استفسار ,, هل ابيع النوبيرا و اشترى ابترا

السلام عليكم ورحمة الله وبركاتة


انا معايا نوبيرا اوتوماتيك 2005

بفكر إن شاء الله آخر السنه دى اغيرها
فهل الاوبترا لو جبتها هحس انى غيرت للفضل؟ ولا لا لانى عارف ان الاوبترا هى الموديل الاحدث من النوبيرا فخايف احسن انى معملتش حاجه واشتريت نفس العربيه تانى بس بشكل مختلف

اكتر الحجات الى مديقانى فى النوبيرا ان كتير من قطع الغيار فيها مشاكل وصعب تلاقى بعض القطع أصليه
فإيه اخبار قطع الغيار من ناحية التوافر و السعر وانها تكون اصليه

هل العربيه واسعه ومريحة و شنطتها كبيره زى النوبيرا؟
هل الزجاج الكهربائى ضعيف زى النوبيرا
هل العفشه وخصوصا المقصات ضعيفه؟
الماتور هل فيه مشاكل ؟

واخيرا ايه سعر العربيه تكون موديل 2009 مانيوال ومش مهم عندى تكون فبريكه من الخارج اوى المهم حالتها وتكون مش عامله اكتر من 60 الف كيلو

اوﻻ قطع غيار النوبيرا اﻻصلية موجودة وارخص من اﻻوبترا ثانيا كل مشاكل النوبيرا مش موجودة فى اﻻوبترا وثبات اﻻوبترا اعلى وفتيسها اﻻوتوماتيك اقوى وكل حاجة فيها ىحسن من النوبيرا

انا لسه شارى الاوبترا من 3 شهور

سألت على قطع الغيار بتاعتها فى اماكن كتيرة و الاصلى موجود و التقليد موجود و طبعا ده علشان العربية لسه بتنزل موديل السنة


موديل 2009 مانيوال تقريبا والله اعلم هتكون فى حدود 73

العربية واسعة و مريحة جدا و انا جربت القعدة فى الكنبة ورا و كويسة و الشنطة مساحتها كويسة

الازاز الكهرباء بتاع النوبيرا انا مش عارف ضعيف يعنى ايه


الموتور و الفتيس استجابتهم كويسة و مفيش احساس بالنقلات و التجميع كويس و العفشة مش ناعمة بس تحس انها ماسكة نفسها و مخلية العربية ثابته

شكرا لكل الردودو و الاستجابة السريعه :)
انا فعلا عاوز ادفع 70 الف صعب انى ازود عن كدا بس يمك ربنا يكرم لانى ناوى اغيرالعربيه بعد شويه مش دلوقتى
فلو ال 73 الف تجيب لى عربيه عامله 60 الف كيلو موديل 2009 يبقى كويس

و ايه اسعار قطع الغيار زى الطنابير والتيل و السيور بتاعة المجموعه والكاتينة و البلى بتاعهم و الفلاتر

و اخبار استهلاك البنزين
عندى النوبيرا بتعمل 200 كيلو فى الصفيحه و مش بيزيد لما بشغل التكيف غير 3 ولا 4 لتر فى التفويله " غلبا طرقى مفتوحه وسفر "

نصيحة منى ماتبعش عربيتك غير لو اشتريت فعلا العربية اللى انت عاوزها وماتشتريش عربية من السوق او النت العربيات فيها غش اليومين دول وممكن تكون مسروقة او متوششه وانت عارف التجار اصبر لغاية ماتلاقى عربية حد من جيرانك او معارفك عربية تكون عارفها وتشتريها الأول وبعدين تبيع عربيتك واللى تعرفه احسن من اللى ماتعرفوش وبراحتك !

انا جايب اوبترا من شهر
موتور متوحش وفتيس ممتاز و ثبات هائل صالون واسع
بس بلاش تجيب 2006 عشان كان فيها مشاكل في علبه الدركسيون
و تقدر تدفع 77 الف هتجيب حاجه ممتازه

اقتباس:

---

المشاركة الأصلية كتبت بواسطة د.عماد صلاح

انا جايب اوبترا من شهر
موتور متوحش وفتيس ممتاز و ثبات هائل صالون واسع
بس بلاش تجيب 2006 عشان كان فيها مشاكل في علبه الدركسيون
و تقدر تدفع 77 الف هتجيب حاجه ممتازه

---

حلو جدا يضاف اليه ان قطع غيارالاوبترا بالرغم من توافرها الا انها اغلي من النوبيرا كل عيوب اللنوبيرا مش موجوده في الاوبترا خاصه العفشه و لكن عفشه الاوبترا نشفه شويه و الكل بيبرر ده لتوفير فدر اعلي من الثبات


الحقيقه يا دكتور عماد علبه الدركسيون من عيوب الاوبترا و الغير متقيده بموديل ليه واحد صحبي معاه وحده 2009 غير العلبه في التوكيل علي 40 الف بس ضمن الضمان بتاع الصيانه بس برده خلينا نكون منصفين نص الشعب المصري بيشتكي من علبه الدركسيو باختلاف طوائف العربيات هي دي شوارع يا دكتره النهارده عند الميكانيكي بتاعي قابلت زبون مغير الاسبوع اللي فات علبه الدركسيون في التوكيل علي 23 الف لعربيه نيسان صني

مفيش فرق غير فى الشكل

اقتباس:

---

المشاركة الأصلية كتبت بواسطة mido

مفيش فرق غير فى الشكل

---

:oh:

يا راجل حرام عليك

:welcome2:

اقتباس:

---

المشاركة الأصلية كتبت بواسطة abou-yahia

:oh:

يا راجل حرام عليك

:welcome2:

---

صدقنى يا باشا عن خبرة فى الاتنين مفيش فرق نفس الاحساس بالعفشة و نفس السحب و نفس الموتور
بس انا بقارن ب اوبترا جديدة و نوبيرا جديدة ( اتوماتيك ) فى النهاية المستعمل كل عربية حالة خاصة بذاتها

نفس مشكلة علبة الدركسيون و نفس مشكلة خراطيم الماية البلاستيك اللى بتضرب من الحرارة :)

[QUOTE=mido;3875132300]مفيش فرق غير فى الشكل[/QUO
معلش ياباشا انا مش معاك في النقطة دي اولا الاوبترا مافيش حد اشتكي من عفشتها زي النوبير ولا تغيير المقصات والجلب كل شوية زي ما بيحصل في النوبيرا ثانيا فتيس النوبيرا الاوتو كان فيه مشاكل كتير الكلام ده مش موجود في الاوبترا ثالثا سحب وتجميع وثبات الاوبترا علي الطريق افضل من النوبيرا الصالون الى حد ما متقارب رغم ان الاوبترا اشيك وانظف وممكن اوسع تكييف النوبيرا انا ماجربتهوش بس تكييف الاوبترا ممتاز

هو فعلا الاوبترا نسخه متطوره من النوبيرا
و اهم التعديلات مشكله الفتيس و العفشه
بس انا اكتر حاجه مقلقانى انى حاسس ان الماتور هو هو و انا بعانى من ماتور النوبيرا ان للاسف جواناته مش بتعمر !! يعنى دايما جوان غطا التاكيهات يضرب و كمان اولسيهات الكامه بتتغير علطول