فى المصاريف لان شغل الحكومة مش هيعمل اى حاجة

اقتباس:

---

المشاركة الأصلية كتبت بواسطة dede_dodo88

في رأيي الشخصي لأ مش بتعصيه..
أعتقد أنك مش صغير في السن فهو خلاص مبقاش واصي عليك عشان يجبرك على فعل حاجة معينة..
حاول تتناقش معاه بهدوء و تركز معاه في نقطة أنك مش صغير و أنك لازم تاخذ قراراتك الشخصية بنفسك و حاول برضه تفهمه مزايا الشغل الجديد و أنه بيتناسب أكتر مع طموحاتك الشخصية عن العمل في القطاع الحكومي..
فكر أنت برضه مع نفسك تاني و قارن كويس بين الشغلين و لو وصلت في الأخر أن المكان الجديد ده أفضلك توكل على الله و ربنا هيسهلك الموضوع لو فيه ليك خير..

---

والله الشغل الجديد مافيش حد يعرف بيه الا لما لازم يقولى انه فرصه مش هتتعوض
بس الواحد مش هيعرف يعيش و اهله مش راضين عليه بس

اقتباس:

---

المشاركة الأصلية كتبت بواسطة mostafa.mahran

خلاص قول لوالدك انا هفضل فى الشغل الى انت عاوزه و هاتلى الشقة و مصاريف الجواز و جوزنى و ساعدنى فى المصاريف لان شغل الحكومة مش هيعمل اى حاجة

---

والله قولتله كده زهق معايا وانت بتمسكنى من ايدي اللى بتوجعنى وطبعا ماردتش اكمل علشان مايفهمش انى طماع
وكمان انا اصلا طول عمرى معتمد على نفسى فى كل حاجه حتى مصاريف الجامعه انا اللى كنت بدفعها من شغلى فموضوع انه يبقى بيصرف عليا دا اصلا انا ماقبلوش لانى مش متعود عليه

حصلي نفس الموقف في سنة 2004

كنت باشتغل في مكتب وكنت باخد مرتب كويس يالنسبه للي في سني وخبرتي. كنت عاوز أسيب الشغل ده وأرجع أدرس تاني منحة كومبيوتر عشان كنت عاوز أشتغل قي مجال الكومبيوتر

طبعاً والدي ثار وقال لي هو حد لاقي شغل؟ قلت له إن شاء الله بعد أما أخلص المنحه دية هالاقي شغل كويس جداً. قال لي تتوقع تاخد كام مثلاً؟ قلت له مش أقل من 1500

ساعتها قام وساب الأكل وقعد يزعق لحد ما الجيران سمعت وقعد يقول لي ده الناس بتدفع رشوه ألافات عشان يشغلوا ولادهم في الكهرباء بمرتب 600 جنيه, إنت بتحلم إنك تشتغل بـ 1500؟

قلت له دي حاجه أنا فاهم فيها كويس جداً وعارف طبيعة السوق وكمان ده مستقبلي. وطبعاً خدت تريقه وكلام من نوعية تعالى قابلني لو فلحت.

الحمد لله دخلت المنحه وإجتهدت في كل حاجه وإشتغلت شغلانه كويسه لما إتخرجت

المشكله إن هنا الأهالي بيكونوا شايفين إنهم من حقهم يتحكموا في حياة ولادهم حتى بعد أما يتجوزوا

بص يا باشا والدك مش من الوصف في الموضوع مينفعش يجي لا بعند ولا بأمر واقع لو مش عاوز مشاكل

من الاخر لازم تقنعه و الحل اللي في دماغي انك تتكلم مثلا مع جدك او جدتك او كبير العيلة و تقنعه بوجهة نظرك و تخليه يتكلم معاه

والدك زي ابهاتنا كلنا بيشوف ان الحكومي امان واستقرار. في حين انك هتتحول لصورة الموظف الحكومي الروتيني اللي بيرجع من شغله السخيف ببطيخة كل يوم.

نصيحة مجرب ::: جرب معاه للاخر بكل الطرق الممكنة. ولو مقتنعش شوف مصلحتك فين واعملها وقوله سيبيني اختار واتحمل نتيجة اختياري عشان اتعلم.

بس كدة.

على فكره اللى بيعملوا والدك معاك كل الأباء بيعملوه مع ولادهم فى سنة 2004 قررت اسيب شغلى لانى كنت زهقت و طهقت منه لدرجة انى كنت باحس انى هاموت لو كملت فيه. ساعتها والدى بردو قعد يقوللى واوعى تسيبه و هتندم طول عمرك و عملى قصه كبيرة و حكى لكل اخواتى بس بصراحه ما هددنيش انى اسيب البيت او الكلام ده لكن ما كانش بيبطل كلام عن الموضوع ده ابدا" ابدا" لدرجة انى كنت باسيب البيت و انزل امشى فى الشارع من غير اى هدف.
بعدها بشهرين ربنا كرمنى ب 3 شغلانات احسن من بعض و الحمد لله كملت فى واحده فيهم.

استاذ ميدو

تركك لعملك الحالي ليس معصيه لابيك نظرا انك لا تفعل شئ حرام مثلا كما انك لست صغيرا في السن

تحياتي

اقتباس:

---

المشاركة الأصلية كتبت بواسطة mostafa.mahran

خلاص قول لوالدك انا هفضل فى الشغل الى انت عاوزه و هاتلى الشقة و مصاريف الجواز و جوزنى و ساعدنى فى المصاريف لان شغل الحكومة مش هيعمل اى حاجة

---

اتفق