باشا عليك وعلى العقيد خالد أو كريم منير الاثنين سمعتهم ممتازة
وانا عن نفسى كنت عملت حادثة وسمكرت عند العقيد خالد ورشيت عند كريم منيير ممتازين
عرض للطباعة
باشا عليك وعلى العقيد خالد أو كريم منير الاثنين سمعتهم ممتازة
وانا عن نفسى كنت عملت حادثة وسمكرت عند العقيد خالد ورشيت عند كريم منيير ممتازين
الصور موضحه ان الباب والرفرف بس هما اللى فيهم مشاكل ولو الشاسيه مفيهوش مشكله يبقى موضوع بسيط ان شاء الله
طبعا 20 الف غاليين جدا
انت انزل بنفسك هات باب ورفرف امامى والصور موضحه ان الكبوت سليم والاكصطدام الامامى كذلك
والمفروض السمكرى هيفك الباب والرفرف ويركب الجداد ويشد السمكره اللى فى العربيه كلها المفروض اخره فى الموضوع ده 1500 جنيه ويبقى كتير كمان بس للاسف الناس ( الا من رحم ربى ) بتطلب سعر مغالى فيه من الطمع
وبعدين هترش جنب العربيه الشمال بالبويه ويلمع العربيه كلها بحوالى 1000 جنيه كمان
يبقى كده 2500
والفانوس هتجيبه وتشوف كهربائى بركبهولك
اللى داخل الكبوت بقى مش عارف ايه اللى بايظ
ممكن تورينا المقايسه اللى التوكيل عملها مطلوب فيها ايه يتغير
ازيكم ياشباب.. انا بعد ما وديت العربيه التوكيل اكتشفت انى راكب عربيه بات مان اللي بيعمل بيها مغامرات وانا مش عارف :00020191:.. التوكيل عمل ليا تقرير بكل حاجه عايزه تتغير و قالي انه مش ممكن اجيب ليه قطع غيار بمعرفتي ولا ها يعرف يعمل شغل غير كله علي بعضه خصوصا العفشه و البابين و الأير باج و معاهم التابلوه وكله ها يتغير بجديد في جديد طبعا
لما شوفت المقايسه انبهرت الحقيقه.. وها اسيبكم مع المقايسه الخياليه عشان تعرفوا اسعار التوكيل في شويه قطع غيار
إكصدام امامى- فبر
895
مكملة كارتيره شمال
85
فانوس امامى شمال
665
رفرف امامى شمال
525
كرتيره فبر امامى شمال
450
سلاح كرتيره صاج امامى شمال
320
زجاج امامى
1150
جوان زجاج
400
سيليكون زجاج
132
باب امامى شمال
1495
استفة باب امامى شمال
130
باكتة باب امامى شمال
175
مرايه سخان كهرباء كامله
1045
ماكينة زجاج باب امامى شمال
2013
مفصلات باب امامى شمال
480
شداد باب امامى شمال
445
خاتم صاج امامى شمال
95
عتب شمال صاج
650
باب خلفى شمال
1350
باكتة باب خلفى شمال
175
جنط عجل
650
فارده كاوتش
1052
2 طاسه عجل
240
مساعد امامى شمال
495
شمعدان امامى شمال
1085
بلية شمعدان امامى شمال
450
بطاحة مساعد امامى شمال
210
مقص امامى شمال
715
قنطرة عفشة
1650
كوبلن امامى شمال
1850
علبة دريكسون
2995
كلبسات
270
قاعدة فتيس شمال
350
قاعدة بطارية
105
علبة فيوزات
330
واير كبود
490
فارغة تابلوه
3300
ايرباج تارة
1700
كمبيوتر اير باج
2335
كوبل ايرباج
995
فانوس شمال خلفى
270
مصنعيات شاملة إصلاح الحادث
7000
الإجمالي
41212
ضريبة مبيعات 10 %
4121.2
إجمالى كلى
45333.2
لما ربع العربيه يكلف 45 الف يبقي المفروض العربيه يكوون تمنها 300 الف علي الاقل .. انا جالي حالة ذهول
طبعا انا مش مأمن و مش عارف حدا اروحله امين عشان ما اتخمش في كل اللي بايظ دا ..
نزلت صقر قريش في الحى العاشر و لفيت و قابلت اكتر من واحد بصور العربيه و حسيت ان كله بيعمل عليا شغل بصراحه واحد بس ارتحتله بس لسه ها اطقس عليه ..
