ممكن رقم تليفونه او العنوان بالضبط
عرض للطباعة
تفصد رقم.الثلاثي والله هو.عندي بس حتاخدلها بتاع ساعة وانا بدور عليه ومش حينفعك رقمه بحاجة وفي الحرفيين.فرعين للثلاثي اﻷول الستاندرد ده أول حاجة.في الحرفيين وإنت جي من الدائري تحت كوبري السلام تمشي 150 متر بعد عربيات السوبر جيت حتلاقيه على يمينك عنده كذا نوع وتنقي وجنبه كذا محل زجاج لزوم المنافسة والفرع الثاني فيه إضافة لتركيب الزجاج قسم للتفصيل وده بيكون تخلص شارع المرسيدس وتاخد شمال بتاع 10 متر يكون على يمينك وموضوعك بسيط لا تقلق ودمتم للنضال
باشا
طبعاً ربنا يعينك على الماساة اللي إنت عايشها دي
كان ليا سؤال صغير كدة - هو حضرتك عملت المقايسة بكام في التوكيل ؟
شكرا علي السؤال ..
العربيه خلصت سمكره فعلا امبارح .. اتفقت مع بتاع الدهان .. قالي 900 جنيه رفرف شمال و باببين امامي و خلفي و حادثه في الخلفى قديمه و رش داخلي بدهانات سكينز و معجون سكيب
و العربيه لسه محتاجه قنطره عفشه و كارتيره فبر و مرايه شمال
الإكصدام وديته لبتاع الفيبر عشان يصلح شرخ فيه و يعمل الودام المكسوره اللي بيركب فيها الصاج
علبة الفيوزات طلعت مكسوره و مش عارف ها تلحمها و نصلخ فيها ولا ها اضطر اغيرها.. كانت معجونه من الحادث
انا كنت اشتريت كوبلن استيراد ب 800 جنيه و مقبض و كالون
فاضل زجاج امامي و كشف ميكانيكا و ربنا يستر
الله يكون فى عونك بجد
ربنا يصبرك على مشاوير الصناعية بس والسؤال على اللى بيطلبوه منك
يبقى طمنا اول باول
ما تنساش تكتب تفاصيل تكلفة الاصلاح بعد ما تخلص واسماء السمكرى وبتاع الدهان وقطع الغيار
عشان ممكن اى واحد فينا بعد الشر عننا كلنا يحتاج اى واحد
وربنا يحفظنا كلنا من شر الطريق واللى فى الطرق
أولا ألف من حد لبكره حمد الله على سلامتك و الحمد لله أنها جت على قد كده بس تصدق بأيه الناس اللى فى التوكيل زى العسل تبقى شارى عربية ب 70 ألف جنيه و تصلحها ب 60 % من تمنها علشان خبطة ما سمعتش فى الشاسيه
أما ل لو كانت فلوانس كانوا طلبوا كام و ما علش صدقنى أستعوض ربنا يمكن ربنا رايد لك خير لو علمتم الغيب لأخترتم الواقع و ربنا يعوض عليكب الأحسن أن شاء الله و أنا عندى مشكلة أن التأمين حيخلص كمان شهر و القسط أنا عايز أخلص من موضوع القسط أنا قرت بفضل اللهو توفيقه أنى أجمع مبلغ الأقساط الباقية و هو مبلغ 12 ألف جنيه لأن العربية عليها أقساط لمدة سنة واحدة و بعد كده الأقساط تنتهى و مش عارف أعمل أيه أسدد تمن القرض و أخلص و بالتالى مش حيبقى فيه أجبار من البنك على التأمين و ألا ربنا هو اللى حامى و أخلص من القسط و كفاية ألفين جنيه بيدفعوا كل سنة مالهومش لازمة أعمل أيه أفيدونى أفادكم الله
شكرا لأهتمامكم جميعا.. الحمد لله استلمت العربيه من السمكره والدهان و العربيه دارت بسهوله ما فيش حاجه حصلت للماكينه..
