الموضوع: عاوز اجيب تكييف بالتقسيط ياريت لو حد يعرف حد

اشرف باشا ... كلم 140 الدليل وخد منهم رقم شركة شارب و يونيون اير و كارير وكلمهم وشوف نظامهم ايه !!! انا بصراحة عملت كدة وجبت تكييف شارب بس كنت جايبه كاش كان عامل 4400 هوا انظف حاجة بصراحة وتسقيعه ثلاجة ماشاء الله بس 2 وربع عشان الاوضة عندى كبيرة شوية لان ال 1.5 بياخد مساحة من 12 : 15 متر وال 2 وربع بياخد من 16 : 22 متر فا خد مقاسات الاوضة الاول عشان لو كبيرة متجبش تكييف صغير عليها ... عشان الكومبريسور بتاعه ميبوظش منك بسرعة متعملش زى ناس مسمعتش كلامى وجابت 1.5 حصان فى اوضة20 متر مكملش سنتين وبدأ يضعف دلوقتى ومبقاش يسقع زى الأول ، وخلى بالك قبل ما تتصل حدد انت عاوز نوع ايه وخلى جنبك ورقة وقلم واعمل جدول اكتب فيه الانواع وتحت كل نوع اكتب بارد / بارد وساخن لأن ده سعر وده سعر وتحت كل واحدة اكتب الاسعار وبعد ما تقفل قارن وشوف الاريحلك وربنا يكرمك

الف شكر يارجالة والله ربنا يكرمكوا
انا قررت اصبر شوية واجيبه كاش احسن والف شكر مرة تانية
انا فعلا ياسامح عايز اقيس الاوضة الاول لانها مش صغيرة اوي واشوف كدة وتسلم ايدك ياكبير

المشاركة الأصلية كتبت بواسطة ashraf_sms

الف شكر يارجالة والله ربنا يكرمكوا
انا قررت اصبر شوية واجيبه كاش احسن والف شكر مرة تانية
انا فعلا ياسامح عايز اقيس الاوضة الاول لانها مش صغيرة اوي واشوف كدة وتسلم ايدك ياكبير

انا بصراحة حسبتها لقيت القسط هياخدو فلوس زيادة كتيير عشان القسط طبعاً فا قولت بدل كده دخلت جمعية وجبت بيها التكييف كاش وريحت دماغى ... اتصلت بكل شركات التكييف وخدت من كل شركة اسعارها ومميزاتها ولقيت بصراحة شارب ارخص واحد بالنسبة للسعر وغير كدة قبل ما اجيبه ناس كتير كانت بتشكر فيه وهوا بصراحة كفأة عن كارير ويونيون اير وميراكو وكل الكلام ده والناس جابوهولى لحد البيت وركبتهولى كمان وادتلهم 30 جنيه كدة جدعنة هما اصلاً مطلبوش فلوس وساعتها كان رمضان اللى قبل اللى فات ده فا قولت حرام الدنيا صيام والناس تعبت وشالت وحطت ... اهم حاجة زى ما قولتلك خد مقاسات الاوضة كام متر × كام متر وجهز الورقة والقلم قبل ما تتصل عشان تكتب الاسعار وتقارن وشوف اقل سعر وغالباً ممكن تلاقي شارب هوا ارخص حاجة هيفرق 200 او 300 جنيه او اكتر او ممكن تسأل عند اقرب موزع معتمد منك بس بلاااااااااااش بلااااااااااااش شارع عبد العزيز ايااااااااك تفكر تجيب منه . ولو محتاج اى خدمة يا صاحبى انا تحت امرك يا معلم

المشاركة الأصلية كتبت بواسطة sam4ever2010

انا بصراحة حسبتها لقيت القسط هياخدو فلوس زيادة كتيير عشان القسط طبعاً فا قولت بدل كده دخلت جمعية وجبت بيها التكييف كاش وريحت دماغى ... اتصلت بكل شركات التكييف وخدت من كل شركة اسعارها ومميزاتها ولقيت بصراحة شارب ارخص واحد بالنسبة للسعر وغير كدة قبل ما اجيبه ناس كتير كانت بتشكر فيه وهوا بصراحة كفأة عن كارير ويونيون اير وميراكو وكل الكلام ده والناس جابوهولى لحد البيت وركبتهولى كمان وادتلهم 30 جنيه كدة جدعنة هما اصلاً مطلبوش فلوس وساعتها كان رمضان اللى قبل اللى فات ده فا قولت حرام الدنيا صيام والناس تعبت وشالت وحطت ... اهم حاجة زى ما قولتلك خد مقاسات الاوضة كام متر × كام متر وجهز الورقة والقلم قبل ما تتصل عشان تكتب الاسعار وتقارن وشوف اقل سعر وغالباً ممكن تلاقي شارب هوا ارخص حاجة هيفرق 200 او 300 جنيه او اكتر او ممكن تسأل عند اقرب موزع معتمد منك بس بلاااااااااااش بلااااااااااااش شارع عبد العزيز ايااااااااك تفكر تجيب منه . ولو محتاج اى خدمة يا صاحبى انا تحت امرك يا معلم

تسلملي ياحبي بس اشمعني شارع عبد العزيز بلاش نصابين يعني ولا وحشين ف الخدمة بس انا لو جبت هجيب من الشركة نفسها احسن

المشاركة الأصلية كتبت بواسطة ashraf_sms

تسلملي ياحبي بس اشمعني شارع عبد العزيز بلاش نصابين يعني ولا وحشين ف الخدمة بس انا لو جبت هجيب من الشركة نفسها احسن

من ناحية نصابين فا هم نصابين وكمان الاجهزة بتبقى مضروبة وسكة وملهاش ضمان كمان ... اشترى من الشركة احسن طبعاً وافضل وأأمن ... والف مبرووك مقدماً وربنا يقدملك الخير يا صاحبى