انا ناوى ازور ورشة العقيد خالد وكريم منير بس مش عارف اوصل لرقم ورشة كريم منير .. ممكن حد يساعدنى في الرقم دا
وعايز طبعا مساعدتكم في ايه اللي ها يقدر التصليح برا و فين اماكن الاستيراد و اشتري منين قطع الغيار ..
ربنا يبارك فيكم واسف علي الإطاله
ده جنان رسمى سيبك من التوكيل و روح الى التوفيقيه و اسأل على كل الحاجات دى و بلاها ايرباج
اولا حمد الله على سلامتك... ثانيا . الاسعار دي جنان رسمي... و الله العظيم الناس دي ناوية تخرب على العربية بعد انتشارها.. اسعار فظيعة غير الاسعار اللي كنا بنسمعها فى الاول قبل ما نشتري العربية... شوية الحا جات اللتتعمل فى العربية فى الربع الشمال الولاني اكبر من نص تمن العربية .. و ده اسمه استهبال... الله يعينك عليها... بس كدة التوكيل - فى رأيئ - حرامي بشدة.. كنا فاكرين ان حاجات اللوجان غالية شوية .. بس معمرة.. لكن دلوقتي بقت غالية ع الاخر و تعجزك...
كدة الحرفيين شاكلها هي اللي حتبقى مقصد اي حد غير التوكيل فى الاصلاحات و الحوادث..
بص يا باشا عن تجربة مع التوكيل في حاجات كثير من اللي انكتبت مش هتحتاج تتغير + انو مبالغ في حاجات كثير
رأيي تنزل على الحرفيين تشدها هناك لأن مفيهاش حاجة في الشاسيه الحمد لله و قبل ما تمشي من التوكيل تدخل لمدير الورشة لو في ابو رواش اللي هو المهندس ياسر و تتفق معاه ان الايرباج تيجي تعملها عندهم (8300 جنيه) و انا شايف انها مهمة و مفيش غنا عنها و ربنا ما يحوجنا ليها يا رب
بس اللي هيحصل العفشة هتطلع من الضمان
رقم كريم منير 01001263030 و صقر قريش الل كنا نقصده اللي في المعادي مش اللي في العاشر
ربنا يعوض عليك
واهم حاجه انك بخير
روح الحرفيين لكريم منير او العقيد خالد
وان شاء الله تتعمل بأقل من كده بكتير
انت هتشتري ليهم الحاجه وهما هيركبوا ويظبطوا الدنيا كلها
وترجع زيرو تاني ان شاء الله
في حاجات ممكن تجبها استيراد وحاجات ممكن تجيبها جديده
اسماء كل محلات قطع الغيار وتليفوناتهم هنا في اخر تعلقين
http://nileup.com/up/uploads/nilemotors_13772467691.jpg
http://nileup.com/up/uploads/nilemotors_13772473841.jpg
http://www.nilemotors.net/Nile/22695...2013-a-15.html
ملحوظه ع الهامش :- التأمين طلع مهم (وربنا يسترها ع الجميع)
هو في حاجة انا مش فاهمها
هما ليه عاوزين يغيروا فارغة التابلوه و الايرباج عندنا في الدريكسيون بس
و ليه عاوزين يغيروا كومبيوتر الايرباج في حين انو ممكن يتعمله reset ... يعني لو قلتلي تغير حساس اليرباج اقلك ماشي لكن كومبيوتر كامل!!!
الف سلامه على حضرتك.وان شاء الله ربنا يعوض عليك والحمد لله جات على كدا.وزى ماقال الزملاء فيه حاجات مطلوبة فى المقايسة ملهاش لازمة وفيه حاجات ممكن تجيبها استيراد بتكون رخصية والميكانيكى يركبهالك بتكون كويسة خالص وانا مركب مقص ومساعد وشمعدانة وكوبلن كله استيراد والحمدلله شغال زى الفل.وعندى الرفرف استعدلته عند سمكرى.
لا حول ولا قوة الا بالله ربنا يصبرك ويسهل الامور عليك , فعلا اسعار تعجيزية لو منك عمري ما اروح التوكيل جرب الاماكن اللى الشباب نصحوك بيها وربنا ان شاء الله يوفقك وعندي سؤال هو ينفع نلغي الاير باج اساسا ولة لازم يبقى موجود علشان العربية تدور ؟ لو ينفع تتلغى انا لو منك الغيها لحد ما اخلص المهم .