انا استلمت العربيه و مكلفاني لحد الان 15700 جنيه وها اكتب التفاصيل في رد لاحق إن شاء الله
عندي كام حاجه كدا لسه فيهم مشاكل .. عايز رايكم فيهم:
- كود الكاسيت .. التوكيل بيتهرب مني ومش بيديني الكود وبيقولي لازم ازور التوكيل .. مافيش حل تاني ؟؟
- الدريكسيون تقيل موووت و قافش وفي الملفات مش بيرد و بيحك في الفيبر اللي فيه الطاره .. رحت كشفت علي الباور .. قالولي الماكنه كويسه و غيرت الباره الداخليه لانها كانت معووجه.. في ناس بتقولي دي الأسكارتا - علبة الدريكسيون - يعني فيها حته اتلوحت من الحادث.. انا مش عارفاللي فيها من ايه وعايز حد يكشفلي عليها يقولي فيها ايه بالضبط لان علبة الدريكسيون استيراد بتوصل ل 2000 جنيه .. حرام والله
- حساس الحرارة بيلعب .. يطلع ل 4 شرط و ينزل و يطلع و احياينا يركن علي شرطتين لمده ساعه مثلا .. الميه بتاعه التبريد ما بين العلامتين هو انا لازماخليها لل ماكس ؟ واعمل ايه في حساس الحراره ؟
اخر حاجه تقلق منها حساس الحرارة لما ينزل شرطتين
انا مغير في التوكيل حساس الحرارة مرتين
وترموستات الحرارة مرة
وبرضه بعد سنة رجع يلعب تاني
دا العادي بتاع اللوجان
اطمن بس على اساسيات عربيتك وخصوصا علبة الدركسيون وقضي فترة راحة بعدها وبعدين نشوف اي حاجه فيها
أولا بالنسبة للكود بتاع الكاسيت التوكيل بيعتبر ده حماية للكاسيت من السرقة ودى مش غلاسة ولاحاجة هما عمرهم ما أدوا الكود لأى حد بالتليفون روحلهم بالعربية و قولهم أنا غيرت البطارية و مش لازم الفرع اللى أنت عملت فيه المقايسة
الحاجة التانية بالنسبة لأتزان العربية العربية ماشية كويس و ما بتعومش و ما بتحدفش يمين وشمال و روحت لواحد بتاع زوايا من الجامدين عملك كشف على العربية و قاللك أيه اللى ممكن يكون حصل الحاجة التانية رجاء لما تروح لأى حد يظبط لك الزوايا قولله العربية طلعت بيها على الرصيف لكن ما تقولوش أن العربية كانت عاملة حادثة وألا حيغمل عليك شغل
الحرارة ممكن ترموستات و ممكن يكون ترموستات الكوعة أذا كان فى العربية ترموستات كوعة وممكن تكون مروحة و ممكن تكون شوية وصلات كهربة عايزة تنظيف المهم أن كل ده بسيط المهم الشاسيه و الله قلبى معاك المهم أن الواحد بقى حاطط أيده على قلبه بعد ما عرفت الرقم الخزعبلي للمقايسة عربية تتصلح ب 60 % من تمنها و مافيش خبطة جت فى الشاسيه و لا السقف و لا الموتور يا حلاووووووووووووووووة و الله طول ما الواحد سايق ناقص يجيب عصاية و يضرب أى حد يقرب من العربية و أطلع من الأزاز اللى جنبى أقولله خد بالك يا أستاذ خللى بالك يا هانم ركز شوية و أنت بتسوق أبوس أيدك ما تتكلمش فى الموبايل لماخلاص لكن أرجع , أقول ربك هو اللى حامى أذا كان ربنا حامينا كبشر يبقى مش حيحمى شوية صاج و ربنا يسترها على الكل و ألف لا بأس عليك و معلش أتأكد تماما أن ربنا ما بيجبش حاجة وحشة أبدا وده اللى خلانى متردد أنى أخلص قسط العربية و لا أكمل التأمين و أكمل القسط و بعدين قولت ما هو كده كده القسط حيخلص السنة الجايه يعنى مش حيبقى فيه ضرورة للتأمين و ربك هو الستار و أنا أسف طولت عليك
طاب سا شباب عايز اروح مركز خدمة اكشف علي العربيه .. بفكر اروح فرنش موتورز دول كويسين ؟